29.11.2017 | 
Մշակույթ
ՀՆՉԵՑԻՆ ՃԱՆԱՉՎԱԾ ՖԻԼՄԵՐԻ ՍԻՐՎԱԾ ԵՐԳԵՐԸ
ՀՆՉԵՑԻՆ ՃԱՆԱՉՎԱԾ ՖԻԼՄԵՐԻ ՍԻՐՎԱԾ ԵՐԳԵՐԸ
Նոյեմբերի 28-ին ԵՊՀ մշակույթի կենտրոնի դահլիճում տեղի ունեցավ «Ճանաչված ֆիլմերի սիրված երգեր» խորագրով ռետրո համերգը:

Պատեֆոն, ռադիո, երգեր, ճանաչված արտահայտություններ հին ու սիրված ֆիլմերից և ունկնդիրների համար թեյ՝ խորհրդանշական սպասքով. ահա այս միջավայրում էլ անցավ ռետրո համերգը, որը Մայր բուհի 100-ամյակին ընդառաջ կազմակերպվել էր ԵՊՀ մշակույթի կենտրոնի կողմից:

 

Ռետրո համերգի գաղափարը ԵՊՀ ռեկտոր Արամ Սիմոնյանինն է եղել, բեմադրող ռեժիսորը Մշակույթի կենտրոնի տնօրեն Կարինե Դավթյանն է, իսկ իրականացնողները՝ կենտրոնի սաները: ԵՊՀ ռեկտորը հանդիսատեսի շարքերում էր, ներկա էին նաև ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, ԵՊՀ հրատարակչության տնօրեն Կարեն Գրիգորյանը, ԵՊՀ հոգաբարձուների խորհրդի քարտուղար Միքայել Մալխասյանը, պրոֆեսորադասախոսական կազմի ներկայացուցիչներ և ուսանողներ:

 

 

Համերգի մեկնարկից առաջ ԵՊՀ պրոռեկտոր Ռուբեն Մարկոսյանը և Կարինե Դավթյանը պատվոգրեր հանձնեցին նոյեմբերի 15-ին ԵՊՀ մշակույթի կենտրոնի և  «Ֆոկուս» թիմի համատեղ կազմակերպած «IQ» մրցույթում բարձր արդյունքներ գրանցած մասնակիցներին՝ Տնտեսագիտության և կառավարման ֆակուլտետի 4-րդ կուրսի ուսանողուհի Նարե Բաղդասարյանին, Ինֆորմատիկայի և կիրառական մաթեմատիկայի ֆակուլտետի մագիստրատուրայի 1-ի կուրսի ուսանող Տիգրան Թումանյանին և Կենսաբանության ֆակուլտետի 3-րդ կուրսի ուսանող Վահե Մովսիսյանին:

 

Համերգի ընթացքում Մշակույթի կենտրոնի սաները ներկայացրին 1950-1970-ականների խորհրդային սիրված ֆիլմերի երգերը՝ զուգորդված պարային կատարումներով և թատերական բեմադրություններով:

 


Համերգային ծրագրի ավարտից հետո ԵՊՀ պրոռեկտորը հանդես եկավ համերգային ծրագիրը կատարելագործելու, այն հայ-ռուսական դիվանագիտական հարաբերությունների հաստատման 25-ամյակին նվիրելու և ՌԴ քաղաքական ներկայացուցիչներին՝ ի դեմս դեսպանի, հրավիրելու առաջարկությամբ:

 

ԵՊՀ մշակույթի կենտրոնի տնօրեն Կարինե Դավթյանն էլ խոստացավ, որ համերգային ծրագիրը կունենա նաև իր տրամաբանական շարունակությունը. «Կներկայացնենք ոչ միայն 1970-ական թվականներից հետո նկարահանված խորհրդային ֆիլմերի սիրված երգերը, այլև առանձին կանդրադառնանք խորհրդահայ ֆիլմերի երգերին»:

Այլ նորություններ
ՄՇԱԿՈՒՅԹՆԵՐԻ ՀԱՂՈՐԴԱԿՑՈՒԹՅԱՆ ՓԱՅԼՈՒՆ ՕՐԻՆԱԿ ԵՊՀ-ՈՒՄ. ԱՇԱԿԵՐՏՆԵՐԸ ՀԱՆԴԵՍ ԵԿԱՆ ՖՐԱՆՍԻԱԿԱՆ ԵՐԳԵՐՈՎ ՈՒ ԱՍՄՈՒՆՔՈՎ
Այսօր ԵՊՀ Չարենցի անվան դահլիճում տեղի ունեցավ Մայր բուհում անցկացվող Ֆրանկոֆոնիայի օրերի շրջանակում մշակութային միջոցառում, որի ընթացքում հանրապետության մի քանի դպրոցների աշակերտներ հանդես եկան ֆրանսիական երգերով և ասմունքեցին ֆրանսիացի ժամանակակից գրողների բանաստեղծությունները:
«Ս. ԶԱՏԿԻՆ ՄԻՇՏ ԲԱԽՏ ԵՆ ԲԱԺԱՆՈՒՄ, ԵՎ ՈՎ ՑԵՐԵԿԸ ՔՆԻ, ԿԶՐԿՎԻ ԻՐ ԲԱԺԻՆ ԲԱԽՏԻՑ». ՀԱՐՑԱԶՐՈՒՅՑ ԵՊՀ ՊՐՈՖԵՍՈՐ ՍԱՄՎԵԼ ՄԿՐՏՉՅԱՆԻ ՀԵՏ
Այս տարի Հայ առաքելական եկեղեցին Ս. Զատիկը` Քրիստոսի հրաշափառ Հարության տոնը, կնշի ապրիլի 1-ին: Ի թիվս այլ Տաղավար տոների՝ (Պայծառակերպության տոն կամ Վարդավառ, Սբ. Աստվածածնի ննջման և վերափոխման տոն, Խաչվերաց) Ս. Զատիկը նույնպես շարժական տոն է և միշտ նշվում է գարնանային գիշերահավասարից հետո՝ լուսնի լրմանը հաջորդող առաջին կիրակի օրը: Ըստ այդմ, այն տեղաշարժվում է մարտի 22-ից ապրիլի 25-ն ընկած ժամանակահատվածում: