16.02.2022 | 
Կրթություն
«ՃԱՆԱՉԻ՛Ր ՄԱՅՐ ԲՈՒՀԸ». ԻՆՏԵԼԵԿՏՈՒԱԼ ՄՐՑՈՒՅԹ ՀԱՄԱԼՍԱՐԱՆԱԿԱՆՆԵՐԻ ՀԱՄԱՐ
«ՃԱՆԱՉԻ՛Ր ՄԱՅՐ ԲՈՒՀԸ». ԻՆՏԵԼԵԿՏՈՒԱԼ ՄՐՑՈՒՅԹ ՀԱՄԱԼՍԱՐԱՆԱԿԱՆՆԵՐԻ ՀԱՄԱՐ
ԵՊՀ Լ.Ղարիբջանյանի անվան պատմության թանգարանում տեղի է ունեցել ԵՊՀ երկարամյա ռեկտոր Սերգեյ Համբարձումյանի 100-ամյակին նվիրված «Ճանաչի՛ր Մայր բուհը» խորագրով ինտելեկտուալ մրցույթ:

Ուսանողական մրցույթի նպատակն է երիտասարդ համալսարանականներին ծանոթացնել Մայր բուհի պատմությանը:  

 

 

Թանգարանի տնօրեն Հեղինե Գասպարյանն անդրադարձավ մրցույթի կարևորությանը, ներկայացրեց Ս. Համբարձումյանի կյանքին ու գործունեությանը վերաբերող որոշ մանրամասներ:

 

 

Միջոցառմանը, որին ներկա էր ԵՊՀ ռեկտոր Հովհաննես Հովհաննիսյանը, մասնակցում էին ԵՊՀ մաթեմատիկայի և մեխանիկայի ու Պատմության ֆակուլտետների ուսանողները: Մրցույթի ժյուրիի կազմում էին ԵՊՀ եվրոպական լեզուների և հաղորդակցության ֆակուլտետի դեկան Գևորգ Բարսեղյանը, «Վարդանանք» ռազմահայրենասիրական դաստիարակության ակումբի նախագահ Սաթենիկ Աբրահամյանը, թանգարանի տնօրեն Հեղինե Գասպարյանը, իսկ նախագահն էր Պատմության ֆակուլտետի դեկան Էդիկ Մինասյանը:

 

 

«Նմանօրինակ միջոցառումները շատ կարևոր են ուսանողերին հավելյալ գիտելիքներ փոխանցելու առումով: Մրցույթի հարցաշարը վերաբերում է ոչ միայն ԵՊՀ պատմությանը, այլև զարգացման հետագա փուլերին: Այսպիսով, ուսանողները հնարավորություն ունեն ուսումնասիրելու Մար բուհի պատմությունը և նախանշելու նաև հետագա զարգացումները»,- նշում է Է. Մինասյանը:

 

Մրցույթում հաղթող ճանաչվեց Պատմության ֆակուլտետը ներկայացնող թիմը: Բոլոր մասնակիցները պարգևատրվեցին հավաստագրերով և գրքերով:

 

 

Վարդուհի Զաքարյան

 

Այլ նորություններ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ: