27.11.2019 | 
Կրթություն
ՄՈՒՍԱԼԵՌԻ ՖՐԱՆՑ ՎԵՐՖԵԼԻ ԱՆՎԱՆ ՄԻՋՆԱԿԱՐԳ ԴՊՐՈՑԻ ԱՇԱԿԵՐՏՆԵՐՆ ԱՅՑԵԼԵԼ ԵՆ ԵՊՀ
ՄՈՒՍԱԼԵՌԻ ՖՐԱՆՑ ՎԵՐՖԵԼԻ ԱՆՎԱՆ ՄԻՋՆԱԿԱՐԳ ԴՊՐՈՑԻ ԱՇԱԿԵՐՏՆԵՐՆ ԱՅՑԵԼԵԼ ԵՆ ԵՊՀ
Մուսալեռի Ֆրանց Վերֆելի անվան միջնակարգ դպրոցի աշակերտներն այսօր այցելել են ԵՊՀ Լյուդվիգ Ղարիբջանյանի անվան պատմության թանգարան և բաց դաս ունեցել Եվրոպական լեզուներ ու հաղորդակցության ֆակուլտետում։

Նշենք, որ աշակերտների այցը համալսարան և համալսարանականների այցերը տարբեր դպրոցներ կազմակերպում է ԵՊՀ մինչհամալսարանական կրթության վարչությունը։

ԵՊՀ պատմության թանգարանում հյուրընկալված դպրոցի 8-ից 12-րդ դասարանի աշակերտներին դիմավորեց թանգարանի տնօրեն Հեղինե Գասպարյանը։

Նա ողջունեց դպրոցականներին ու շրջայց իրականացրեց թանգարանում՝ մանրամասն ներկայացնելով Երևանի պետական համալսարանի հիմնադրման պատմությունն ու անցած ուղին։

Թանգարան այցից հետո աշակերտները շրջեցին համալսարանի տարածքում, իսկ Եվրոպական լեզուների ու հաղորդակցության ֆակուլտետում հանդիպեցին ֆակուլտետի դեկան Գևորգ Բարսեղյանի հետ։



«Ուրախ եմ ողջունել ձեզ մեր ֆակուլտետում։ Այն ուսանողների և դասախոսների թվով ամենամեծ ֆակուլտետն է համալսարանում»,- ասաց Գ. Բարսեղյանը։

Նա աշակերտներին պատմեց ֆակուլտետի կառուցվածքի, գործող ամբիոնների ու այն մասնագիտությունների մասին, որոնք կարելի է ձեռք բերել Եվրոպական լեզուների ու հաղորդակցության ֆակուլտետում սովորելու ընթացքում։

Հանդիպման վերջում աշակերտները իրենց հուզող հարցերը հղեցին դեկանին ու ստացան սպառիչ պատասխաններ։

Այլ նորություններ
«ԱՅՆ ՈՒՍԱՆՈՂԸ, ՈՐԸ ՊԱՐՏԱՃԱՆԱՉ Է ԼՍԱՐԱՆԱՅԻՆ ՊԱՅՄԱՆՆԵՐՈՒՄ, ՊԱՐՏԱՃԱՆԱՉ Է ՆԱԵՎ ԱՌՑԱՆՑ ՀԱՐԹԱԿՈՒՄ». ԱՐԱՄ ՀՈՎՀԱՆՆԻՍՅԱՆ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն իրականացնում են առցանց ուսուցում՝ ուսումնական գործընթացի երկարատև ընդհատումից խուսափելու համար։
ԶԲՈՍԱՇՐՋՈՒԹՅԱՆ ԱՌՋԵՎ ԾԱՌԱՑԱԾ ԽՆԴԻՐՆԵՐԸ ԵՎ ԼՈՒԾՄԱՆ ՃԱՆԱՊԱՐՀՆԵՐԸ. ԱՆՎՃԱՐ ԴԱՍԸՆԹԱՑՆԵՐ ՈԼՈՐՏՈՎ ՀԵՏԱՔՐՔՐՎՈՂՆԵՐԻ ՀԱՄԱՐ
ԵՊՀ աշխարհագրության և երկրաբանության ֆակուլտետի սերվիսի ամբիոնի դոցենտ Գոռ Ալեքսանյանը նախաձեռնել է հեռավար ուսուցմանը լրացնող առցանց անվճար դասընթացներ, որոնց օգնությամբ թե՛ ամբիոնի ուսանողները, թե՛ոլորտով հետաքրքրվողները կիրազեկվեն բնագավառում առկա խնդիրների մասին և կծանոթանան դրանց լուծման ճանապարհներին։