14.10.2019 | 
Քաղաքականություն
ԿԵՆՍԱԲԱՆՈՒԹՅՈՒՆԸ ԴԱՐՁՆԵԼ ՇՈՇԱՓԵԼԻ. ԴՊՐՈՑԱԿԱՆՆԵՐԻ ԱՅՑԵԼՈՒԹՅՈՒՆԸ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏ
ԿԵՆՍԱԲԱՆՈՒԹՅՈՒՆԸ ԴԱՐՁՆԵԼ ՇՈՇԱՓԵԼԻ. ԴՊՐՈՑԱԿԱՆՆԵՐԻ ԱՅՑԵԼՈՒԹՅՈՒՆԸ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏ
ԵՊՀ կենսաբանության ֆակուլտետն այսօր հյուրընկալել էր Արգավանդի միջնակարգ դպրոցի 8-11-րդ դասարանների աշակերտներին:

Այցելությունը կազմակերպել էր ԵՊՀ մինչհամալսարանական կրթության վարչությունը:

Աշակերտները հնարավորություն ունեցան շրջելու Կենսաբանության ֆակուլտետում և մասնակցելու գիտափորձի:

Մեզ հետ զրույցում մասնագիտությամբ կենսաբան Հասմիկը Հովհաննիսյանը նշեց, որ շատ է կարևորում նմանատիպ այցելությունների դերը մասնագիտության ընտրության հարցում:

 

«Կենսաբանությունն այն գիտությունն է, որն աշակերտները պետք է, կարդալուց բացի, նաև շոշափեն, միայն գրքով բավարարվելը շատ քիչ է,- ասաց Հասմիկը Հովհաննիսյանը,- նմանատիպ այցելությունները կարևոր են ապագա մասնագիտությունը ճիշտ ընտրելու հարցում»:

Աշակերտների համար «Առնետների վրա կատարվող ժամանակակից գիտահետազոտական փորձեր» թեմայով դասախոսությամբ հանդես եկավ ԵՊՀ կենսաբանության ֆակուլտետի ֆիզիոլոգիայի ամբիոնի դոցենտ Նոնա Ադամյանը:

Մեզ հետ զրույցում ԵՊՀ դոցենտը նույնպես կարևորեց նմանատիպ այցելությունների դերը:

 

«Մի բան է կենսաբանությունն ուսումնասիրել դասարանային պայմաններում, միանգամայն այլ բան, երբ աշակերտներն այցելում են Կենսաբանության ֆակուլտետ և առավել ևս գիտափորձեր դիտում: Այս դեպքում կենսաբանությունը դառնում է ավելի հետաքրքիր ու շոշափելի»,- նշեց Նոնա Ադամյանը:

Այցելության վերջում աշակերտներն իրենց հուզող թեմաների մասին հարցեր ուղղեցին մասնագետին:

 

Անի Պողոսյան

 

Այլ նորություններ
ՆԱԽԱՏԵՍՎՈՒՄ Է ԶԱՐԳԱՑՆԵԼ ԲԱՑ ԳԻՏՈՒԹՅԱՆ ԻՐԱԿԱՆԱՑՄԱՆՆ ԱՆՀՐԱԺԵՇՏ ՊԱՅՄԱՆՆԵՐ ԵՎ ՄՇԱԿԵԼ ՀԵՏԱԶՈՏՈՂՆԵՐԻ ՀԱՄԱՐ ՄԱՐԴԿԱՅԻՆ ՌԵՍՈՒՐՍՆԵՐԻ ԿԱՌԱՎԱՐՄԱՆ ՌԱԶՄԱՎԱՐՈՒԹՅՈՒՆ
ԵՊՀ բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանը, Միջազգային համագործակցության վարչության պետ Ալեքսանդր Մարգարովը և Գիտական քաղաքականության վարչության պետ Իշխան Վարդանյանը «MINERVA» ծրագրի շրջանակում հոկտեմբերի 21-25-ն այցելել են Բելգիայի Լիեժի համալսարան՝ ծանոթանալու հետազոտողների համար մարդկային ռեսուրսների կառավարման ռազմավարության (HRS4R) լավագույն փորձին: