13.03.2018 | 
Կրթություն
«ՄԻՋԱԶԳԱՅԻՆ ԻՐԱՎՈՒՆՔԻ ԱՐԴԻ ԽՆԴԻՐՆԵՐԸ. ՍՏԱՄԲՈՒԼ-ՆՅՈՒՐՆԲԵՐԳ-ՀԱԱԳԱ». ԴԱՍԱԽՈՍՈՒԹՅՈՒՆ ԻՐԱՎԱԳԵՏՆԵՐԻ ՀԱՄԱՐ
«ՄԻՋԱԶԳԱՅԻՆ ԻՐԱՎՈՒՆՔԻ ԱՐԴԻ ԽՆԴԻՐՆԵՐԸ. ՍՏԱՄԲՈՒԼ-ՆՅՈՒՐՆԲԵՐԳ-ՀԱԱԳԱ». ԴԱՍԱԽՈՍՈՒԹՅՈՒՆ ԻՐԱՎԱԳԵՏՆԵՐԻ ՀԱՄԱՐ
Այսօր ԵՊՀ իրավագիտության ֆակուլտետի ուսանողների համար դասախոսություն կարդաց Նյուրնբերգի Ֆրիդրիխ-Ալեքսանդր համալսարանի միջազգային իրավունքի ինստիտուտի հայազգի գիտաշխատող Գուրգեն Պետրոսյանը:

ԵՊՀ քրեական իրավունքի ու եվրոպական և միջազգային իրավունքի ամբիոնների նախաձեռնությամբ երիտասարդ իրավագետների համար դասախոսությունը կարդաց Նյուրնբերգի Ֆրիդրիխ-Ալեքսանդր համալսարանի միջազգային իրավունքի ինստիտուտի գիտաշխատող Գուրգեն Պետրոսյանը:

 

Իրավագիտության ֆակուլտետի շրջանավարտին ներկայացրեց ֆակուլտետի դեկան Գագիկ Ղազինյանը և նրան հանձնեց ԵՊՀ շնորհակալագիր:

 

 

«Գուրգեն Պետրոսյանը մեր ֆակուլտետի լավագույն շրջանավարտներից է, ով միջազգային հարթակներում բարձր է պահում բուհի ու ֆակուլտետի անունը»,- ասաց Գ. Ղազինյանը և նշեց, որ դասախոսության նպատակն է ոչ միայն ուսանողներին ներկայացնել միջազգային քրեական իրավունքի ու դատավարության հիմնախնդիրները, այլև նախապատրաստել նրանց Գերմանիայի Նյուրնբերգ քաղաքում անցկացվող միջազգային քրեական իրավունքին նվիրված համաշխարհային դատախաղ-մրցույթին:

 

«Այս տարի՝ հունիսին, մեր ուսանողները կրկին մասնակցելու են համաշխարհային ամենամյա դատախաղ-մրցույթին, որտեղ անցած տարի երիտասարդ իրավագետները բարձր արդյունքներ գրանցեցին»,- ամփոփեց դեկանը:

 

Ֆակուլտետի բակալավրիատի 4-րդ կուրսի, ինչպես նաև մագիստրոսական մի շարք կրթական ծրագրերի ուսանողների համար նախատեսված դասախոսության ընթացքում բանախոսը ներկայացրեց միջազգային իրավունքի սկզբնաղբյուրները, պատմությանը հայտնի զանգվածային սպանություններ ծրագրած միջազգային հանցագործներին, որոնց ոճրագործությունները ծնել են այսօրվա միջազգային իրավունքի հիմնական դրույթները:

 

Գ. Պետրոսյանը խոսեց նաև համաշխարհային պատերազմների ընթացքում իրականացված հանցագործությունների հետևանքով տեղի ունեցած դատական գործընթացների մասին, մասնավորապես՝ մանրամասն անդրադառնալով Ստամբուլյան, Նյուրնբերգյան և Հաագայի դատավարություններին:

Այլ նորություններ
ԵՊՀ ՌՈՒՍԱԿԱՆ ԿԵՆՏՐՈՆԸ ՈՂՋՈՒՆՈՒՄ Է ԱՌԱՋԻՆԿՈՒՐՍԵՑԻՆԵՐԻՆ
Այսօր ԵՊՀ ռուսական կենտրոնը նախաձեռնել էր ամենամյա հանդիպում Ռուս բանասիրության ֆակուլտետի առաջին կուրսի ուսանողների հետ:
ԵՊՀ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑԵԼ Է ՏԱՇՔԵՆԴԻ ՀԱՄԱԼՍԱՐԱՆՈՒՄ ԿԱԶՄԱԿԵՐՊՎԱԾ ՄԻՋԱԶԳԱՅԻՆ ԴՊՐՈՑԻ ԱՇԽԱՏԱՆՔՆԵՐԻՆ
ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի մագիստրատուրայի ուսանողների և դասախոսների մի խումբ մասնակցել է Տաշքենդի համալսարանում կազմակերպված «Էքստրեմոֆիլներ՝ կենսաբանությունից մինչև կենսատեխնոլոգիա» խորագիրը կրող միջազգային ամառային դպրոցի աշխատանքներն: