27.09.2018 | 
Գիտություն
«ԻՐԱԿԱՆՈՒՄ ՇԱՏ ԴԺՎԱՐ Է ԿԵՐՏԵԼ ԿԱՅՈՒՆ ԽԱՂԱՂՈՒԹՅՈՒՆ».ՆԻԼ ՋԱՐՄԵՆ
«ԻՐԱԿԱՆՈՒՄ ՇԱՏ ԴԺՎԱՐ Է ԿԵՐՏԵԼ ԿԱՅՈՒՆ ԽԱՂԱՂՈՒԹՅՈՒՆ».ՆԻԼ ՋԱՐՄԵՆ
ԵՊՀ Պալեանների անվան դահլիճում այսօր տեղի ունեցավ «Անցումը զինված հակամարտությունից դեպի խաղաղություն. Հյուսիսային Իռլանդիայի օրինակը» թեմայով դասախոսություն:

Այն իրականացվում է «Հասարակության և որոշում կայացնողների ներգրավումը Լեռնային Ղարաբաղի հարցի խաղաղ կարգավորման մասին երկխոսության մեջ» ծրագրի շրջանակում, որը կազմակերպվել էր «Կովկասի ինստիտուտ» հիմնադրամի կողմից:

Բանախոսը Հակամարտությունների ուսումնասիրման ինստիտուտի գործադիր տնօրեն, Քուինսի համալսարանի սենատոր Ջորջ Միտչելի անվան գլոբալ խաղաղության, անվտանգության և արդարության ինստիտուտի ավագ գիտաշխատող Նիլ Ջարմենն էր:

Դասախոսության ընթացքում նա անդրադարձավ Հյուսիսային Իռլանդիայի մոտ 20 տարվա պատմություն ունեցող հակամարտությանը, ներկայացրեց դրա առաջացման հիմքերը: Նիլ Ջարմենը խոսեց նաև հակամարտության արդյունքում ձևավորված քաղաքացիական շարժումների մասին, որոնք հետագայում սկսեցին քաղաքական օրակարգ ձևավորել:

«Իրականում շատ դժվար է կերտել կայուն խաղաղություն,- իր ելույթում նշեց բանախոսը,- այդ ճանապարհին միշտ էլ լինում խոչընդոտներ, որոնք էլ հետո ձևավորում են  հակամարտող կողմեր»:

Ներկաները հնարավորություն ունեցան ծանոթացնելու Հյուսիսային Իռլանդիայի հակամարտության պատմությանն ու ներկա իրավիճակին:

 

Ըստ բանախոսի՝ նմանատիպ իրավիճակների լուծումը հնարավոր է միայն հակամարտությունը բանակցային դաշտ տեղափոխելու միջոցով:

«Հյուսիսային Իռլանդիայի օրինակով կարելի է փաստել, որ այդ ամենն աստիճանաբար տեղի ունեցավ ՝ ժամանակի ընթացքում հարցի լուծման համար ստանալով անհրաժեշտ աջակցություն ու գումար»,- ասաց Նիլ Ջարմենը:

Դասախոսության ընթացքում Նիլ Ջարմենը ներկայացրեց նաև այն բոլոր մարտահրավերները, որոնք ի հայտ են գալիս խաղաղության կերտման ճանապարհին՝ առանձնացնելով  քաղաքական առաջնորդի և պայքարի հստակ մարտավարության պակասը, ինչպես նաև պայքարի ընթացքում թերագնահատված խնդիրները:

Հանդիպման վերջում ներկաները հարց ու պատասխանի միջոցով փորձեցին պարզել, թե ինչպես են Հյուսիսային Իռլանդիայում վերաբերում «brexit»-ին, ինչպես նաև  զուգահեռներ անցկացրին Արցախյան հակամարտության կարգավորման հետ:

Այլ նորություններ
ԱԿԱՆԱՎՈՐ ՊՐՈՖԵՍՈՐ, ԱՍՏՂԱՖԻԶԻԿՈՍ ԲՈՐԻՍ ԳԱՆՍԻԿԵՆ ԵՊՀ-ՈՒՄ ՀԱՆԴԵՍ Է ԵԿԵԼ ԲԱՑ ԶԵԿՈՒՑՄԱՄԲ
ԵՊՀ գիտխորհրդի նիստերի դահլիճում այսօր բաց զեկուցմամբ հանդես է եկել Ուորվիքի համալսարանի ֆիզիկայի ֆակուլտետի ականավոր պրոֆեսոր Բորիս Գանսիկեն։
«ՉԿԱ ԼԱՎ ԴԱՍԱԽՈՍ ԱՌԱՆՑ ՀԱՋՈՂ ԳԻՏՈՒԹՅԱՆ, ԵՎ ՉԿԱ ՀԱՋՈՂ ԳԻՏՆԱԿԱՆ ԱՌԱՆՑ ԼԱՎ ԴԱՍԱԽՈՍՈՒԹՅԱՆ». ԱՐՄԵՆ ԹՌՉՈՒՆՅԱՆՆ ԱՐԺԱՆԱՑԵԼ Է «ՄՈԶԵԼԻՈ ՇԵԽՏԵՐԻ ՄՐՑԱՆԱԿԻՆ՝ ԶԱՐԳԱՑՈՂ ԵՐԿՐՆԵՐԻ ՄԱՆՐԷԱԲԱՆՆԵՐԻ ՃԱՆԱՉՄԱՆ ՀԱՄԱՐ»
ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբանական գիտությունների դոկտոր, պրոֆեսոր Արմեն Թռչունյանն արժանացել է Ամերիկայի մանրէաբանական ընկերության (ASM, www.asm.org) 2020 թվականի մրցանակներից մեկին՝ «Մոզելիո Շեխտերի մրցանակին՝ զարգացող երկրների մանրէաբանների ճանաչմանհամար»: