11.05.2017 | 
Մշակույթ
ԵՊՀ-ԻՆ ԱԶԳԱՅԻՆ ՆՈՐ ՇՈՒՆՉ ԵՆ ՀԱՂՈՐԴՈՒՄ ՈՒՍԱՆՈՂՆԵՐԸ
ԵՊՀ-ԻՆ ԱԶԳԱՅԻՆ ՆՈՐ ՇՈՒՆՉ ԵՆ ՀԱՂՈՐԴՈՒՄ ՈՒՍԱՆՈՂՆԵՐԸ
Մայիսի 11-ին ԵՊՀ սոցիոլոգիայի ֆակուլտետի «PR պրակտիկում» առարկայի շրջանակներում համալսարանական մի խումբ ուսանողներ նախաձեռնել էին «Ազգային դիմագիծ» խորագրով միջոցառումը:

Միջոցառման ընթացքում անցկացվեց ազգային տարազի ցուցադրություն և ներկայացվեց «Ջանգյուլում» տոնը՝ ազգային երգի, պարի ու խաղի միջոցով: Այն  իրականացվել էր «Տերյան» մշակութային կենտրոնի, «Մասունք» ազգագրական երգի-պարի համույթի և ԵՊՀ ուսանողական խորհրդի աջակցությամբ: 

 

Կազմակերպիչների խոսքերով՝ միջոցառման գլխավոր նպատակը ուսանողների շրջանում ազգայինը ճանաչելու մակարդակը բարձրացնելն էր, ինչպես նաև ազգային տոների և տարազի նկատմամբ սեր սերմանելը:

 

«Տերյան» մշակութային կենտրոնի տնօրեն Լիլիթ Մելիքյանը նշեց, որ ոգևորությամբ է ընդունել համագործակցության առաջարկը: Նա փաստեց, որ միջոցառման ընթացքում ցուցադրվել է իրենց հագուստների միայն մի փոքր հատվածը՝ ավելի քան 200-ից ընդամենը 12 տեսակ, քանի որ միաժամանակ տարբեր վայրերում նրանք մասնակցում են ցուցադրությունների:

 

Այնուհետև Լիլիթ Մելիքյանը խոսեց տարազի և նրա առանձին բաղադրիչների նշանակությունից: Միջոցառման ընթացքում ազգային երգով ու պարով, խաղերով հանդես եկավ «Մասունք» ազգագրական երգի-պարի համույթը: Խմբի կատարումներին միացել էր նաև հանդիսատեսը, և միասին տոնում էին «Ջանգյուլում»-ը:

Տեղեկացնենք նաև, որ կազմակերպիչները կրում էին «Տերյան» մշակութային կենտրոնի կողմից պատրաստված թիկնոցները:

 

Այլ նորություններ
ԵՐԴՎԵՑԻՆ, ՈՐ ԲԱՐՁՐ ԵՆ ՊԱՀԵԼՈՒ ՄԱՅՐ ԲՈՒՀԻ ՈՒՍԱՆՈՂԻ ԲԱՐՁՐ ԿՈՉՈՒՄԸ
Սեպտեմբերի 19-ին Մայր բուհի կենտրոնական մասնաշենքի բակում տեղի ունեցավ ԵՊՀ մեծարման և առաջին կուրսեցիների երդման հանդիսավոր արարողությունը, որն այս տարի նվիրված էր Հայոց բանակի կազմավորման 25-ամյակին:
ԺՈՂՈՎՐԴԱԿԱՆ ՎԱՐՊԵՏԻ ԾԱՎԱԼԱՅԻՆ ԳՈԲԵԼԵՆՆԵՐԸ ՑՈՒՑԱԴՐՎԵՑԻՆ ՄԱՅՐ ԲՈՒՀՈՒՄ
Սեպտեմբերի 5-ին ԵՊՀ մշակույթի կենտրոնի նախաձեռնությամբ տեղի ունեցավ գոբելենի վարպետության դաս, որը վարեց Հայաստանի և Ռուսաստանի ժողովրդական վարպետ Յուրի Հովսեփյանը: