25.05.2022 | 
Մշակույթ
ԱՅՆ ՄԱՍԻՆ, ԹԵ ԻՆՉՊԵՍ ԿԱՐՈՂ ԵՆ ՄԻԱՎՈՐՎԵԼ ՄԱԹԵՄԱՏԻԿԱՆ ԵՎ ԵՐԱԺՇՏՈՒԹՅՈՒՆԸ
ԱՅՆ ՄԱՍԻՆ, ԹԵ ԻՆՉՊԵՍ ԿԱՐՈՂ ԵՆ ՄԻԱՎՈՐՎԵԼ ՄԱԹԵՄԱՏԻԿԱՆ ԵՎ ԵՐԱԺՇՏՈՒԹՅՈՒՆԸ
ԵՊՀ Շառլ Ազնավուրի անվան մշակույթի կենտրոնում տեղի ունեցավ համերգ, որի ընթացքում ԵՊՀ մաթեմատիկայի և մեխանիկայի ֆակուլտետի նոր կազմավորված բենդի ներկայացուցիչները «Լավ էլի» և «The Bambir» խմբերի հետ հանդես եկան երաժշտական կատարումներով:

Ֆակուլտետի ուսանողները պնդում են՝ առաջին հայացքից միմյանց հետ այնքան էլ կապ չունեցող երկու ոլորտ՝ մաթեմատիկան ու երաժշտությունը, կարող են միավորվել հենց ԵՊՀ-ում:

 

 

Ֆակուլտետի ՈՒԽ նախագահ Հայկ Հովհաննիսյանը մեզ հետ զրույցում ասաց, որ ֆակուլտետում կան շատ տաղանդավոր ուսանողներ, որոնք արդեն հասցրել են երաժշտության ոլորտում հաջողություններ գրանցել։ «Կարծում եմ՝ սկսնակ տաղանդավոր ուսանողներին նման հարթակներ տրամադրելը շատ կարևոր է, և դա լավագույն մոտիվացիան է»,- նշեց Հ. Հովհաննիսյանը:

 

 

Բենդի անդամ ու ֆակուլտետի ուսանողուհի Շուշանիկ Գործունյանը ընդգծեց, որ իրենց՝ սկսնակների համար շատ կարևոր է հրավիրյալ երաժիշտներին լսելն ու նրանց հետ ելույթ ունենալը: Շուշանիկը նաև հավելեց, որ երաժշտությունը, միևնույնն է, սիրելի զբաղմունք է, իսկ մասնագիտությունն ընտրել է վաղուց և աշխատելու է իր մասնագիտությամբ, որովհետև այն մեր օրերում շատ արդիական է:

 

«Լավ էլի» բենդի վոկալիստ, կիթառահար Մհեր Մանուկյանը նշեց, որ ֆակուլտետի կողմից առաջարկը սիրով են ընդունել։ «Ուսանողներին արդեն ասել եմ, որ շարունակեն ջանասիրությամբ աշխատել ու անպայման կհասնեն հաջողությունների»,- մեզ հետ զրույցում ասաց երաժիշտը։

 

 

«The Bambir» խմբի վոկալիստ Նարեկ Բարսեղյանը մեզ հետ զրույցում նշեց. «Երաժշտությունն ինքնին ճշգրիտ արվեստ է ու շատ նման մաթեմատիկային։ Առաջին հայացքից կարծես նրանք միմյանց հետ կապ չունեն, բայց իրականում այդպես չէ: Երբ իմացանք, որ ուսանողները նույնպես երգ են պատրաստել, որոշեցինք որ անպայման պիտի միասին երգենք: Մաթեմատիկայի և մեխանիկայի ֆակուլտետի երաժշտական խումբը դարձավ համալսարանի մեր ամենասիրելին»:

 

 

Հագեցած ծրագրի ընթացքում ներկաները հասցրին վայելել ֆակուլտետի ուսանողների և հյուրերի երաժշտական կատարումները, ունեցան հնարավորություն ուղղելու իրենց հարցերը և միասին հանդես գալու երաժշտական կատարմամբ:

 

Նշենք, որ հանդիպումը կայացավ ԵՊՀ մաթեմատիկայի և մեխանիկայի ֆակուլտետի ՈՒԽ մշակույթի և արտաքին կապերի հանձնաժողովների նախաձեռնությամբ:

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
«ԻՆՁ ՀԱՄԱՐ ՇԱՏ ԿԱՐԵՎՈՐ Է, ՈՐ «YSU ԲԵՆԴ»-Ը ՕՐԻՆԱԿ ԼԻՆԻ ՄՅՈՒՍ ԲՈՒՀԵՐԻ ՀԱՄԱՐ». ՍԱՐԳԻՍ ԲԱԺԲԵՈՒԿ-ՄԵԼԻՔՅԱՆ
Աշխարհահռչակ օպերային երգիչ Սարգիս Բաժբեուկ-Մելիքյանը ԵՊՀ Շառլ Ազնավուրի անվան մշակույթի կենտրոնում գործող «YSU band»-ի գեղարվեստական ղեկավարն է: Սարգիսի հետ զրուցել ենք «YSU band»-ի ձևավորման, առաջիկա պլանների և այլ հարցերի շուրջ: