11.07.2022 | 
Կրթություն
«ԿԱՐԾՈՒՄ ԵՄ՝ ՕԼԻՄՊԻԱԴԱՅԻ ԿԱԶՄԱԿԵՐՊՎԱԾՈՒԹՅՈՒՆԸ ՇԱՏ ԱՎԵԼԻ ԼԱՎ Է, ՔԱՆ ՆԱԽՈՐԴ ՏԱՐԻՆԵՐԻՆ ԷՐ». ԿՄՕ ՄԱՍՆԱԿԻՑ
«ԿԱՐԾՈՒՄ ԵՄ՝ ՕԼԻՄՊԻԱԴԱՅԻ ԿԱԶՄԱԿԵՐՊՎԱԾՈՒԹՅՈՒՆԸ ՇԱՏ ԱՎԵԼԻ ԼԱՎ Է, ՔԱՆ ՆԱԽՈՐԴ ՏԱՐԻՆԵՐԻՆ ԷՐ». ԿՄՕ ՄԱՍՆԱԿԻՑ
«Կենսաբանության 33-րդ միջազգային օլիմպիադայի» (ԿՄՕ) մասնակիցները շրջայց կատարեցին Կարեն Դեմիրճյանի անվան մարզահամերգային համալիրում, ծանոթացան անվտանգության կանոններին, լաբորատոր սարքավորումներին, այնուհետև ճանաչողական էքսկուրսիա իրականացրին Երևանում։

Մասնակիցներին ուղեկցող կամավորները ներկայացրին լաբորատոր սարքավորումները և անվտանգության սահմանված կանոնները։

 

 

 

Նախաքննական օրվա հաջորդ հատվածում մասնակիցները ծանոթացան մայրաքաղաքին, հիացան արևոտ Երևանով և հայերի ջերմ հյուրընկալությամբ։

 

 

Մեզ հետ զրույցում ԿՄՕ Ուզբեկստանի մասնակից Ազիզա Աբդուվալիևան, խոսելով օլիմպիադային իր մասնակցությունից և Հայաստանում ստացած տպավորություններից, ասաց. ««Կենսաբանության 33-րդ միջազգային օլիմպիադան» իմ կյանքի ամենակարևոր օլիմպիադան է: Նախորդ տարի նույնպես մասնակցել եմ օլիմպիադային, որն անցկացվում էր առցանց ձևաչափով: Այս տարի այն Հայաստանում է անցկացվում։ Ես առաջին անգամ եմ այստեղ և հիացած եմ այս երկրով»:

 

 

Մեր զրուցակիցը, հաջողություն մաղթելով օլիմպիադայի մասնակիցներին, անդրադարձավ նաև օլիմպիադայի կազմակերպվածությանը․ «Ես կարծում եմ՝ օլիմպիադայի կազմակերպվածությունը շատ ավելի լավ է, քան նախորդ տարիներին էր»:

 

 

Նշենք, որ քննության գործնական փուլը տեղի է ունենալու վաղը՝ հուլիսի 12-ին, և տևելու է 7 ժամ։ Այդ ընթացքում մասնակիցները համացանցին հասանելիություն չեն ունենալու։

 

Հիշեցնենք, որ նախօրեին Ալ. Սպենդիարյանի անվան օպերայի և բալետի ազգային ակադեմիական թատրոնի համերգասրահում տրվել էր «Կենսաբանության 33-րդ միջազգային օլիմպիադայի» մեկնարկը։

Այլ նորություններ
ԵՊՀ-ՈՒՄ ԱՄՓՈՓՎԵՑԻՆ «ՄԱՆՐԷՆԵՐԻ ՀԱՏԿՈՒԹՅՈՒՆՆԵՐ. ՆՈՐԱՐԱՐ ԳԱՂԱՓԱՐՆԵՐԻ ՄՐՑՈՒՅԹԻ» ԱՐԴՅՈՒՆՔՆԵՐԸ
Հաղթող ճանաչված թիմերն ստացան դրամական պարգևներ, իսկ մյուս թիմերին ժյուրին առաջարկեց շարունակել զարգացնել ներկայացված գաղափարները, քանի որ դրանք չափազանց արդիական են և կարող են նպաստել կենսաբանության, հատկապես մանրէաբանության ոլորտի առաջընթացին։
ԵՊՀ ԻՐԱՎԱԳԻՏՈՒԹՅԱՆ ԵՎ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՆԵՐԸ ՆՈՐ ՀՆԱՐԱՎՈՐՈՒԹՅՈՒՆՆԵՐ ԵՆ ՍՏԵՂԾՈՒՄ ՈՒՍԱՆՈՂՆԵՐԻ ՀԱՄԱՐ
«Մեդիա և տեղեկատվական իրավունք» մագիստրոսական ծրագրի շրջանակում ԵՊՀ իրավագիտության ֆակուլտետ այցելեց «Կոնրադ Ադենաուեր» հիմնադրամի Հարավային Կովկասի տարածաշրջանային ծրագրի տնօրենի տեղակալ Մաթիաս Հեսպեն՝ հետագա համագործակցությունների հեռանկարները, ինչպես նաև վերոնշյալ կրթական ծրագրի ուսանողներից երկուսին կրթաթոշակ տրամադրելու հարցը քննարկելու։