01.10.2018 | 
Գիտություն
ԳԻՏԱԿԱՆ ԾՐԱԳԻՐ. ԱՌԱՋԱՐԿՎՈՒՄ Է ՀԱԿԱՈՒՌՈՒՑՔԱՅԻՆ ԴԵՂԱՄԻՋՈՑՆԵՐԻ ԲՈՒԺԻՉ ԱԶԴԵՑՈՒԹՅԱՆ ԱՐԴՅՈՒՆԱՎԵՏՈՒԹՅԱՆ ՄԵԾԱՑՄԱՆ ՆՈՐ ՈՒՂԻ
ԳԻՏԱԿԱՆ ԾՐԱԳԻՐ. ԱՌԱՋԱՐԿՎՈՒՄ Է ՀԱԿԱՈՒՌՈՒՑՔԱՅԻՆ ԴԵՂԱՄԻՋՈՑՆԵՐԻ ԲՈՒԺԻՉ ԱԶԴԵՑՈՒԹՅԱՆ ԱՐԴՅՈՒՆԱՎԵՏՈՒԹՅԱՆ ՄԵԾԱՑՄԱՆ ՆՈՐ ՈՒՂԻ
ԿԳՆ գիտության կոմիտեի կողմից պայմանագրային ֆինանսավորման է երաշխավորվել ԵՊՀ կենսաբանության ֆակուլտետի ներկայացրած «Հակաուռուցքային դեղամիջոցների արդյունավետության բարձրացման քրոմատին-կախյալ ուղու առանցքային ֆերմենտների ակտիվության կարգավորումը» գիտական թեման:

Ծրագրի ղեկավար, Կենսաբանության ֆակուլտետի կենսաֆիզիկայի ամբիոնի դոցենտ Իրինա Արծրունու հետ զրուցեցինք վերոնշյալ գիտական թեմայի հեռանկարների ու կիրառական նշանակության մասին:   

 

Իրինա Արծրունին մինչ գիտական ծրագրին անդրադառնալը՝ նշեց, որ ներկայումս առաջ է քաշվում անձնականացված դեղաբուժական մոտեցումների անհրաժեշտությունը, ինչը թույլ կտա մեծացնելու բուժման արդյունավետությունը՝ նվազեցնելով դեղամիջոցների անցանկալի կողմնակի ազդեցություններն առողջ օրգան-համակարգերի վրա: 

 

Ներկայացնելով գիտական թեման՝ ծրագրի ղեկավարը նշեց, որ այն նվիրված է թույլ տոքսիկությամբ, ցածր ինքնարժեքով գալաթանինի ազդեցության ուսումնասիրությանն առնետների լյարդի և ուրցագեղձի բջիջների բջջակորիզներում առանցքային դեր կատարող պոլիադենոզին կրկնաֆոսֆատի պոլիմերների մեթաբոլիզմի վրա հզոր հակաուռուցքային դեղամիջոց ցիսպլատինի ներարկումից հետո:

 

«Քաղցկեղի բուժման ժամանակ կիրառվող դեղանյութերը, որպես կանոն, խիստ ցիտոտոքսիկ են և դրանց արդյունավետությունը սահմանափակումն այն է, որ ուռուցքային բջիջների հետ միասին դեղամիջոցի ազդեցության թիրախ են դառնում օրգանիզմի նաև առողջ բջիջները: Այս պարագայում հատուկ նշանակություն է ձեռք բերում դեղամիջոցների ուղղորդված հակաուռուցքային արդյունավետության մեծացումը, ինչը հնարավորություն է ընձեռնելու փոքրացնել տոքսիկ ազդակների չափաբաժինները»,-մանրամասնեց բանախոսը:

 

Նա հայտնեց, որ գիտական ծրագրի ընթացքում իրականացվելու է գալաթանինի և ցիսպլատինի համատեղ ազդեցության ուսումնասիրությունը ոչ միայն պոլիադենոզին կրկնաֆոսֆատի փոխանակության վրա, այլև բջջակորիզներում քրոմատինի կառուցվածքի վրա: «Այս հետազոտությունների արդյունքներն ունեն մեծ գործնական նշանակություն արդյունավետ և ավելի անվնաս բուժիչ սխեմաների մշակման համար»,- հավելեց գիտական ծրագրի ղեկավարը:

 

Նադեժդա Տեր-Աբրահամյան

 

 

Այլ նորություններ
ԲՈՆՆԻ ՀԱՄԱԼՍԱՐԱՆԻ ՊՐՈՖԵՍՈՐ ՍԵԲԱՍՏԻԱՆ ՀԱՅՆԵՆ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
ԵՊՀ արևելագիտության ֆակուլտետի իրանագիտության ամբիոնում այսօր Բոննի համալսարանի պրոֆեսոր Սեբաստիան Հայնեն հանդես է եկել «Ընդհանուր ակնարկ աֆղաներենով դյուցազներգական գրականության մասին» խորագրով դասախոսությամբ:
ԴՐԱՄԱՇՆՈՐՀՆԵՐԸ՝ ՀԵՏԱԶՈՏՈՒԹՅՈՒՆՆԵՐԸ ՇԱՐՈՒՆԱԿԵԼՈՒ ԵՎ ՆՈՐ ՈՒՍՈՒՄՆԱՍԻՐՈՒԹՅՈՒՆՆԵՐ ԻՐԱԿԱՆԱՑՆԵԼՈՒ ՀՆԱՐԱՎՈՐՈՒԹՅՈՒՆ. ԵՊՀ ՀԱՅՑՈՐԴԸ ՀԱՂԹԵԼ Է ՄՐՑՈՒՅԹՆԵՐՈՒՄ
ԵՊՀ քիմիայի ֆակուլտետի հայցորդ, Օրգանական քիմիայի ամբիոնի ուսումնական լաբորատորիայի վարիչ Նաղաշ Միրաքյանի առաջարկած թեման Ձեռնարկությունների ինկուբատոր հիմնադրամի և «PMI Science»-ի կողմից իրականացվող «Ասպիրանտների աջակցության ծրագիր 2019»-ի շրջանակում երաշխավորվել է ֆինանսավորման: Բացի դրանից՝ ֆինանսավորվելու է նրա և Օրգանական քիմիայի ամբիոնի վարիչ Նարինե Դուրգարյանի կողմից «Faculty research funding project 2019» ծրագրին ներկայացված թեման: