23.10.2019 | 
Հասարակություն
«ԵՊՀ-Ն ԱՌԱՆՁՆԱՆՈՒՄ Է ԻՐ ՏՎԱԾ ԳԻՏԵԼԻՔՆԵՐԻ ՀԱՄԱԿՈՂՄԱՆԻՈՒԹՅԱՄԲ». 182 ԱՎԱԳ ԴՊՐՈՑԻ ԱՇԱԿԵՐՏՆԵՐՆ ԱՅՑԵԼԵԼ ԵՆ ԵՊՀ
«ԵՊՀ-Ն ԱՌԱՆՁՆԱՆՈՒՄ Է ԻՐ ՏՎԱԾ ԳԻՏԵԼԻՔՆԵՐԻ ՀԱՄԱԿՈՂՄԱՆԻՈՒԹՅԱՄԲ». 182 ԱՎԱԳ ԴՊՐՈՑԻ ԱՇԱԿԵՐՏՆԵՐՆ ԱՅՑԵԼԵԼ ԵՆ ԵՊՀ
Ֆարմացիայի ինստիտուտը, Աշխարհագրության և երկրաբանության, Կենսաբանության ֆակուլտետներն այսօր ընդունել են Երևանի Գևորգ Էմինի անվան թիվ 182 ավագ դպրոցի բարձր դասարանների աշակերտներին։

Այցելությունը կազմակերպել էր ԵՊՀ մինչհամալսարանական կրթության վարչությունը:

ԵՊՀ ֆարմացիայի ինստիտուտում աշակերտներին դիմավորեց Ֆարմտեխնոլոգիայի և ֆարմացիայի էկոնոմիկայի ու կառավարման ամբիոնի վարիչ Անահիտ Հովհաննիսյանը։ Նա խոսեց ինստիտուտի կառուցվածքի մասին, ներկայացրեց իրականացվող գործունեությունն ու կատարված աշխատանքը։

Խոսելով համալսարանի տված կրթության մասին՝ Ա. Հովհաննիսյանն ասաց. «Երևանի պետական համալսարանն առանձնանում է իր տված գիտելիքների համակողմանիությամբ ու հնարավորություն է տալիս ուսանողին դրսևորելու իրեն ամենատարբեր ոլորտներում»։



182 ավագ դպրոցի բարձր դասարանի աշակերտները, ընդհանուր պատկերացում ստանալով Ֆարմացիայի ինստիտուտի մասին, շրջեցին նորարարական սարքավորումներով հագեցած լաբորատորիաներում ու ծանթացան այնտեղ իրականացվող աշխատանքներին։

Աշխարհագրության և երկրաբանության ֆակուլտետում նույն դպրոցի 10-րդ դասարանցիներին դիմավորեցին Քարտեզագրության և գեոմորֆոլոգիայի ամբիոնի դասախոս Արմինե Մկրտչյանը և ասիստենտ Գևորգ Մանուկյանը։ Նրանք աշակերտներին ծանոթացրին հորիզոնականներով պատկերված տեղագրական քարտեզների առավելությունները՝ նշելով, որ դրանցով հնարավոր է չափել կամայական բարձրության կետ։



Կենսաբանության ֆակուլտետում էլ նույն դպրոցի 10-րդ դասարանի աշակերտների համար Էնզիմոլոգիայի և բժշկական կենսաքիմիայի լաբորատորիայում փորձեր կատարեցին ֆակուլտետի ասպիրանտները, որոնց մասնակցեցին նաև դպրոցականները։

Այլ նորություններ
ԵՊՀ ՄԻԱԿ ԿԻՆ ԱԿԱԴԵՄԻԿՈՍԸ 90 ՏԱՐԵԿԱՆ Է
Այսօր լրանում է Հայաստանի գիտության վաստակավոր գործիչ, ՀՀ ԳԱԱ ակադեմիկոս, կենս. գիտ. դոկտոր, պրոֆեսոր, ԵՊՀ կենսաբանության ֆակուլտետի բուսաբանության ամբիոնի պատվավոր վարիչ Լիա Օսիպյանի ծննդյան 90-ամյակը:
«ԵՍ ԻՆՁ ԵՐՋԱՆԻԿ ԵՄ ՀԱՄԱՐՈՒՄ ՆՄԱՆ ԽԵԼԱՑԻ, ՍԹԱՓ ՄՏԱԾՈՂ ՈՒ ՏՐԱՄԱԲԱՆՈՂ, ԾԱՅՐԱՀԵՂ ՀՈԳԱԾՈՒ ԿԻՆ ՈՒՆԵՆԱԼՈՒ ՀԱՄԱՐ». ՀԱՄԱԼՍԱՐԱՆԱԿԱՆ ՊԱՏՄՈՒԹՅՈՒՆՆԵՐ. ԱԼԲԵՐՏ ՄԱԿԱՐՅԱՆ, ՀԱՅԿԱՆՈՒՇ ՇԱՐՈՒՐՅԱՆ
ԵՊՀ հայ բանասիրության ֆակուլտետի ակադեմիկոս Հրանտ Թամրազյանի անվան հայ գրականության պատմության ամբիոնի պրոֆեսոր Ալբերտ Մակարյանի ու կնոջ՝ Եվրոպական լեզուների և հաղորդակցության ֆակուլտետի անգլերենի N 2 ամբիոնի դոցենտ Հայկանուշ Շարուրյանի հանդիպման ճակատագրական վայրը եղել է ԵՊՀ-ն: