22.10.2019 | 
Քաղաքականություն
ԳՈՐԾՆԱԿԱՆ ՀՄՏՈՒԹՅՈՒՆՆԵՐ ՔԻՄԻԱՅԻ ԵՎ ԿԵՆՍԱԲԱՆՈՒԹՅԱՆ ԼԱԲՈՐԱՏՈՐԻԱՆԵՐՈՒՄ․ԱՇԱԿԵՐՏՆԵՐՆ ԱՅՑԵԼԵԼ ԵՆ ԵՊՀ
ԳՈՐԾՆԱԿԱՆ ՀՄՏՈՒԹՅՈՒՆՆԵՐ ՔԻՄԻԱՅԻ ԵՎ ԿԵՆՍԱԲԱՆՈՒԹՅԱՆ ԼԱԲՈՐԱՏՈՐԻԱՆԵՐՈՒՄ․ԱՇԱԿԵՐՏՆԵՐՆ ԱՅՑԵԼԵԼ ԵՆ ԵՊՀ
ԵՊՀ կենսաբանության և քիմիայի ֆակուլտետներում այսօր հյուրընկալվել էին Երևանի թիվ 142 ավագ դպրոցի 10-րդ և 11-րդ դասարանների աշակերտները:

Նշենք, որ ԵՊՀ մինչհամալսարանական կրթության վարչության կողմից պարբերաբար իրականացվող ԵՊՀ հյուրընկալությունների և դպրոցներ այցելությունների նպատակն է նպաստել ավարտական դասարանների աշակերտների մասնագիտական կողմնորոշմանը, բարձրացնել իրազեկության մակարդակը և ուղղորդել դեպի ԵՊՀ:

 

Կենսաբանության ֆակուլտետի արյունաբանության լաբորատորիայում Մարդու և կենդանիների ֆիզիոլոգիայի ամբիոնի լաբորանտ Քրիստինա Զուրաբյանը փորձեր կատարեց՝ որոշելով աշակերտներից շատերի արյան կարգը, խոսեց արյան խմբի և ռեզուս-գործոնի ժառանգաբար փոխանցման մասին:

Իսկ կենսաբանական գիտությունների թեկնածու Նարինե Քսաջիկյանը Բաևսկու պուլսոմետրիայի մեթոդով որոշեց աշակերտների էլեկտրասրտագրերը և վերլուծեց համակարգչային ծրագրի օգնությամբ:

Նա բացատրեց սրտի ռիթմի կարգավորման մեխանիզմների սիմպաթիկ և պարասիմպաթիկ մեխանիզմների փոխազդեցությունը տարբեր գործոնների ազդեցության պայմաններում:

 

Աշակերտներից Գոհար Զաքարյանը հետաքրքրված է կենսաբանությամբ և ընտրելու է բժշկությունը:

 

Աշակերտներին ուղեկցում էր Կենսաբանության ուսուցչուհին՝ Նաիրա Գյուլնազարյանը: Վերջինս նշեց, որ աշակերտները մեծ ոգևորությամբ են այցելում ԵՊՀ և իրենց նախաձեռնությամբ կազմակերպելու են հանդիպումներ ԵՊՀ-ում դասավանդող տարբեր դասախոսների հետ:

 

Հարկ է նշել նաև, որ ՀՀ դպրոցներ այցելություններն ու ԵՊՀ դասախոսների հյուրընկալությունները Երևանի և մարզային դպրոցներ շարունակական են լինելու:

 

 

Անգին Խաչատրյան

 

 

Այլ նորություններ
ԵՊՀ-Ն ՊԱՏՐԱՍՏ Է ՀԱՄԱԳՈՐԾԱԿՑԵԼ ԼԻՏՎԱՅԻ ՀԱՄԱԼՍԱՐԱՆՆԵՐԻ ՀԵՏ. ՔՆՆԱՐԿՎԵԼ ԵՆ ԵՐԿԿՈՂՄ ՀԱՄԱԳՈՐԾԱԿՑՈՒԹՅԱՆ ՈՒՂԻՆԵՐԸ
ԵՊՀ ռեկտորի ժ.պ. Գեղամ Գևորգյանն այսօր իր աշխատասենյակում հյուրընկալել է ՀՀ-ում Լիտվայի Հանրապետության արտակարգ և լիազոր դեսպան Ն.Գ. տիկին Ինգա Ստանիտե-Տոլոչկիենեին և փոխդեսպան Նիդա Դալմանտայտեին:
ԵՊՀ-ՈՒՄ ԻՐԱՔԻ ՀԱՆՐԱՊԵՏՈՒԹՅԱՆ ԳՈՐԾԵՐԻ ԺԱՄԱՆԱԿԱՎՈՐ ՀԱՎԱՏԱՐՄԱՏԱՐԻ ՀԵՏ ՔՆՆԱՐԿԵԼ ԵՆ ԵՐԿԿՈՂՄ ՀԱՄԱԳՈՐԾԱԿՑՈՒԹՅՈՒՆԸ
ԵՊՀ ռեկտորի ժ.պ. Գեղամ Գևորգյանն այսօր իր աշխատասենյակում ընդունել է ՀՀ-ում Իրաքի Հանրապետության գործերի ժամանակավոր հավատարմատար Մոհամմեդ-Օ-Ջեբուռ Ալ-Մասուդիին: