14.09.2010 | 
Մշակույթ
ՍԻՐԵ´Ք ԳՐԱԲԱՐԸ
ՍԻՐԵ´Ք ԳՐԱԲԱՐԸ
Երիտասարդները, ֆիլմ դիտելով, սիրեցին մեր նախնյաց լեզուն:

«Ծիրանի» հասարակական կազմակերպության նախաձեռնությամբ ԵՊՀ արեւելագիտության ֆակուլտետում ցուցադրվեց «Գրաբար- լեզու նախնեաց» ֆիլմը: Ֆիլմի ռեժիսոր և հեղինակ Նարեկ Աշուղաթոյանի խոսքերով` այն նպատակ ունի երիտասարդության շրջանում կրկին արթնացնելու գրաբարի հանդեպ սերը եւ ցույց տալու, որ գրաբարը հիմքն է ինչպես արդի հայերենի, այնպես էլ մեր` հայերիս ողջ լեզվամտածողության: 18 րոպե տեւողությամբ ֆիլմի ընթացքում հնչում են շարականներ, ներկայացվում են հատվածներ սուրբ պատարագից, իսկ լեզվաբաններն ու հոգեւորականները, իրար լրացնելով, ներկայացնում են գրաբարի կարեւորությունը:

 

Մայր Աթոռ Սուրբ Էջմիածնի միաբան Տ. Գարեգին աբեղա Համբարձումյանը ֆիլմում ասում է, որ հաճախ կարծիքներ են հնչում, թե պետք է եկեղեցիներում ծեսի լեզուն գրաբարից փոխել աշխարհաբարի, ինչի հետ համամիտ չլինելով` հայր սուրբը նշում է. «Պետք չէ մոռանալ ազգային գանձերը, այլ պետք է սիրել ու սովորել մեր լեզվի գանձը` գրաբարը»: Այս կապակցությամբ «Ծիրանի» հասարակական կազմակերպությունը, ֆիլմի միջոցով գրաբարի վերաբերյալ քարոզչություն իրականացնելուց բացի, նաեւ երկու տարի անընդմեջ երիտասարդների համար անվճար գրաբարի դասեր է կազմակերպում: «Ծիրանի»-ի նախագահ Նարեկ Աշուղաթոյանը կարծում է, որ հայ երիտասարդները հետաքրքրված են գրաբար լեզվով:

 

Մինչ օրս դասընթացի շրջանակում արդեն 200 երիտասարդներ տիրապետում են ոսկեղենիկ գրաբարին: Արեւելագիտության ֆակուլտետի ուսանող Վարուժան Գեղամյանն էլ ասաց, որ ուսումնական պլանով պարտադիր դասավանդվող «Գրաբար» առարկան ավելի լավ պատկերացնելու համար մեծ ցանկություն առաջացավ նաեւ ֆիլմ դիտել գրաբարի մասին: Ֆիլմը դիտելուց հետո ուսանողները քննարկում ծավալեցին գրաբարի վերաբերյալ:

Այլ նորություններ
«ԱՍՏՂԱԶԱՐԴ ԵՐԿԻՆՔՆ ԻՄ ԳԼԽԱՎԵՐԵՎՈՒՄ» ԽՈՐԱԳԻՐԸ ԿՐՈՂ ՀԱՄԵՐԳ՝ ՆՎԻՐՎԱԾ ԼՅՈՒԴՎԻԳ ՎԱՆ ԲԵԹՀՈՎԵՆԻ 250-ԱՄՅԱԿԻՆ
ԵՊՀ մշակույթի կենտրոնում այսօր տեղի ունեցավ Երևանի Կոմիտասի անվան պետական կոնսերվատորիայի Օպերային ստուդիայի՝ «Աստղազարդ երկինքն իմ գլխավերևում» խորագիրը կրող համերգը՝ նվիրված գերմանացի հայտնի կոմպոզիտոր, դաշնակահար, դիրիժոր Լյուդվիգ վան Բեթհովենի 250-ամյակին:
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը: