08.12.2021 | 
Հասարակություն
ԱՇԱԿԵՐՏՆԵՐԸ ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ՆՊԱՏԱԿՈՎ ԱՅՑԵԼԵԼ ԵՆ ԵՊՀ
ԱՇԱԿԵՐՏՆԵՐԸ ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ՆՊԱՏԱԿՈՎ ԱՅՑԵԼԵԼ ԵՆ ԵՊՀ
Թիվ 148 ավագ դպրոցի աշակերտներն այսօր այցելել են Եվրոպական լեզուների և հաղորդակցության ֆակուլտետի անգլիական բանասիրության ամբիոն մասնագիտական ընտրության հարցում կողմնորոշվելու նպատակով:

ԵՊՀ մինչհամալսարանական կրթության վարչության նախաձեռնությամբ կազմակերպված այցի ընթացքում ավագ դպրոցի աշակերտները հանդիպեցին Անգլիական բանասիրության ամբիոնի ասիստենտ Նաիրա Մարտիրոսյանին, որն ապագա ուսանողներին ներկայացրեց Մայր բուհն ու համալսարանական կրթության կարևորությունը:

 

 

Հանդիպման ընթացքում քննարկման մասնակիցների միջև զրույց ծավալվեց որոշ բարդ քերականական հարցերի շուրջ, աշակերտներին հուզում էին ամբիոնում ուսումնասիրվող առարկաների քանակն ու բարդությունը, ինչպես նաև դասավանդման գործընթացին առնչվող մի շարք հարցեր:

 

Նաիրա Մարտիրոսյանն ապագա ուսանողներին ներկայացրեց անգլերենում պայմանական նախադասությունների կառուցվածքային առանձնահատկությունները. թեմայի ընտրությունը պատահական չէ, քանի որ աշակերտները հենց այս թեմայով դասախոսության մասնակցելու ցանկություն էին հայտնել:

 

 

ԵՊՀ ասիստենտը փաստեց, որ անգլերենին վերաբերող գիտելիքների ու հմտությունների ստուգման բոլոր հարցաշարերում իրենց կայուն տեղն են զբաղեցնում պայմանական նախադասությունների տիպերը, և աշակերտներն ու ապագա ուսանողները պետք է կարողանան դրանք գործածել գրավոր և բանավոր խոսքում:

 Վերջում Նաիրա Մարտիրոսյանը հույս հայտնեց, որ անցկացված դասն արդյունավետ է լինելու հանդիպման մասնակիցների համար, քանի որ այն անգլերենի յուրացման կարևոր թեմաներից է:

 

Այլ նորություններ
ԵՊՀ-ՈՒՄ ԱՄՓՈՓՎԵՑԻՆ «Ի՞ՆՉ Է ՄՏԱԾՈՒՄ ՍՓՅՈՒՌՔԸ 21-ՐԴ ԴԱՐՈՒՄ» ԹԵՄԱՅՈՎ ՀԵՏԱԶՈՏՈՒԹՅՈՒՆՆԵՐԻ ԱՐԴՅՈՒՆՔՆԵՐԸ
Ինովացիոն լուծումների և տեխնոլոգիաների կենտրոնում (ISTC) տեղի ունեցած միջոցառման ժամանակ ծավալվեցին Հայկական սփյուռքին առնչվող առանցքային թեմաների վերաբերյալ քննարկումներ։
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆՈՒՄ ԿԱՅԱՑԱՎ «ՏԻԵԶԵՐՔ ԵՎ ՆԵՐՇՆՉԱՆՔ» ԽՈՐԱԳՐՈՎ ՊԱՆԵԼԱՅԻՆ ՔՆՆԱՐԿՈՒՄԸ
«ԵՊՀ-Սթարմուս Նոբելյան շաբաթ» միջոցառման շրջանակում կազմակերպված քննարկման բանախոսներն էին ԵՊՀ շրջանավարտ, Starmus VI փառատոնի համահիմնադիր, աստղաֆիզիկոս Գարիկ Իսրայելյանը, գրող Դեյվիդ Ջոն Էյքրը և հայազգի առաջին տիեզերագնաց Ջիմ Բաղյանը։ ԵՊՀ ռեկտոր Հովհաննես Հովհաննիսյանը Գ. Իսրայելյանին հանձնեց ԵՊՀ ոսկե մեդալ: