02.11.2018 | 
Քաղաքականություն
ԵՊՀ-Ն ՀԱՄԱԳՈՐԾԱԿՑՈՒԹՅԱՆ ՊԱՅՄԱՆԱԳԻՐ ԿՆՔԵՑ 5 ԴՊՐՈՑՆԵՐԻ ՀԵՏ
ԵՊՀ-Ն ՀԱՄԱԳՈՐԾԱԿՑՈՒԹՅԱՆ ՊԱՅՄԱՆԱԳԻՐ  ԿՆՔԵՑ  5  ԴՊՐՈՑՆԵՐԻ  ՀԵՏ
ԵՊՀ ռեկտոր Արամ Սիմոնյանն այսօր համագործակցության պայմանագիր կնքեց Երևանի համար 54 և համար 105 ավագ դպրոցների, Աբովյան քաղաքի Խաչատուր Աբովյանի անվան համար 1, Հրազդանի համար 10 ավագ դպրոցների և «Հայ-չինական բարեկամության դպրոց» հիմնադրամի հետ:

Հանդիպմանը մասնակցում էին ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը, Մինչհամալսարանական կրթության վարչության պետ Վաչագան Գալստյանը, Դիմորդների հետ տարվող աշխատանքների բաժնի վարիչ Էմին Սանթրոսյանը:

 

ԵՊՀ ռեկտորը ողջունեց հյուրերին և նշեց, որ բուհի ղեկավարությունը կարևորում է ավագ դպրոցների հետ համագործակցությունը և միշտ պատրաստակամ է նոր նախաձեռնություններ սկսելու գործում: 

 

Ա. Սիմոնյանը տնօրեններին ներկայացրեց բուհում գործող ժամանակակից սարքավորումներով հագեցած լաբորատորիաների և կենտրոնների գործունեությունը, որոնց դռները միշտ բաց են ինչպես ուսանողների, այնպես էլ աշակերտների համար:

 

ԵՊՀ ռեկտորը և տնօրեններն ակտիվորեն քննարկեցին բուհի ու դպրոցների միջև առկա անջրպետի ու հանրակրթության առջև ծառացած խնդիրները:

 

Դպրոցների տնօրենները, կարևորելով Մինչհամալսարանական կրթության վարչության կատարած աշխատանքները, նշեցին, որ դրանք արդյունավետորեն ծառայում են իրենց նպատակներին:

 

«Լավագույն մասնագետների դասախոսությունները կողմնորոշիչ դեր են կատարում և ուղղորդում են դեպի ԵՊՀ»,- նշեց Խաչատուր Աբովյանի անվան համար 1 ավագ դպրոցի տնօրեն Մետաքսյա Բաբայանը:

 

Երևանի համար 54 ավագ դպրոցի տնօրեն Էթերի Պետրոսյանը նշեց, որ լավագույն կրթություն ապահովելու ճանապարհը սկսվում է հանրակրթական դպրոցից: 

 

Էթերի Պետրոսյանը կարևորեց ԵՊՀ-ի դերը հանրակրթական դպրոցում և ասաց, որ հանդիպումներն առավել արդյունավետ կանցնեն ոչ թե դասարաններում, այլ դահլիճում. լսելի կլինեն բոլորի համար. «Միաժամանակ կարևոր են նաև աշակերտների այցերը համալսարան: Թող գան ԵՊՀ, սիրեն համալսարանը և դառնան նրա մի մասնիկը»:

 

«Հայ-չինական  բարեկամության»  դպրոցի տնօրեն Սպարտակ Վարդանյանը հույս հայտնեց, որ ԵՊՀ-ի շնորհիվ չինարենի և չինական մշակույթի իմացությունը կատարելագործվելու է:

 

Հանդիպման վերջում ԵՊՀ ռեկտորը դպրոցի տնօրեններին նվիրեց Աշոտ Սուքիասյանի «Հայոց լեզվի հոմանիշների բացատրական բառարանը»:


 

 

 

 

 

 

 

Այլ նորություններ
«ԱՐԳԵՆՏԻՆԱՅՈՒՄ ՄԵԾ Է ՀԱՄԱԿՐԱՆՔԸ ՄԵՐ ԱԶԳԻ ՆԿԱՏՄԱՄԲ». ԱՐԳԵՆՏԻՆԱՅԻ ՀԱՆՐԱՊԵՏՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ԷՍԹԵՐԱ ՄԿՐՏՈՒՄՅԱՆ
ԵՊՀ ռեկտորի ժամանակավոր պաշտոնակատար Գեղամ Գևորգյանն այսօր ընդունել է Արգենտինայի Հանրապետությունում ՀՀ արտակարգ և լիազոր դեսպան Էսթերա Մկրտումյանին:
ԸՆԹԱՑԻԿ ԵՎ ԱՌԱՋԻԿԱ ՀԱՐՑԵՐԻ ՔՆՆԱՐԿՈՒՄ ՈՒ ՊԱՐԶԱԲԱՆՈՒՄ. ՏԵՂԻ Է ՈՒՆԵՑԵԼ ՌԵԿՏՈՐԱՏԻ ՆԻՍՏ
Գիտխորհրդի նիստերի դահլիճում այսօր տեղի է ունեցել ԵՊՀ ռեկտորատի նիստ՝ օրակարգային և ընթացիկ մի շարք հարցերով: