23.12.2016 | 
Քաղաքականություն
ԵՊՀ-Ն ՆՈՐ ՀՅՈՒՐԱՏՈՒՆ ԵՎ ՎԵՐԱՆՈՐՈԳՎԱԾ ՄԱՐԶԱՀԱՄԱԼԻՐ ՈՒՆԻ
ԵՊՀ-Ն ՆՈՐ ՀՅՈՒՐԱՏՈՒՆ ԵՎ ՎԵՐԱՆՈՐՈԳՎԱԾ ՄԱՐԶԱՀԱՄԱԼԻՐ ՈՒՆԻ
Այսուհետ ԵՊՀ ուսանողները ֆիզկուլտուրայի պարապմունքներն անցկացնելու են վերանորոգված դահլիճներում, հրաձգարանում ու մարզասրահում:

ԵՊՀ ֆիզդաստիարակության ամբիոնի մասնաշենքի վերակառուցումը սկսվել էր շուրջ մեկ տարի առաջ: Այսօր այն լիովին նոր տեսքով ու կահավորանքով հանձնվեց շահագործման: Առաջին այցելուները ԵՊՀ հոգաբարձուների խորհրդի անդամներն էին՝ ՀՀ նախագահ Սերժ Սարգսյանի գլխավորությամբ:

 

ԵՊՀ մարզահամա­լիրի և հյուրերի տան կառուցապատման և գույքի ձեռքբերման համար ծախսվել է շուրջ 1.3 մլրդ դրամ:

 

 

Մարզահամա­լիրի դահլիճներն ամբողջությամբ վերակառուցվել են, վերանորոգվել, փոփոխվել են կոյուղու, տաք և սառը ջրամատակարարման, էլեկտրականության և լուսավորման համակարգերը: Ամբողջ մասնաշենքի առաստաղով՝ 12 մ բարձրության վրա, կառուցվել է ջերմամեկուսացնող շերտը, ինչը հնարավորություն է տվել տեղադրելու օդափոխության, ջեռուցման, հովացման ավտոմատ համակարգեր: Վերակառուցվել են նաև տրիբունաները, փոխվել են մարզադաշտի հատակները, դռները, պատուհաններն ու տանիքը:

 

Դահլիճների մասնաշենքի 1-ին հարկում կառուցվել է ժամանակակից բոլոր պահանջներին համապատասխան կաթսայատուն, որտեղ տեղադրված են 1.000 Կվտ և 400 Կվտ հզորությամբ, ավտոմատ համակարգով աշխատող եվրոպական արտադրության կաթսաներ: Կաթսայատունը ջերմային ցանցով միացված է մարզահամալիրին, ինչի արդյունքում ապահովվում է ջեռուցումն ու տաք ջրամատակարարումը:

 

 

Նախկին չգործող լողավազանի հիմքի վրա կառուցվել է հրաձգարանի նոր մասնաշենք, որտեղ առկա է համապատասխան օդափոխության, ջեռուցման, հովացման ավտոմատ, ինչպես նաև  հատուկ լուսավորության համակարգեր: Հրաձգարանն ունի 2 սրահ, որոնցից մեկը գործելու է որպես էլեկտրոնային հրաձգարան, մյուսը՝ պնևմոհրաձգարան: Սրահներից յուրաքանչյուրն ունի իր զենքի պահեստային մասը՝ կառուցված հատուկ մետաղական ամրացումով:

 

ԵՊՀ մարզահամալիրի մասնաշենքերից մեկն էլ ամբողջությամբ վերակառուցվել է՝ որպես եռահարկ հյուրատուն (19 սենյակ, կոնֆերենս դահլիճ, ճաշարան):

 

Մեծ դահլիճին ու հյուրանոցին կից կառուցվել է նաև ջեռուցմամբ, տաք ջրամատակարարմամբ, սանհանգույցներով և ավտոմատ հակահրդեհային ահազանգման համակարգով համալրված եռահարկ մասնաշենք, որտեղ տեղակայված են 10 աշխատասենյակներ, 8 լսարան և մոտ 200 քմ դահլիճ:

Այլ նորություններ
ՀԱՄԱԳՈՐԾԱԿՑՈՒԹՅԱՆ ՆՈՐ ԷՋ ԵՊՀ-Ի ԵՎ ԹՅԱՆՋԻՆԻ ՆՈՐՄԱԼ ՀԱՄԱԼՍԱՐԱՆԻ ՄԻՋԵՎ. ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ
ԵՊՀ ռեկտոր Հովհաննես Հովհաննիսյանը և Թյանջինի նորմալ համալսարանի նախագահ Ճոնգ Յինհուան այսօր առցանց ստորագրել են երկու համալսարանների միջև փոխգործակցության համաձայնագիր՝ ամրապնդելու և զարգացնելու գործընկերային հարաբերությունները, ինչպես նաև իրականացնելու ակադեմիական փոխանակման ծրագրեր։
ԵՊՀ ՀՈԳԱԲԱՐՁՈՒՆԵՐԻ ԽՈՐՀՈՒՐԴՆ ԸՆՏՐԵԼ Է ՆԱԽԱԳԱՀԻՆ ԵՎ ՔԱՐՏՈՒՂԱՐԻՆ. ՏԵՂԻ Է ՈՒՆԵՑԵԼ ՀԽ ՆԻՍՏԸ
ԵՊՀ գիտխորհրդի նիստերի դահլիճում այսօր տեղի է ունեցել «Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստը՝ օրակարգային 5 հարցերով, որի ընթացքում ընտրվել են նախագահ և քարտուղար: