27.12.2016 | 
Կրթություն
ԱՄՓՈՓՎԵՑԻՆ «ՊԱԼԵԱՏԻՎ ՀՈԳԵԲԱՆՈՒԹՅՈՒՆ» ԴԱՍԸՆԹԱՑԻ ԱՐԴՅՈՒՆՔՆԵՐԸ
ԱՄՓՈՓՎԵՑԻՆ «ՊԱԼԵԱՏԻՎ ՀՈԳԵԲԱՆՈՒԹՅՈՒՆ» ԴԱՍԸՆԹԱՑԻ ԱՐԴՅՈՒՆՔՆԵՐԸ
Դեկտեմբերի 26-ին ԵՊՀ կիրառական հոգեբանության կենտրոնը կազմակերպել էր միջոցառում, որի ընթացքում ամփոփվեցին գրանցված արդյունքները:

Միջոցառմանը մասնակցում էին ոչ միայն կենտրոնի աշխատակիցներն ու դասընթացի մասնակիցները, այլև ԵՊՀ փիլիսոփայության և հոգեբանության ֆակուլտետի դեկանն ու պրոֆեսորադասախոսական կազմի ներկայացուցիչները:

 

«Հպարտությամբ ուզում եմ նշել, որ պիլոտային ծրագիրը, որը որպես մագիստրոսական ծրագիր ներդրվել էր մեր դասացանկում, բավականին արդյունավետ էր: Մեր ուսանողները մասնագիտական լավ գիտելիքներ ստացան Հայաստանում դեռևս զարգացման փուլում գտնվող պալեատիվ հոգեբանության վերաբերյալ, ինչը հետագայում թույլ կտա  ամրապնդել այս ուղղության տեղը մեր կրթական ծրագրերում»,- ասաց ԵՊՀ կիրառական հոգեբանության կենտրոնի տնօրեն Դավիթ Գևորգյանը:

 

Դասընթացի մասնակիցներին և ծրագրի ղեկավարներին ողջունեց և նախաձեռնությունը հաջողությամբ ավարտելու կապակցությամբ շնորհավորեց ֆակուլտետի դեկան Ալեքսան Բաղդասարյանը:

 

«Հարկ է նշել, որ դասընթացի մասնակիցների և մասնավորապես ուսանողների հետաքրքրվածությունն ու ակտիվությունը փաստում են այն մասին, որ ծրագիրը հաջողված է: Կարծում եմ, որ հետագայում էլ այն կարդարացնի իրեն՝ ներգրավելով ու հետաքրքրելով էլ ավելի մեծ թվով ուսանողների»,- նշեց դեկանն ու հավելեց, որ «Պալեատիվ հոգեբանություն» մագիստրոսական ծրագիրն անպայման կներառվի պարտադիր դասընթացների ցանկում:

 

Մագիստրոսական ծրագիրը հաջողված համարեց նաև Սոցիալական հոգեբանության ամբիոնի վարիչ Գայանե Շահվերդյանը, ով ընդգծեց, որ պալեատիվ հոգեբանությունը զարգացման մեծ հեռանկարներ ունի, և կարևոր է, որ ԵՊՀ փիլիսոփայության և հոգեբանության ֆակուլտետն անմասն չի մնում այդ գործընթացից:

 

Այնուհետև Դավիթ Գևորգյանը հաշվետվություն ներկայացրեց ծրագրի իրականացման և գրանցած արդյունքների, ինչպես նաև հեռակա ծրագրերի մասին:

 

Հավելենք, որ ծրագիրն իրականացվել է «Բաց հասարակության հիմնադրամներ» մասնավոր հիմնադրամի աջակցությամբ և ֆինանսավորմամբ:

Այլ նորություններ
ԵՊՀ ԴԱՍԱԽՈՍՆԵՐԻ ՀԱՄԱՐ ԱՆՑԿԱՑՎԵՑ ՀԱՄԱԼՍԱՐԱՆԻ ՄԻՋԱԶԳԱՅՆԱՑՄԱՆ ՔԱՂԱՔԱԿԱՆՈՒԹՅԱՆԸ  ՆՊԱՍՏՈՂ ԴԱՍԸՆԹԱՑ
Այսօր ԵՊՀ միջազգային համագործակցության վարչությունը ԵՊՀ 2016-2020 թթ. զարգացման ռազմավարական ծրագրի շրջանակում դասախոսների համար կազմակերպել էր դասընթաց, որի նպատակն է նպաստել համալսարանի միջազգայնացման քաղաքականությանը: Նշենք, որ դասընթացների ավարտից հետո մասնակիցներին կտրվի մեկ կրեդիտ։
«ԶՈՀԻ ՀՈԳԵԲԱՆՈՒԹՅՈՒՆՆ ԻՆՁ ՀԱՄԱՐ ՉԷ». ՀԱՐՑԱԶՐՈՒՅՑ ՄԱԳԻՍՏՐԱՆՏ ՆԵԼԻ ԱԲՐԱՀԱՄՅԱՆԻ ՀԵՏ
Հայոց ցեղասպանության առջև օրեցօր ծառացող մարտահրավերներն առավել պահանջված են դարձնում հարցին տիրապետող, բանիմաց երիտասարդ մասնագետներին: