18.12.2019 | 
Ուսանողական
ԻՍԼԱՆԴԻԱՅԻ ՀԱՄԱԼՍԱՐԱՆԻ ՊՐՈՖԵՍՈՐ ԲԱԼԴՈՒՐ ԹՈՐՀԱԼՍՈՆԻ ԱՌՑԱՆՑ ԴԱՍԱԽՈՍՈՒԹՅՈՒՆԸ ՝«ՏԱՐԱԾԱՇՐՋԱՆԱՅԻՆ ՔԱՂԱՔԱԿԱՆՈՒԹՅՈՒՆ» ՄԱԳԻՍՏՐՈՍԱԿԱՆ ԾՐԱԳՐԻ ՈՒՍԱՆՈՂՆԵՐԻ ՀԱՄԱՐ
ԻՍԼԱՆԴԻԱՅԻ ՀԱՄԱԼՍԱՐԱՆԻ ՊՐՈՖԵՍՈՐ ԲԱԼԴՈՒՐ ԹՈՐՀԱԼՍՈՆԻ ԱՌՑԱՆՑ ԴԱՍԱԽՈՍՈՒԹՅՈՒՆԸ ՝«ՏԱՐԱԾԱՇՐՋԱՆԱՅԻՆ ՔԱՂԱՔԱԿԱՆՈՒԹՅՈՒՆ» ՄԱԳԻՍՏՐՈՍԱԿԱՆ ԾՐԱԳՐԻ ՈՒՍԱՆՈՂՆԵՐԻ ՀԱՄԱՐ
ԵՊՀ միջազգային հարաբերությունների ֆակուլտետի «Տարածաշրջանային քաղաքականություն» մագիստրոսական ծրագրի ուսանող Նարեկ Սուքիասյանի նախաձեռնությամբ դեկտեմբերի 17-ին Իսլանդիայի համալսարանի պրոֆեսոր Բալդուր Թորհալսոնն առցանց դասախոսություն անցկացրեց փոքր պետությունների արտաքին քաղաքականության և իր հեղինակած «Ապաստանի տեսության» վերաբերյալ:

Դասախոսության ընթացքում դոկտոր Թորհալսոնը ներկայացրեց փոքր պետությունների հայեցակարգի ծագումը, դրա գիտական նորույթը միջազգային հարաբերությունների տեսության մեջ։


Նա խոսեց նաև իր կողմից խմբագրած «Փոքր պետությունները և ապաստանի տեսությունը. Իսլանդիայի արտաքին հարաբերությունները» գրքին, ինչպես նաև այնտեղ տեղ գտած տեսական նորույթներին ու գործնական կիրառություններին։

 

Դասախոսության ընթացքում բանախոսն անդրադարձավ հայեցակարգի տեսական մշակումներին, փոքր պետությունների ներքին խոցելիությանը և արտաքին քաղաքականության տարբեր խնդիրներին առնչվող հարցերին։


Քննարկումն «Ապաստանի տեսության» Հայաստանի արտաքին քաղաքականության ուսումնասիրության շրջանակում կիրառելու հնարավորության մասին էր։ «Ես պատրաստակամ եմ խորացնելու համագործակցության առկա մակարդակը և ավելի մանրամասն ծանոթանալու կատարված հետազոտությունների արդյունքներին»,- նշեց Բալդուր Թորհալսոնը:

 

Նշենք, որ հանդիպման ընթացքում «Տարածաշրջանային քաղաքականություն» մագիստրոսական ծրագրի ուսանողներն ու շրջանավարտները ներկայացրին փոքր պետությունների հայեցակարգի շրջանակում իրենց կատարած և ընթացիկ հետազոտություններն ու դրանց արդյունքները։


Պատրաստեց Անգին Խաչատրյանը

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: