13.06.2022 | 
Կրթություն, Գիտություն
ԵՊՀ-Ն ՄԻՋԱԶԳԱՅԻՆ ՆՈՐ ԳՈՐԾԸՆԿԵՐ ՈՒՆԻ․ ԿԱՏԱՐԻ ՀԱՄԱԼՍԱՐԱՆԻ ՀԵՏ ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ
ԵՊՀ-Ն ՄԻՋԱԶԳԱՅԻՆ ՆՈՐ ԳՈՐԾԸՆԿԵՐ ՈՒՆԻ․ ԿԱՏԱՐԻ ՀԱՄԱԼՍԱՐԱՆԻ ՀԵՏ ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ
Դոհայում այսօր ԵՊՀ ռեկտոր Հովհաննես Հովհաննիսյանը և Կատարի համալսարանի նախագահ Հասան բն Ռաշիդ ալ-Դարհամը ստորագրել են երկու բուհերի միջև համագործակցության համաձայնագիր՝ հաստատելու և զարգացնելու փոխգործակցություն կրթության, գիտության, տեխնոլոգիայի և մշակույթի ոլորտներում։

ԵՊՀ ռեկտոր Հովհաննես Հովհաննիսյանը ՀՀ վարչապետի պատվիրակության կազմում երկօրյա այցով գտնվում է Կատարում, որտեղ հանդիպումներ է ունենում կրթության ու գիտության ոլորտի ներկայացուցիչների հետ՝ քննարկելու փոխադարձ հետաքրքրություն ներկայացնող հարցեր ու ծրագրեր։

 

Հ․ Հովհաննիսյանն այսօր Կատարի համալսարանի իր պաշտոնակից Հասան բն Ռաշիդ ալ-Դարհամի հետ ստորագրել է երկու բուհերի միջև համագործակցության համաձայնագիր՝ իրականացնելու համատեղ ծրագրեր սոցիալական, հումանիտար և բնական գիտությունների ոլորտներում։

 

 

Ըստ համաձայնագրի՝ բուհերը կիրականացնեն ուսանողների և անձնակազմի փոխանակման ծրագրեր, կծավալեն հետազոտական համատեղ գործունեություն, կկազմակերպեն հանդիպումներ, սեմինարներ ու գիտաժողովներ և մագիստրատուրայի կրկնակի ծրագրերի իրականացման նպատակով կկատարեն համապատասխան աշխատանքներ։

 

 

Բացի դրանից՝ համաձայնագրով նախատեսվում է  Կատարի համալսարանում հիմնել հայագիտական կենտրոն, իսկ ԵՊՀ-ում նոր թափ հաղորդել արաբագիտության բնագավառի զարգացմանը։

 

ԵՊՀ-ն և Կատարի համալսարանն այսուհետ կփոխանակեն նաև կրթական, գիտական ու մեթոդական գրականություն և կիրականացնեն տարաբնույթ այլ ծրագրեր։

Այլ նորություններ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ: