01.10.2021 | 
Հասարակություն
«ՓՈԽԱԴԱՐՁ ՕԳՆՈՒԹՅՈՒՆ, ԱՋԱԿՑՈՒԹՅՈՒՆ, ՆՎԻՐՈՒՄ ԵՎ ԲԱՐԵՎԱՐՔՈՒԹՅՈՒՆ». ՀՈՎՀԱՆՆԵՍ ՀՈՎՀԱՆՆԻՍՅԱՆԸ ՆԱԽԱՁԵՌՆԵԼ Է ՀԱՆԴԻՊՈՒՄՆԵՐԻ ՇԱՐՔ
«ՓՈԽԱԴԱՐՁ ՕԳՆՈՒԹՅՈՒՆ, ԱՋԱԿՑՈՒԹՅՈՒՆ, ՆՎԻՐՈՒՄ ԵՎ ԲԱՐԵՎԱՐՔՈՒԹՅՈՒՆ». ՀՈՎՀԱՆՆԵՍ ՀՈՎՀԱՆՆԻՍՅԱՆԸ ՆԱԽԱՁԵՌՆԵԼ Է ՀԱՆԴԻՊՈՒՄՆԵՐԻ ՇԱՐՔ
ԵՊՀ ռեկտորի ժ.պ. Հովհաննես Հովհաննիսյանը նախաձեռնել է հանդիպումների շարք ֆակուլտետների գիտխորհուրդների ընդլայնված կազմերի հետ, որոնց ընթացքում պրոֆեսորադասախոսական անձնակազմի, ասպիրանտների և ուսանողների հետ քննարկվում են ֆակուլտետի գործունեությունը, զարգացման և միջազգային համագործակցության հեռանկարները:

Այսօր մեկնարկած հանդիպումների շարքի շրջանակում ԵՊՀ ռեկտորի ժ.պ. Հովհաննես Հովհաննիսյանն այցելել է Տնտեսագիտության և կառավարման, Փիլիսոփայության և հոգեբանության ֆակուլտետներ, Մանկավարժության և կրթության զարգացման կենտրոն:

 

 

Ֆակուլտետների գիտական խորհուրդների ներկայացուցիչների հետ հանդիպման ժամանակ Հ. Հովհաննիսյանն անդրադարձել է գիտահետազոտական աշխատանքներին, դրանց միջազգայնացմանն ուղղված աշխատանքներին, ընդունելության արդյունքներին, կրթական ծրագրերի բարելավմանն ու արտասահմանյան բուհերի հետ համագործակցության հնարավորություններին:

 

 

Հովհաննես Հովհաննիսյանը ֆակուլտետներում տեղի ունեցած հանդիպումների ժամանակ փաստել է, որ իր ղեկավարության ընթացքում ԵՊՀ-ն որդեգրել է մարդակենտրոն մոտեցումների, ուսանողակենտրոն ուսուցման, պրոֆեսորադասախոսական կազմի տեղի և դերի վերարժևորման, կրթական միջավայրում բարեվարքության արմատավորման և համալսարանականի նկատմամբ մշտական հոգածության փիլիսոփայությունը։

 

 

Այցերի ընթացքում Հ. Հովհաննիսյանը պատասխանել է հանդիպման մասնակիցների հարցերին, որոնք, բարձրաձայնելով իրենց մտահոգությունները, նաև ողջունել են ռեկտորի նախաձեռնությունը՝ փաստելով, որ ներկայացված վերլուծությունները շատ բովանդակային են, իսկ առաջարկված ծրագրերը՝ ողջունելի։

Այլ նորություններ
ԵՊՀ-ՈՒՄ ԱՄՓՈՓՎԵՑԻՆ «Ի՞ՆՉ Է ՄՏԱԾՈՒՄ ՍՓՅՈՒՌՔԸ 21-ՐԴ ԴԱՐՈՒՄ» ԹԵՄԱՅՈՎ ՀԵՏԱԶՈՏՈՒԹՅՈՒՆՆԵՐԻ ԱՐԴՅՈՒՆՔՆԵՐԸ
Ինովացիոն լուծումների և տեխնոլոգիաների կենտրոնում (ISTC) տեղի ունեցած միջոցառման ժամանակ ծավալվեցին Հայկական սփյուռքին առնչվող առանցքային թեմաների վերաբերյալ քննարկումներ։
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆՈՒՄ ԿԱՅԱՑԱՎ «ՏԻԵԶԵՐՔ ԵՎ ՆԵՐՇՆՉԱՆՔ» ԽՈՐԱԳՐՈՎ ՊԱՆԵԼԱՅԻՆ ՔՆՆԱՐԿՈՒՄԸ
«ԵՊՀ-Սթարմուս Նոբելյան շաբաթ» միջոցառման շրջանակում կազմակերպված քննարկման բանախոսներն էին ԵՊՀ շրջանավարտ, Starmus VI փառատոնի համահիմնադիր, աստղաֆիզիկոս Գարիկ Իսրայելյանը, գրող Դեյվիդ Ջոն Էյքրը և հայազգի առաջին տիեզերագնաց Ջիմ Բաղյանը։ ԵՊՀ ռեկտոր Հովհաննես Հովհաննիսյանը Գ. Իսրայելյանին հանձնեց ԵՊՀ ոսկե մեդալ: