25.01.2019 | 
Ուսանողական
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԱԽԱԳԱՀԸ ՀԱՆԴԻՊԵՑ ՈՒՍԱՆՈՂԱԿԱՆ ԽՈՐՀՐԴԻ ՆԱԽԱԳԱՀՈՒԹՅԱՆ ԱՆԴԱՄՆԵՐԻ ՀԵՏ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԱԽԱԳԱՀԸ ՀԱՆԴԻՊԵՑ ՈՒՍԱՆՈՂԱԿԱՆ ԽՈՐՀՐԴԻ ՆԱԽԱԳԱՀՈՒԹՅԱՆ ԱՆԴԱՄՆԵՐԻ ՀԵՏ
ԵՊՀ գիտական խորհրդի նիստերի դահլիճում ԵՊՀ հոգաբարձուների խորհրդի նախագահ Գևորգ Մուրադյանը և քարտուղար Արթուր Իսրայելյանը հանդիպեցին ՈՒԽ նախագահության անդամների հետ:

Հունվարի 22-ին կայացած նիստի ժամանակ Գևորգ Մուրադյանը, անդրադառնալով ԵՊՀ ՈՒԽ նախագահ Դավիթ Ափոյանի՝ ուսանողներին հանդիպելու և նրանց հետ անմիջական շփումներ ունենալու առաջարկին, պատրաստակամություն հայտնեց պարբերաբար քննարկումներ կազմակերպելու ուսանողների հետ:

Դիմելով ֆակուլտետների ներկայացուցիչ ուսանողներին՝ Գևորգ Մուրադյանը հետաքրքրվեց առկա խնդիրներով:

Անդրադառնալով բուհերի տված գիտելիքներին՝ Գևորգ Մուրադյանը շեշտեց գիտելիքները կիրառական դաշտ բերելու անհրաժեշտությունը, քանի որ գործատուներին հիմնականում չի բավարարում միայն ակադեմիական գիտելիքը: Նա նշեց, որ այս առումով պետք է զարգացնել կրթական ծրագրերը և ուսանողներին տալ լիարժեք կիրառական գիտելիքներ:

Քննարկելով ԵՊՀ-ում ուսումնառության մատչելիությունը՝ ուսանողները տեսակետներ հնչեցրեցին գին-որակ հարաբերակցության վերաբերյալ: Կարծիքներ հնչեցին, որ եղած գնի համեմատ ստացված կրթությունն ընդհանուր առմամբ դրական է գնահատվում:

Գևորգ Մուրադյանը այս հարցի վերաբերյալ նշեց, որ ուսանողների պահանջատիրությունը լավ ձևավորված չէ, և պետք է պայքարել ոչ թե բավարար, այլ որակյալ կրթության համար:

ՈՒԽ նախագահության անդամները ներկայացրին ուսանողներին հուզող խնդիրների հիմնական մասը: Ինչպես հայտնի է, դրանց շարքում են հայալեզու գրականության պակասը, վարձավճարների ժամկետների հետ կապված խնդիրները:

Քննարկման ավարտին Գևորգ Մուրադյանը նշեց, որ իր բոլոր որոշումները լինելու են առավելագույնս օբյեկտիվ և կապ չեն ունենալու ո՛չ երեկվա, ո՛չ այսօրվա, ո՛չ վաղվա քաղաքական կողմնորոշման հետ և խոստացավ այսպիսի հանդիպումները պարբերական դարձնել:

 

Մարի Ռաֆյան

Այլ նորություններ
«ԵՊՀ-ՈՒՄ Է ԳՈՐԾՈՒՄ ԻՐԱՆԱԳԻՏՈՒԹՅԱՆ ԼԱՎԱԳՈՒՅՆ ԴՊՐՈՑՆԵՐԻՑ ՄԵԿԸ». ԵՊՀ ՇՐՋԱՆԱՎԱՐՏ ՇՈՒՇԱՆ ԱԶԱՏՅԱՆ
ԵՊՀ արևելագիտության ֆակուլտետի իրանագիտության բաժնի շրջանավարտ Շուշան Ազատյանը վերջերս ավարտել է Թեհրանի Շահիդ Բեհեշթի համալսարանի ասպիրանտուրան (PhD)՝ ստանալով լեզվաբանության դոկտորի աստիճան: Նա վստահեցնում է, որ իրանագիտության լավագույն դպրոցներից մեկը գործում է ԵՊՀ-ում, և հենց ԵՊՀ-ն է նպաստել իր կրթության շարունակականությանը: Մայր բուհի շրջանավարտի հետ զրուցել ենք Թեհրանում ունեցած իր փորձառության և հետագա անելիքների մասին:
«ԵՊՀ-Ն ԻՆՁ ԸՆՁԵՌԵԼ Է ՈՉ ՄԻԱՅՆ ԳԻՏԵԼԻՔՆԵՐ, ԱՅԼԵՎ ԱՐՏԵՐԿՐԻ ՀԵՂԻՆԱԿԱՎՈՐ ԲՈՒՀԵՐԻՑ ՄԵԿՈՒՄ ՍՈՎՈՐԵԼՈՒ ՀՆԱՐԱՎՈՐՈՒԹՅՈՒՆ». ՖԻԶԻԿԱՅԻ ՖԱԿՈՒԼՏԵՏԻ ՇՐՋԱՆԱՎԱՐՏ ՎԱՀԱԳՆ ՄՈՒՐԱԴՅԱՆ
Համալսարանական Վահագն Մուրադյանը ԵՊՀ ֆիզիկայի ֆակուլտետում ձեռք է բերել ոչ միայն մասնագիտական հիմնարար գիտելիքներ և վերլուծական մտածողություն, որոնք նրան հնարավորություն են ընձեռել սովորելու արտերկրի հեղինակավոր բուհերից մեկում, այլև ուսանողական տարիների անփոխարինելի հուշեր և ընկերներ: