23.03.2020 | 
Կրթություն
ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏՈՒՄ ՄԱՐՏԻ 23-ԻՑ ԱՄԲՈՂՋՈՒԹՅԱՄԲ ՎԵՐԱՀՍԿՎԵԼՈՒ է ԴԱՍԵՐԻ ԱՌՑԱՆՑ ԻՐԱԿԱՆԱՑՈՒՄԸ
ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏՈՒՄ ՄԱՐՏԻ 23-ԻՑ ԱՄԲՈՂՋՈՒԹՅԱՄԲ ՎԵՐԱՀՍԿՎԵԼՈՒ է ԴԱՍԵՐԻ ԱՌՑԱՆՑ ԻՐԱԿԱՆԱՑՈՒՄԸ
Տնտեսագիտության և կառավարման ֆակուլտետում մարտի 20-ին տեղի է ունեցել առցանց ուսուցման կազմակերպման վերաբերյալ խորհրդակցություն, որի ընթացքում հրահանգվել է այսօրվանից ապահովել դասացուցակով (լսարանային ուսուցման) նախատեսված բոլոր առարկաների առցանց դասավանդումը:

Խորհրդակցության ընթացքում Տնտեսագիտության և կառավարման ֆակուլտետի դեկանը ներկաներին մի շարք հանձնարարականներ է տվել, որոնք վերաբերում էին հանրապետությունում արտակարգ դրության հայտարարման պատճառով լսարանային դասերի դադարեցմանը և ուսուցման առցանց տարբերակին անցնելուն։  

 

Մասնավորապես՝ ֆակուլտետի բոլոր ամբիոնների վարիչներին և մագիստրոսական ծրագրերի ղեկավարներին խստիվ հրահանգվել է 23.03.2020 թ. ապահովել դասացուցակով (լսարանային ուսուցման) նախատեսված բոլոր առարկաների առցանց դասավանդումը:

 

Դասերի անցկացումը վերահսկելու նպատակով մշակվել և դասախոսներին են ուղարկվել հաշվետվության ձևեր, որոնք դասախոսը յուրաքանչյուր շաբաթվա համար պետք է լրացնի և ուղարկի ամբիոնի վարիչին (մագիստրոսական ծրագրի դեպքում՝ ծրագրի ղեկավարին): Վերջինս յուրաքանչյուր երեքշաբթի, հիմնվելով դասախոսների հաշվետվությունների վրա, պետք է ամփոփ հաշվետվություն ներկայացնի ֆակուլտետի յուրաքանչյուր ամբիոնի (մագիստրոսական ծրագրի) նախորդ շաբաթվա առցանց ուսուցման կատարողականի վերաբերյալ:

 

Տեղեկացնենք, որ այս ընթացքում ֆակուլտետում դասավանդվող առարկաների մեծ մասի դասախոսներն առարկայի վերաբերյալ բոլոր անհրաժեշտ նյութերն ուղարկել են ուսանողներին, իսկ ոմանք էլ արդեն հասցրել են տարբեր հարթակներում անցկացնել առցանց դասընթացներ:

 

Ստորև ներկայացնում ենք վերոնշյալ հաշվետվությունների ձևերը։

 

Կատարողական առկա ուսուցման համակարգի բակալավրիատի համար

Կատարողական առկա ուսուցման համակարգի մագիստրատուրայի համար

 

Կատարողական հեռակա ուսուցման համակարգի բակալավրիատի համար

Կատարողական հեռակա ուսուցման համակարգի մագիստրատուրայի համար

 

Այլ նորություններ
ՀԱՅՏԱՐԱՐՈՒԹՅՈՒՆ
2020/2021 ուսումնական տարվա առաջին կիսամյակի առաջին ընթացիկ քննությունների ժամկետը հետաձվգել է մեկ շաբաթով: Դրանք իրականացվելու են նոյեմբերի 2-7-ն ընկած ժամանակահատվածում:
ՆՈՐ ԳԻՏԵԼԻՔՆԵՐ ՄԵԴԻԱԴԱՇՏԻ ԻՐԱՎԱԿԱՆ ԿԱՐԳԱՎՈՐՈՒՄՆԵՐԻ ՎԵՐԱԲԵՐՅԱԼ. ՄԵԿՆԱՐԿԵԼ Է «ՄԵԴԻԱ ԻՐԱՎՈՒՆՔ» ԴԱՍԸՆԹԱՑԸ
ԵՊՀ իրավագիտության ֆակուլտետի նախաձեռնությամբ և «Կոնրադ Ադենաուեր» գերմանական քաղաքական հիմնադրամի աջակցությամբ մեկնարկել է «Մեդիա իրավունք» կրթական ծրագիրը, որը նպաստելու է մասնակիցների իրավական գրագիտության բարձրացմանը: