27.05.2015 | 
Մշակույթ
ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՕՐՎԱՆ ԸՆԴԱՌԱՋ
ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՕՐՎԱՆ ԸՆԴԱՌԱՋ
Այսօր ԵՊՀ մշակույթի կենտրոնի դահլիճը լեփ-լեցուն էր փոքրիկներով. համալսարանականներն ու նրանց երեխաները եկել էին մանկական ներկայացում դիտելու:

ԵՊՀ մշակույթի կենտրոնի նախաձեռնությամբ համալսարանի աշխատակիցների փոքրիկները դիտեցին Գյումրու տիկնիկային թատրոնի կողմից բեմադրված Հովհաննես Թումանյանի «Պոչատ աղվեսը» տիկնիկային ներկայացումը: Այն իրականացվում էր Գյումրու տիկնիկային թատրոնի հիմնադրման 80-ամյակին նվիրված միջոցառումների շրջանակներում:

«Գյումրու Ալիխանյանի անվան տիկնիկային թատրոնի շենքի վերակառուցման աշխատանքների պատճառով այժմ այնտեղ ներկայացումներ իրականացնել չենք կարող, չնայած որ պակաս կարևոր չէ այստեղ` Երևանում երեխաներին ուրախացնելն ու նրանց ժպիտները տեսնելը: Հունիսի 1-ին մեր թատրոնը ևս կմասնակցնի իրականացվող բոլոր միջոցառումներին, ինչպես նաև կկայանան ներկայացումներ Հ. Թումանյանի անվան պետական տիկնիկային թատրոնում և Կարապի լճին հարող տարածքում»,- նշեց Գյումրու տիկնիկային թատրոնի երաժշտական մասի վարիչ Անահիտ Բաղդասարյանը:

 

Երեխաները մեծ բավականություն ստացան ներկայացումից, ինչպես նաև շատ բան սովորեցին: «Պետք է միշտ շնորհակալություն հայտնել և քաղաքավարի խոսել»,- ասաց փոքրիկ Լիլիթը:

 

Այլ նորություններ
ԱՄՓՈՓՎԵԼ Է «ԱՐԻ ՄՐՑԵՆՔ» ԱՌԱՋՆՈՒԹՅԱՆ ՊԱՐԻ ՄԻՋՖԱԿՈՒԼՏԵՏԱՅԻՆ ՄՐՑՈՒՅԹԸ
ԵՊՀ մշակույթի կենտրոնի դահլիճում այսօր ամփոփվել է ԵՊՀ ՈԻԽ մշակույթի հանձնաժողովի կողմից կազմակերպված «Արի մրցենք» առաջնության պարի միջֆակուլտետային մրցույթը։
ՇԱՐՈՒՆԱԿՎՈՒՄ Է ՏԱՂԱՆԴԱՎՈՐ ՈՒՍԱՆՈՂՆԵՐԻ ԲԱՑԱՀԱՅՏՈՒՄԸ. ՏԵՂԻ Է ՈՒՆԵՑԵԼ «ԱՐԻ՛ ՄՐՑԵՆՔ» ԱՌԱՋՆՈՒԹՅԱՆ ԵՐԳԻ ՄՐՑՈՒՅԹԸ
ԵՊՀ մեծ դահլիճում այսօր անցկացվել է ՈՒԽ մշակույթի հանձնաժողովի կողմից իրականացվող «Արի՛ մրցենք» առաջնության երգի մրցույթը: