19.02.2016 | 
Քաղաքականություն
ՄԱՅՐ ԲՈՒՀՈՒՄ ՆՈՐ ԿԵՆՏՐՈՆ ԿԲԱՑՎԻ
ՄԱՅՐ ԲՈՒՀՈՒՄ ՆՈՐ ԿԵՆՏՐՈՆ ԿԲԱՑՎԻ
ԵՊՀ 7-րդ մասնաշենքի 6-րդ հարկում կգործի IBM Նորարարական լուծումների և տեխնոլոգիաների կենտրոնը (ISTC):

Նորարարական լուծումների և տեխնոլոգիաների կենտրոնի շինարարական աշխատանքները սկսվել են 2016 թ. փետրվարից և նախատեսված է ավարտել 2016 թ.-ի հունիս-հուլիս ամիսներին:

 

Նորարարական լուծումների և տեխնոլոգիաների կենտրոնի հիմնադիրներն են ՀՀ Կառավարությունը, «Ձեռնարկությունների ինկուբատոր» հիմնադրամը, Վերակառուցման և զարգացման միջազգային բանկը, ԱՄՆ ՄԶԳ-ն (USAID),  IBM կազմա­կերպությունը, ինչպես նաև Երևանի պետական համալսարանը:

 

Կենտրոնի շինարարական աշխատանքներն իրականացնում է «Բաղրամյանշին» ԲԲԸ-ն, իսկ աշխատանքների համակարգմամբ (մրցույթ, նախագծային աշխատանքների պատրաստում և այլն) զբաղվում է «Ձեռնարկությունների ինկուբատոր» հիմնադրամը:

 

 

Կենտրոնն իր գործունեությունն իրականացնելու է մի շարք ուղղություններով՝ ՏՏ կրթության և գիտահետազոտական աշխատանքների հզորացում, ՀՀ հիմնական բարձրագույն ուսումնական հաստատությունների ուսումնական պլանների նորացում, տեղական և ԱՄՆ համալսարանների միջև համագործակցություն, գիտահետազոտական աշխատանք­ների խրախուսում։

 

ISTC-ն իրականացնում է սթարթափ աքսելերացիա, այսինքն՝ աջակցություն անձնակազմին՝ կենսունակ թիմեր ստեղծելու նպատակով։ Այն նախատեսում է խորհրդատվություններ և ֆինանսական աջակցություն, զարգացման աղբյուրներից օգտվելու հնարավորություն, ինչպես նաև ՓՄՁ-ի համար ծրագրի ապահովման լուծումների տրամադրում և գլոբալ շուկաներում տեղական տեխնոլոգիաների գովազդում, միջավայրի ստեղծում տեխնոլոգիական լուծումների մշակման և փորձարկման համար։

 

ISTC կենտրոնի ռեսուրսներից (մասնավորապես Ակադեմիական նախաձեռնության դասընթացներից, վիրտուալ գրադարաններից, կենտրոնի ծրագրային ապահովումից և համակարգչային տեխնիկայից, կենտրոնի անձնակազմի և IBM փորձագետների աջակցությունից և այլն) օգտվելու հնարավորություն են ունենալու ինչպես  համալսարանականները, այնպես էլ ՀՀ այլ համալսարանների ուսանողներն ու դասախոսները, այդ թվում՝ մասնավոր հատվածը։

 

Շինարարական աշխատանքների շրջանակում տեղադրվելու է վերելակ, որից կկարողանան օգտվել նաև մասնաշենքի ուսանողները և դասախոսները: Վերելակի առկայությունը կարևոր է հատկապես հենաշարժողական խնդիրներ ունեցող անձանց ազատ տեղաշարժն ապահովելու համատեքստում:

 

 

ԵՊՀ ղեկավարությունը վստահեցնում է, որ շինարարական աշխատանքների ընթացքում պահպանվում են սահմանված բոլոր նորմերը, իրականացվում է ամենօրյա վերահսկողություն մասնագիտացված տեխնիկական վերահսկողության և նախագծային կազմակերպությունների, ինչպես նաև համալսարանի ու կենտրոնի մյուս հիմնադիրների կողմից:

 

Հավելենք, որ շինարարական աշխատանքներ սկսելու համար Երևանի քաղաքապետարանը տրամադրել է թույտվություն: Առկա են նաև սեյսմիկ և այլ պատասխանատու կառույցների հաստատումներն ու եզրակացությունները:

Այլ նորություններ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ ՏԵՂԻ ՉԻ ՈՒՆԵՑԵԼ. ՆԵՐԿԱ ԵՆ ԵՂԵԼ ՄԻԱՅՆ ՀԱՄԱԼՍԱՐԱՆԱԿԱՆ ԱՆԴԱՄՆԵՐԸ
ԵՊՀ հոգաբարձուների խորհրդի այսօր հրավիրված նիստը չի կայացել՝ քվեակազմի բացակայության պատճառով. 32 անդամներից ներկա էին 14-ը:
«ՍԵՐՎԻՍԻ ԿԱԶՄԱԿԵՐՊԻՉ/ՄԵՆԵՋՄԵՆՏ» ԽՈՐԱԳՐՈՎ ԴԱՍԱԽՈՍՈՒԹՅՈՒՆ ԵՐԵՎԱՆԻ ԹԻՎ 190 ԱՎԱԳ ԴՊՐՈՑՈՒՄ
ԵՊՀ աշխարհագրության և երկրաբանության ֆակուլտետի սերվիսի ամբիոնի վարիչ Սեյրան Սուվարյանն այսօր «Սերվիսի կազմակերպիչ/մենեջմենտ» խորագրով դասախոսություն է կարդացել Երևանի թիվ 190 ավագ դպրոցում: