09.10.2018 | 
Քաղաքականություն
ՖՐԱՆԿՈՖՈՆԻԱՅԻ ՀԱՄԱԼՍԱՐԱՆԱԿԱՆ ԳՈՐԾԱԿԱԼՈՒԹՅԱՆ ՌԵԿՏՈՐ ԺԱՆ-ՊՈԼ ԴԸ ԳՈԴՄԱՐՆ ԱՅՑԵԼԵՑ ԵՊՀ
ՖՐԱՆԿՈՖՈՆԻԱՅԻ ՀԱՄԱԼՍԱՐԱՆԱԿԱՆ ԳՈՐԾԱԿԱԼՈՒԹՅԱՆ ՌԵԿՏՈՐ ԺԱՆ-ՊՈԼ ԴԸ ԳՈԴՄԱՐՆ ԱՅՑԵԼԵՑ ԵՊՀ
ԵՊՀ ռեկտոր Արամ Սիմոնյանը հյուրընկալեց Ֆրանկոֆոնիայի համալսարանական գործակալության ռեկտոր Ժան-Պոլ դը Գոդմարին:

Ժան-Պոլ դը Գոդմարի գլխավորած պատվիրակության հետ հանդիպմանը ներկա էին նաև ԵՊՀ գիտական քաղաքականության և միջազգային համագործակցության պրոռեկտոր Գեղամ Գևորգյանը, Միջազգային համագործակցության վարչության պետ Ալեքսանդր Մարգարովը և Ռոմանագերմանական բանասիրության ֆակուլտետի ֆրանսիական բանասիրության ամբիոնի վարիչ Զավեն Հարությունը:

 

Արամ Սիմոնյանը ողջունեց հյուրերին և որոշ մանրամասներ ներկայացրեց ԵՊՀ պատմության և մասնավորապես միջազգային համագործակցության ընդլայնմանն ու ամրապնդմանն ուղղված գործընթացները՝ կարևորելով ֆրանսիական համալսարանների հետ փոխգործակցությունը:

 

«Ֆրանսիական համալսարանների հետ համագործակցությունը կարևոր դեր է խաղում բուհի միջազգայնացման գործում: Որոշ գործընկեր բուհերի հետ տասնյակ տարիների փոխգործակցության արդյունավետ փորձ ունենք»,- նշեց ռեկտորը:

 

Ժան-Պոլ դը Գոդմարը, ով Հայաստան է այցելել մասնակցելու Ֆրանկոֆոնիայի օրերին, կարևորեց Հայաստանի ակտիվ ներգրավվածությունն ու մասնակցությունն ընթացող միջոցառումներին:

 

«Մեզ համար շատ կարևոր է այցելությունը Երևանի պետական համալսարան, քանի որ համալսարանականները նույնպես ակտիվ մասնակցություն ունեն Ֆրանկոֆոնիային նվիրված միջոցառումներին»,- նշեց Ֆրանկոֆոնիայի համալսարանական գործակալության ռեկտորը:

 

Զավեն Հարությունյանն էլ հյուրերին պատմեց Ֆրանսիական բանասիրության ամբիոնի գործունեության մասին:

 

Հանդիպման վերջում կողմերը հուշանվերներ նվիրեցին միմյանց և պայմանավորվածություն ձեռք բերեցին հետագայում առավել մանրամասն քննարկել համագործակցության հնարավոր ուղղությունները:

Այլ նորություններ
«ԴՈՒՔ ԱԴԱՄԱՆԴԵ ՍԻՐՏ ՈՒՆԵՔ». ՄԱԿ-Ի ԳԼԽԱՎՈՐ ՔԱՐՏՈՒՂԱՐԻ ՀԱՏՈՒԿ ԽՈՐՀՐԴԱԿԱՆ ԱԴԱՄԱ ԴԻԵՆԳ
ԵՊՀ գիտխորհրդի նիստերի դահլիճում դասախոսությամբ հանդես եկավ ՄԱԿ-ի գլխավոր քարտուղարի ցեղասպանության կանխարգելման հարցերով հատուկ խորհրդական Ադամա Դիենգը:
ԴՊՐՈՑԱԿԱՆՆԵՐԸ ԵՊՀ-ՈՒՄ ԾԱՆՈԹԱՑԱՆ ԱՆՉԱՓԱՀԱՍՆԵՐԻ` ՀՀ ՍԱՀՄԱՆԱԴՐՈՒԹՅԱՄԲ ԵՐԱՇԽԱՎՈՐՎԱԾ ԻՐԱՎՈՒՆՔՆԵՐԻՆ
ԵՊՀ մինչհամալսարանական կրթության վարչության կողմից իրականացվող «Մասնագիտական կողմնորոշման օր» ծրագրի շրջանակում այսօր Երևանի N 170 ավագ դպրոցի 11-րդ դասարանի աշակերտները Մայր բուհի կրթական ծրագրերին ծանոթանալու նպատակով այցելեցին ԵՊՀ իրավագիտության և միջազգային հարաբերությունների ֆակուլտետներ: