03.05.2019 | 
Քաղաքականություն
ՀԱՆԴԻՊՈՒՄ ԼՅՈՒԲԼԻՆԻ (ԼԵՀԱՍՏԱՆ) ԿԱԹՈԼԻԿ ՀԱՄԱԼՍԱՐԱՆԻ ՌԵԿՏՈՐԻ ՀԵՏ
ՀԱՆԴԻՊՈՒՄ ԼՅՈՒԲԼԻՆԻ (ԼԵՀԱՍՏԱՆ) ԿԱԹՈԼԻԿ ՀԱՄԱԼՍԱՐԱՆԻ ՌԵԿՏՈՐԻ ՀԵՏ
ԵՊՀ ռեկտոր Արամ Սիմոնյանն այսօր իր աշխատասենյակում ընդունեց Լյուբլինի (Լեհաստան) կաթոլիկ համալսարանի ռեկտոր Անտոնի Դեբինսկիին:

Միջոցառման կազմակերպիչը ԵՊՀ միջազգային համագործակցության վարչությունն էր:

Հանդիպման ընթացքում Արամ Սիմոնյանը ներկայացրեց համալսարանի պատմությունը և գործող կրթական ծրագրերը:



ԵՊՀ միջազգային համագործակցության վարչության պետ Ալեքսանդր Մարգարովը հյուրերին ներկայացրեց ԵՊՀ-ի՝ «Erasmus+» ծրագրին անդամակցելու մանրամասները, ինչպես նաև անդրադարձավ օտարերկրյա ուսանողների կրթության կազմակերպման հարցերին:



Արամ Սիմոնյանը պատմեց Աստվածաբանության ֆակուլտետի կրթական ծրագրերի մասին՝ նշելով, որ այնտեղ դասավանդում են Հայ առաքելական եկեղեցու ներկայացուցիչներ, իսկ դեկանը եպիսկոպոս է:



Լյուբլինի (Լեհաստան) կաթոլիկ համալսարանի ռեկտորին հետաքրքրեց ԵՊՀ-ում «Աստվածաբանություն» առարկայի դասավանդումը:

Կողմերը կարևորեցին երկկողմ համագործակցության զարգացումը, ինչպես նաև քննարկեցին ընթացիկ խնդիրները՝ կապված օտարերկրյա ուսանողների համար կեցության և կրթության հետ:

 

Մարի Ռաֆյան

 

Այլ նորություններ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՈՒՐԴՆ ԸՆՏՐԵԼ Է ՆԱԽԱԳԱՀԻՆ ԵՎ ՔԱՐՏՈՒՂԱՐԻՆ. ՏԵՂԻ Է ՈՒՆԵՑԵԼ ՀԽ ՆԻՍՏԸ
ԵՊՀ գիտխորհրդի նիստերի դահլիճում այսօր տեղի է ունեցել «Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստը՝ օրակարգային 5 հարցերով, որի ընթացքում ընտրվել են նախագահ և քարտուղար:
ՀԱՍՏԱՏՎԵԼ Է «ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԻ ՀՈԳԱԲԱՐՁՈՒՆԵՐԻ ԽՈՐՀՐԴԻ ԿԱԶՄԸ
ՀՀ վարչապետ Նիկոլ Փաշինյանի 2021 թ. հոկտեմբերի 28-ի թիվ 1222-Ա որոշմամբ հաստատվել է ԵՊՀ կառավարման բարձրագույն մարմնի՝ հոգաբարձուների խորհրդի կազմը՝ բաղկացած 20 անդամից: