02.11.2017 | 
Կրթություն
ՀԱՅՏՆԻ ՊՐՈՖԵՍՈՐԸ ԴԱՍԱԽՈՍՈՒԹՅՈՒՆՆԵՐ Է ԿԱՐԴՈՒՄ ՄԱՅՐ ԲՈՒՀՈՒՄ
ՀԱՅՏՆԻ ՊՐՈՖԵՍՈՐԸ ԴԱՍԱԽՈՍՈՒԹՅՈՒՆՆԵՐ Է ԿԱՐԴՈՒՄ ՄԱՅՐ ԲՈՒՀՈՒՄ
ԵՊՀ ռուս բանասիրության ֆակուլտետի հրավերով երկօրյա այցով համալսարանում է Սանկտ Պետերբուրգի պետական պոլիտեխնիկական համալսարանի պրոֆեսոր Վալերիա Չերնյավսկայան:

ԵՊՀ ռուս բանասիրության ֆակուլտետի ռուսաց լեզվաբանության, տիպաբանության և հաղորդակցման տեսության ամբիոնի կողմից իրականացված միջոցառումների շրջանակում Սանկտ Պետերբուրգի պետական պոլիտեխնիկական համալսարանի կիրառական լեզվաբանության ինստիտուտի գիտական գծով տնօրենի տեղակալ, բան. գիտ. դոկտորՎալերիա Չերնյավսկայան ոչ միայն կկարդա դասախոսություններ, այլև կմասնակցի կլոր սեղան-քննարկումների և սեմինարների:

 

Վալերիա Չերնյավսկայան մասնագիտացված է լեզվաբանության տեքստի, գիտական դիսկուրսի տեսության և մեթաբանության, գիտական հաղորդակցության ոլորտում:

 

Առաջին դասախոսությունը, որն այսօր ներկայացրեց պրոֆեսորը, վերաբերում էր բազմակոդ տեքստին՝ որպես լեզվաբանության օբյեկտի: Դասախոսության ընթացքում մասնագետը, խոսելով լեզվի մասին, ասաց, որ այն նշանային համակարգում արտոնյալ կոդ է. «Լեզուն նշանագիտական ռեսուրսներից մեկն է: Պատկերն այլևս բառ ցույց չի տալիս: Կառուցվածքային տեսանկյունից բառն ինքն է ազդում պատկերի վրա: Հարց է առաջանում՝ լեզվաբանությունն ընկրկո՞ւմ է մշակութաբանության առաջ, թե՞ այն ընդգրկում է առարկայական այլ ոլորտներ»:

 

Մեզ հետ զրույցում Ռուսաց լեզվաբանության, տիպաբանության և հաղորդակցման տեսության ամբիոնի վարիչ Լիլիթ Բրուտյանը փաստեց, որ կազմակերպվող միջոցառումներին մասնակցում են նաև դասախոսներ և ուսանողներ այլ բուհերից: 

 

Այլ նորություններ
ԵՊՀ ԴԱՍԱԽՈՍՆԵՐԻ ՀԱՄԱՐ ԱՆՑԿԱՑՎԵՑ ՀԱՄԱԼՍԱՐԱՆԻ ՄԻՋԱԶԳԱՅՆԱՑՄԱՆ ՔԱՂԱՔԱԿԱՆՈՒԹՅԱՆԸ  ՆՊԱՍՏՈՂ ԴԱՍԸՆԹԱՑ
Այսօր ԵՊՀ միջազգային համագործակցության վարչությունը ԵՊՀ 2016-2020 թթ. զարգացման ռազմավարական ծրագրի շրջանակում դասախոսների համար կազմակերպել էր դասընթաց, որի նպատակն է նպաստել համալսարանի միջազգայնացման քաղաքականությանը: Նշենք, որ դասընթացների ավարտից հետո մասնակիցներին կտրվի մեկ կրեդիտ։
«ԶՈՀԻ ՀՈԳԵԲԱՆՈՒԹՅՈՒՆՆ ԻՆՁ ՀԱՄԱՐ ՉԷ». ՀԱՐՑԱԶՐՈՒՅՑ ՄԱԳԻՍՏՐԱՆՏ ՆԵԼԻ ԱԲՐԱՀԱՄՅԱՆԻ ՀԵՏ
Հայոց ցեղասպանության առջև օրեցօր ծառացող մարտահրավերներն առավել պահանջված են դարձնում հարցին տիրապետող, բանիմաց երիտասարդ մասնագետներին: