05.10.2017 | 
Գիտություն
ԴԱՍԱԽՈՍՈՒԹՅԱՄԲ ՀԱՆԴԵՍ ԵԿԱՎ ՄԻԼԱՆԻ ՊԵՏԱԿԱՆ ՀԱՄԱԼՍԱՐԱՆԻ ՊՐՈՖԵՍՈՐԸ
ԴԱՍԱԽՈՍՈՒԹՅԱՄԲ ՀԱՆԴԵՍ ԵԿԱՎ ՄԻԼԱՆԻ ՊԵՏԱԿԱՆ ՀԱՄԱԼՍԱՐԱՆԻ ՊՐՈՖԵՍՈՐԸ
Այսօր ԵՊՀ արևելագիտության ֆակուլտետի իրանագիտության ամբիոնում հյուրընկալվել էր Միլանի պետական համալսարանի բանասիրության և լեզվաբանության ամբիոնի պրոֆեսոր Անդրեա Սկալան:

Արտերկրից ժամանած պրոֆեսորը հանդես եկավ «Հունարեն, ասորերեն և իրանական փոխառություններիը հին հայերենում» թեմայով դասախոսությամբ: Հանդիպմանը ներկա էին Իրանագիտության ամբիոնի վարիչը, պրոֆեսորադասակոսական կազմի ներկայացուցիչներ, տարբեր կուրսերի ուսանողներ: Դասախոսությունը ներկայացվեց անգլերեն լեզվով:

 

Միջոցառման նպատակն է ուսանողներին և դասախոսներին ծանոթացնել Եվրոպայում հայագիտությանն առնչվող վերջին ուսումնասիրություններին: Իրանագիտության ամբիոնը Անդրեա Սկալայի հետ համագործակցում է նաև հայագիտության, իրանագիտության, գնչուագիտության ոլորտներում:

 

Իրանագիտության ամբիոնի վարիչ Վարդան Ոսկանյանը նշեց, որ քանի որ հաճախ չի հաջողվում ուսանողներին ծանոթացնել եվրոպական գիտության հետ հենց Եվրոպայում, այդ պատճառով ամբիոնում պարբերաբար հյուրընկալում են արտերկրից ժամանած մասնագետների, որոնք հանդես են գալիս դասախոսություններով:

 

«Մեզ համար պատիվ է, որ կարողանում ենք համագործակցել եվրոպական առաջատար համալսարանների հետ: Ես ուրախ եմ նաև, որ այսպիսով մեր ամբիոնը որոշակի առումով կամուրջ է դառնում իրանական և եվրոպական երկրների միջև»,- ասաց Վարդան Ոսկանյանը:

 

Ամբիոնի առաջարկով և նախաձեռնությամբ պարբերաբար կազմակերպվում են նաև տարբեր դասընթացներ: Վարդան Ոսկանյանը հավելեց նաև, որ երբեմն ուսանողներն անձամբ են առաջարկում, թե արտասահմանյան որ մասնագետի հետ են ցանկանում հանդիպել: 

Այլ նորություններ
ՀԵՂԱՓՈԽՈՒԹՅԱՆ ԱԿԱԴԵՄԻԱԿԱՆ ՍԱՀՄԱՆՄԱՆ ՓՈՐՁ. ՄԵԿՆԱՐԿԵՑ  «ՀԱՅԱՍՏԱՆ 2018. ԻՐՈՂՈՒԹՅՈՒՆՆԵՐ ԵՎ ՀԵՌԱՆԿԱՐՆԵՐ» ՄԻՋԱԶԳԱՅԻՆ ԳԻՏԱԺՈՂՈՎԸ
Այսօր Հայաստանի ամերիկյան համալսարանում մեկնարկեց «Հայաստան 2018. իրողություններ և հեռանկարներ» թեմայով միջազգային գիտաժողովը, որի հիմնական նպատակն է Հայաստանում տեղի ունեցած քաղաքական իրադարձություները մասնագիտական վերլուծությունների շնորհիվ ակադեմիական դաշտ բերել, ինչպես նաև փորձել գիտական լեզվով բացատրել այն հանրային իրողությունները, որոնք ունենք հիմա:
ՀԱՅՈՑ ԼԵԶՎԻՆ ՆՎԻՐՎԱԾ ՄԻՋՈՑԱՌՈՒՄ՝ ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ
Այսօր ԵՊՀ հայ բանասիրության ֆակուլտետում տեղի ունեցավ «Հայոց լեզու. Մաշտոցից մինչև մեր օրերը» խորագրով միջոցառում, որի ընթացքում Համազգային հայ կրթական և մշակութային միության (ՀՀԿՄՄ) նախաձեռնությամբ լավագույն ուսանողներին Հակոբ Կարապենցի անվան կրթաթոշակ հանձնվեց: