19.12.2016 | 
Ուսանողական
ՎԱՍՏԱԿԱՇԱՏ ՀԱՄԱԼՍԱՐԱՆԱԿԱՆԸ ՈՒՍԱՆՈՂՆԵՐԻՆ ՆԵՐԿԱՅԱՑՐԵՑ ՀԱՋՈՂՈՒԹՅԱՆ ԻՐ ԳՐԱՎԱԿԱՆԸ
ՎԱՍՏԱԿԱՇԱՏ ՀԱՄԱԼՍԱՐԱՆԱԿԱՆԸ ՈՒՍԱՆՈՂՆԵՐԻՆ ՆԵՐԿԱՅԱՑՐԵՑ ՀԱՋՈՂՈՒԹՅԱՆ ԻՐ ԳՐԱՎԱԿԱՆԸ
Դեկտեմբերի 16-ին ԵՊՀ գիտխորհրդի նիստերի դահլիճում ուսանողներին հյուրընկալվել էր Արևելագիտության ֆակուլտետի դեկան Գուրգեն Մելիքյանը:

«Հաջողության նախագիծ» ծրագրի շրջանակում կազմակերպվածհանդիպում-դասախոսությունը նախաձեռնել էր ԵՊՀ ուսանողների հետ տարվող աշխատանքների կենտրոնը:

Այս անգամ հաջողության իր բանաձևը ուսանողներին ներկայացրեց արևելագետ, բան. գիտ. թեկնածու, պրոֆեսոր Գուրգեն Մելիքյանը:

«Շատ պարտավորեցնող է այս հանդիպումը, քանի որ ես հանդիպում եմ Հայաստանի ապագայի հետ: Դուք մեր հզոր պետականության վաղվա օրն եք: Ես սիրում և հավատում եմ ձեզ»,- իր ելույթի սկզբում նշեց բանախոսը:

ՀՀ վաստակավոր մանկավարժ, «Մովսես Խորենացի» մեդալակիր, «Մարտական խաչ» երկրորդ աստիճանի մեդալակիր և մի շարք այլ պարգևների դափնեկիր, «Գուրգեն Մելիքյան» Քաշաթաղի բազմազավակ ընտանիքների հիմնադրամի գործադիր տնօրեն, գնդապետ Գուրգեն Մելիքյանը պատմեց իր մարտական ընկերներից և ռազմաճակատի հիշողություններից:

«Հայոց պետությունը հզորացնելը յուրաքանչյուրիս պարտքն է: Զինվորը ձեզանով է հզոր: Թիկունքը պահե՛ք»,- նշեց մեծանուն համալսարանականը:

Գուրգեն Մելիքյանը ուսանողներին հորդորեց առաջնորդվել Միսաք Մեծարենցի բանաստեղծության հետևյալ տողերով. «Տո՜ւր ինծի, Տէ՜ր, ուրախութիւնն անանձնական»: Նա հավատացնում էր, որ երջանկության գաղտնիքը շատ ստանալու մեջ չէ, այլ ընդհակառակը՝ շատ տալու մեջ է, ինչպես նաև հարգանքի մեջ է, հարգանքը մոր, հայ կնոջ հանդեպ:

«Հայ ժողովրդի ֆենոմենն ու գաղտնիքը, որի շնորհիվ մենք հասել ենք ցայսօր, հայ կինն է: Տիկնոջ մեծությունը ես զգացի Արցախում, հայ մոր մեծությունը ես զգացի Արցախում»,- հավելեց պրոֆեսորը:

Հանդիպման ավարտին Գուրգեն Մելիքյանը պատասխանեց նաև ուսանողներին հետաքրքրող հարցերին:

Այլ նորություններ
ԱՎԱՐՏՎԵՑ ԲԱՆԱՎԵՃԻ ԱԿՈՒՄԲԱՅԻՆ ԱՌԱՋՆՈՒԹՅՈՒՆԸ
Այսօր ԵՊՀ Պալեանների անվան դահլիճում տեղի ունեցավ ՈՒԽ բանավեճի ակումբի կազմակերպած 2017 թ.-ի բանավեճի ակումբային առաջնության եզրափակիչ փուլը։
«ԻՄԱՍՏ ԴՐԵ՛Ք ԱՅՆ ԱՄԵՆԻ ՄԵՋ, ԻՆՉ ԱՆՈՒՄ ԵՔ»
Այսօր ԵՊՀ ՈՒԽ-ի նախաձեռնությամբ տեղի ունեցավ «Հաջողության նախագիծ» ծրագրի հերթական սեմինար-դասընթացը: