12.05.2016 | 
Ուսանողական
ԵԽԽՎ ԳՈՐԾՈՒՆԵՈՒԹՅՈՒՆՆ ՈՒՍԱՆՈՂՆԵՐԻ ԱՉՔԵՐՈՎ
ԵԽԽՎ ԳՈՐԾՈՒՆԵՈՒԹՅՈՒՆՆ ՈՒՍԱՆՈՂՆԵՐԻ ԱՉՔԵՐՈՎ
Ապագա դիվանագետների ու քաղաքագետների քննարկման առանցքում ԵԽԽՎ-ում 2015 թ.-ին ընդունված հակահայկական զեկույցն էր:

Այսօր ԵՊՀ Պալեանների անվան դահլիճում Միջազգային հարաբերությունների ֆակուլտետի ուսանողական գիտական ընկերության նախաձեռնությամբ կազմակերպվել էր ԵԽԽՎ նիստի մոդել:

 

Նիստի մոդելին հիմնականում մասնակցում էին Քաղաքագիտության և Հանրային կառավարման բաժինների 1-ին, 2-րդ և 3-րդ կուրսերի ուսանողները, որոնցից յուրաքանչյուրը ներկայացնում էր Եվրոպայի խորհրդի խորհրդարանական վեհաժողովին (ԵԽԽՎ) անդամակցող պետությունը:

 

Միջոցառման նպատակն էր ուսանողներին ծանոթացնել միջազգային կառույցի գործունեության կարգին:

 

«Նմանաբնույթ քննարկումները ապագա դիվանագետներին, միջազգայնագետներին ու քաղաքագետներին հնարավորություն են տալիս գործնականում կիրառելու ուսումնասիրությունների արդյունքում կուտակված տեղեկատվությունը, ինչը, բնականաբար, ավելի է ամրացնում գիտելիքները»,- ասում է նիստի համակազմակերպիչ, Քաղաքագիտության 2-րդ կուրսի ուսանող Ռոբերտ Պետրոսյանը:

 

Հավելենք, որ ուսանողները բավականին տեղեկացված և ակտիվ էին, ինչի արդյունքում էլ հետաքրքիր ու դինամիկ քննարկում էր ծավալվել:

 

Միջոցառման վերջում նիստի մասնակիցների և բանավեճին հետևող ժյուրիի անդամների կողմից կընտրվեն իրենց ակտիվությամբ աչքի ընկած լավագույն ուսանողները, ովքեր էլ կարժանանան մրցանակների: 

Այլ նորություններ
ԿՐԱԿԱՅԻՆ ՊԱՏՐԱՍՏՈՒԹՅԱՆ ԳՈՐԾՆԱԿԱՆ ՊԱՐԱՊՄՈՒՆՔ ԵՊՀ ՈՒՍԱՆՈՂՆԵՐԻ ՀԱՄԱՐ
ԵՊՀ ՈՒԽ Լ. Ազգալդյանի անվան մարտական պատրաստության ակումբի նախաձեռնությամբ և ՊՆ աջակցությամբ ԵՊՀ մի շարք ուսանողներ այսօր Նուբարաշենի զորամասի հրաձգարանում մասնակցել են կրակային պատրաստության գործնական պարապմունքի:
ԾԱՆՈԹՈՒԹՅՈՒՆ ԲԱՆԱԿԱՅԻՆ ԿՅԱՆՔԻՆ. ԵՊՀ ՈՒՍԱՆՈՂՆԵՐՆ ԱՅՑԵԼԵՑԻՆ ՀՀ ՊՆ ԽԱՂԱՂԱՊԱՀ ԶՈՐԱՄԱՍ
ԵՊՀ ՈՒԽ Լ. Ազգալդյանի անվան մարտական պատրաստության ակումբի նախաձեռնությամբ այսօր ԵՊՀ տարբեր ֆակուլտետների ուսանողներ մասնակցել են ՀՀ ՊՆ խաղաղապահ բրիգադում անցկացվող տեսական պարապմունքների շարային և կրակային պատրաստություններից: