11.10.2019 | 
Կրթություն
ԲԱՑ ԴՌՆԵՐԻ ՕՐ ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՈՒ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՆԵՐՈՒՄ
ԲԱՑ ԴՌՆԵՐԻ ՕՐ ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՈՒ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՆԵՐՈՒՄ
Երևանի պետական համալսարանի մաթեմատիկայի և մեխանիկայի ու կենսաբանության ֆակուլտետներում այսօր բաց դռների օր էր մի քանի ավագ դպրոցների աշակերտների համար:

Աշակերտների այցը ԵՊՀ կազմակերպել էր Մինչհամալսարանական կրթության վարչությունը:

ԵՊՀ մաթեմատիկայի և մեխանիկայի ֆակուլտետը հյուրընկալել էր Երևանի թիվ 114 և 142 դպրոցների 10, 11-րդ դասարանների, Հերացու անվան ավագ դպրոցի 11-րդ դասարանի աշակերտներին:



Աշակերտներին ֆակուլտետում դիմավորեց Հանրահաշվի և երկրաչափության ամբիոնի դոցենտ Վարդան Փիլիպոսյանը: Նա նրանց ծանոթացրեց ֆակուլտետի գործունեությանը և ընձեռած հնարավորություններին, խոսեց այստեղ սովորելու առավելությունների մասին: Վ. Փիլիպոսյանն աշակերտների խնդրանքով պարզաբանեց շտեմարաններում առկա մի քանի վիճահարույց հարցեր:



Երևանի թիվ 78 դպրոցի 9-րդ դասարանի աշակերտներն էլ հյուրընկալվել էին Կենսաբանության ֆակուլտետի էնզիմոլոգիայի և բժշկական կենսաքիմայի լաբորատորիայում: Նրանց համար փորձեր իրականացրեց Կենսաքիմիայի, մանրէաբանության և կենսատեխնոլոգիայի ամբիոնի ասիստենտ Իրինա Բադալյանը:



Աշակերտները մասնակցեցին փորձերին և ստացան դրանց վերաբերյալ իրենց հարցերի պատասխանները:

Այլ նորություններ
ԿՐԹԱԿԱՆ ՆՈՐ ԾՐԱԳԻՐ, ՈՐԸ ՆՊԱՍՏԵԼՈՒ Է ԼՐԱԳՐՈՂՆԵՐԻ ԻՐԱՎԱԿԱՆ ԳՐԱԳԻՏՈՒԹՅԱՆ ԲԱՐՁՐԱՑՄԱՆԸ
ԵՊՀ իրավագիտության ֆակուլտետի նախաձեռնությամբ և «Կոնրադ Ադենաուեր» գերմանական քաղաքական հիմնադրամի աջակցությամբ մեկնարկել է «Մեդիա իրավունք» կրթական ծրագիրը, որի նպատակն է նպաստել լրագրողների իրավական գրագիտության բարձրացմանը, այդ թվում՝ լրագրողների, իրավաբանների համար «Մեդիա իրավունք» մագիստրոսական կրթական ծրագրի միջոցով:
ՏԵՍԱԿԱՆ ԳԻՏԵԼԻՔՆԵՐԸ ՎԵՐԱԾՎՈՒՄ ԵՆ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ․ «ՏՕՊԱՍ» ԾՐԱԳՐԻ ՀԵՐԹԱԿԱՆ ԽՈՐՀՐԴԱԿՑՈՒԹՅՈՒՆԸ ԵՊՀ-ՈՒՄ
Երևանի պետական համալսարանի տնտեսագիտության և կառավարման ֆակուլտետում այսօր տեղի է ունեցել «ՏՕՊԱՍ»-ի (TOPAS- From Theoretical-Oriented to Practical education in Agrarian Studies) «Տեսական ուղղվածությունից գործնական կրթությանը նվիրված Ագրարային կրթության» ծրագրի հերթական խորհրդակցությունը։