07.05.2020 | 
Հասարակություն
ԵՊՀ ՊՐՈՖԵՍՈՐ, ԱՐՑԱԽՅԱՆ ԲԱՆԱԿԻ ԳՆԴԱՊԵՏ ԳՈՒՐԳԵՆ ՄԵԼԻՔՅԱՆԻ ԽՈՍՔԸ ՀԱՅ ԶԻՆՎՈՐԻ ՄԱՍԻՆ
ԵՊՀ ՊՐՈՖԵՍՈՐ, ԱՐՑԱԽՅԱՆ ԲԱՆԱԿԻ ԳՆԴԱՊԵՏ ԳՈՒՐԳԵՆ ՄԵԼԻՔՅԱՆԻ ԽՈՍՔԸ ՀԱՅ ԶԻՆՎՈՐԻ ՄԱՍԻՆ
ԵՊՀ պրոֆեսոր, արցախյան բանակի գնդապետ Գուրգեն Մելիքյանի խոսքը հայ զինվորի մասին:

«Բավական չէ իրազգի զավակը լինել,

պետք է նաև նրա հրաշունչ զինվորը լինել»:

 

ԳարեգինՆժդեհ

 

 

Երևանի պետական համալսարանն իր հիմնադրումից ի վեր եղել և մնում է ոչ միայն գիտության ու մշակույթի կարևորագույն ու գլխավոր օջախ, այլև հայ ազգային մտքի դաստիարակության և հայ ոգու ձևավորման օրրան: Ի սկզբանե Մայր բուհն իր ուսումնադաստիարակչական և հանրային մշակութային գործունեությամբ սերունդներին ներարկել է ազգային գիտակցության և ազգային արժանապատվության, քաղաքացիական առաքինության, հայրենիքին նվիրվելու զգացում:

 

Եվ պատահական չէ, որ անցյալ դարի 50-ական թվականներից սկսած հենց համալսարանականներն էին, որ արծարծեցին և պատշաճ վերաբերմունքի արժանացրին մեր ժողովրդի համար այնքան կարևոր և, ես կասեի, նույնիսկ ճակատագրական, Արցախի հիմնախնդիրը: Համալսարանի պրոֆեսորադասախոսական կազմը և բազմահազար ուսանողությունը մեր ազգային գիտակցության վերելքի տարիներին` 1965-ին, ազգային շարժման դրոշակակիրներն էին:

 

1988 թ. Արցախյան շարժման առաջին իսկ օրերին համալսարանականներն առաջին շարքերում էին և համոզված էին, որ այդ արդար պայքարում մեզ հաղթանակ է վիճակված:

 

Ես հոգու թրթիռով եմ սպասում այսօր բանակ մեկնող մեր դիրքապահ ուսանողների վերադարձին և ակնածանքով դիմավորում նրանց, քանզի նրանք են մեր ժամանակի իրական և գործող հերոսները:

 

Հոգիս փառավորվում է, երբ տեսնում եմ հերոսական սերնդի արժանավոր հետնորդներին` տաղանդավոր, աշխատասեր, հայրենապաշտ մեր ուսանողներին, որոնք պատրաստ են հայրենիքի առաջին իսկ կանչով գնալու իրենց ավագ եղբայրների, հայրերի  ու պապերի արժանավայել ճանապարհով` պատրաստ օրհասական պահին սեփական արյամբ ջրելու Ծառը Հայրենյաց…

 

 

Բան. գիտ. թեկնածու, պրոֆեսոր,

Արցախյան բանակի գնդապետ

Գուրգեն Մելիքյան

Այլ նորություններ
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը:
ՀԱՄԱԼՍԱՐԱՆԱԿԱՆՆԵՐՆ ԱՄԱՆՈՐԸ ԿԱՐՈՂ ԵՆ ԱՆՑԿԱՑՆԵԼ ԾԱՂԿԱՁՈՐԻ ՈԻՍՈԻՄՆԱԱՐՏԱԴՐԱԿԱՆ ԲԱԶԱՅՈՒՄ
Այս տարի ևս ԵՊՀ հիմնական աշխատակիցներն ու բոլոր ցանկացողներն իրենց ամանորյա տոները 31.12.2020-06.01.2021 թթ. ընկած ժամանակահատվածում կարող են անցկացնել Ծաղկաձորի ուսումնաարտադրական բազայում։