10.05.2019 | 
Կրթություն
ԱՌԱՋԱՏԱՐ ՏԵԽՆՈԼՈԳԻԱՆԵՐԻ ՁԵՌՆԱՐԿՈՒԹՅՈՒՆՆԵՐԻ ՄԻՈՒԹՅԱՆ ԵՎ ԵՊՀ ՖԻԶԻԿԱՅԻ ՖԱԿՈՒԼՏԵՏԻ ՄԻՋԵՎ ԿՆՔՎԵՑ ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ԱՌԱՋԱՏԱՐ ՏԵԽՆՈԼՈԳԻԱՆԵՐԻ ՁԵՌՆԱՐԿՈՒԹՅՈՒՆՆԵՐԻ ՄԻՈՒԹՅԱՆ ԵՎ ԵՊՀ ՖԻԶԻԿԱՅԻ ՖԱԿՈՒԼՏԵՏԻ ՄԻՋԵՎ ԿՆՔՎԵՑ ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
Ֆիզիկայի ֆակուլտետն այսօր հյուրընկալել էր Առաջատար տեխնոլոգիաների ձեռնարկությունների (ԱՏՁՄ) միության գործադիր տնօրեն Կարեն Վարդանյանին:

Կոնֆերենց դահլիճում անցկացվող հանդիպման ընթացքում Առաջատար տեխնոլոգիաների ձեռնարկությունների (ԱՏՁՄ) միության գործադիր տնօրեն Կարեն Վարդանյանը պատմեց իր ղեկավարած միության և հետագա ծրագրերի հեռանկարների մասին:

 

Նա մանրամասն խոսեց ընկերության կողմից իրականացվող կրթական ծրագրերի, «Իրական դպրոց»-ի և հանրապետության տարբեր դպրոցներում գործող «Արմաթ» ինժեներական լաբորատորիաների մասին:

 

Կարեն Վարդանյանը ներկայացրեց, որ «Իրական դպրոց»-ը հիմնադրվել է 2016 թվականին, ուսումնական ծրագիրն իրականացվում է Ինֆորմացիոն տեխնոլոգիաների ձեռնարկությունների միության (ԻՏՁՄ) և «Ինստիգեյթ ուսումնական կենտրոն» հիմնադրամի կողմից՝ ՀՀ ԿԳՆ համագործակցությամբ: «Իրական դպրոց»-ն այսօր ունի շուրջ 200-ից ավելի աշակերտ:

 

 

Նա պատմեց, որ ԱՏՁՄ կողմից դեռևս 2008 թվականին մեկնարկել է Հայաստանում դպրոցականների շրջանում ռոբոտաշինության զարգացման լայնամասշտաբ ծրագիրը՝ ԱրմՌոբոտիքսը, որի շրջանակում Հայաստանի (ներառյալ Արցախի Հանրապետության) տարբեր համայնքներում ստեղծվել են խմբակներ, որտեղ աշակերտներն ուսումնասիրում էին ռոբոտաշինություն և աշխատում «Սայմոտեկ» ընկերության արտադրած ռոբոտներով։ «Հետագայում ԱրմՌոբոտիքսի հիման վրա Առաջատար տեխնոլոգիաների ձեռնարկությունների միությունը ստեղծեց «Արմաթ» ինժեներական լաբորատորիաները, որոնց թիվն այսօր հասնում է 270-ի»,- հավելեց բանախոսը:

 

Անդրադառնալով կրթական համակարգի խնդիրներին՝ Կարեն Վարդանյանը նշեց, որ այսօր գիտահետազոտական համալսարանների պակաս կա: «Մեր նպատակն է ֆինանսապես աջակցել գիտությամբ զբաղվող լավագույն երիտասարդներին և դասախոսներին, սակայն այդ ամենի համար պետք գտնենք համապատասխան և ճիշտ ձևաչափ»,- ասաց նա և առաջարկեց դասախոսներին հանդես գալ տարբեր առաջարկներով, որոնք կքննարկվեն հաջորդ հանդիպումների ընթացքում:

 

Հանդիպման ընթացքում քննարկվեցին նաև Առաջատար տեխնոլոգիաների ձեռնարկությունների միության (ԱՏՁՄ) և ԵՊՀ ֆիզիկայի ֆակուլտետի միջև համագործակցության հեռանկարները:

 

Իսկ հանդիպման վեջում Առաջատար տեխնոլոգիաների ձեռնարկությունների միության (ԱՏՁՄ) և ԵՊՀ ֆիզիկայի ֆակուլտետի միջև կնքվեց համագործակցության հուշագիր:

 

Նադեժդա Տեր-Աբրահամյան

Այլ նորություններ
 «ՏՎՅԱԼՆԵՐԻ ԳԻՏՈՒԹՅՈՒՆԸ ԲԻԶՆԵՍՈՒՄ» ՄԱԳԻՍՏՐՈՍԱԿԱՆ ԾՐԱԳՐԻ ՈՐՈՇ ՈՒՍԱՆՈՂՆԵՐ ՇԱՐՈՒՆԱԿԵԼՈՒ ԵՆ ՈՒՍՈՒՄԸ ՍԱՆ ԽՈՍԵԻ ՀԱՄԱԼՍԱՐԱՆՈՒՄ
Երևանի և Սան Խոսեի պետական համալսարանների 2019 թվականին ձեռք բերված համագործակցության շնորհիվ ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագրի ընտրական փուլը հաղթահարած 2-4 ուսանող 2020 թ. սեպտեմբերից կշարունակեն ուսումն ԱՄՆ-ի Սան Խոսեի պետական համալսարանի «Data Analytics» (MS) մագիստրոսական ծրագրում։ Համագործակցության, նպատակների ու հետագա գործունեության մասին ysu.am-ը զրուցել է «Տվյալների գիտությունը բիզնեսում» մագիստրոսական ծրագրի ղեկավար Ռուբեն Գևորգյանի և ընտրական փուլ հասած ուսանողներից մի քանիսի հետ։
«ԻՆԴՈՒՍՏՐԻԱՅԻ ՕՐ» ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ
Երևանի պետական համալսարանի մաթեմատիկայի և մեխանիկայի ֆակուլտետն այսօր կազմակերպել էր «Ինդուստրիայի օր» խորագիրը կրող միջոցառում, որի նպատակն էր բարձր կուրսերի ուսանողներին հնարավորություն տալ ծանոթանալու ՏՏ ոլորտի ընկերությունների ներկայացուցիչների հետ և իրենց մագիստրոսական ծրագրի համար գտնելու համագործակցության ուղիներ։