06.02.2019 | 
Քաղաքականություն
«ԵՊՀ-Ն ՄԵՐ ԼԱՎԱԳՈՒՅՆ ԲԱՐԵԿԱՄՆ Է ԴԱՐՁԵԼ». ԵՐԵՎԱՆԻ ԹԻՎ 198 ԴՊՐՈՑԻ ԱՇԱԿԵՐՏՆԵՐԸ ԵՊՀ-ՈՒՄ ԷԻՆ
«ԵՊՀ-Ն ՄԵՐ ԼԱՎԱԳՈՒՅՆ ԲԱՐԵԿԱՄՆ Է ԴԱՐՁԵԼ». ԵՐԵՎԱՆԻ ԹԻՎ 198 ԴՊՐՈՑԻ ԱՇԱԿԵՐՏՆԵՐԸ ԵՊՀ-ՈՒՄ ԷԻՆ
Երևանի թիվ 198 դպրոցի 10-րդ և 11-րդ դասարանների բնագիտական հոսքի աշակերտներն այսօր հյուրընկալվել էին ԵՊՀ ֆիզիկայի, կենսաբանության և քիմիայի ֆակուլտետներում:

Բազմաբովանդակ այցի շրջանակում աշակերտները բաժանվեցին առանձին հոսքերի և շրջայց կատարեցին երեք ֆակուլտետներում, ծանոթացան ֆակուլտետների կառուցվածքին, գործունեությանը, լաբորատորիաների սարքավորումներին և գործնական փորձերով ամրապնդեցին իրենց տեսական գիտելիքները:

Ֆիզիկայի ֆակուլտետում աշակերտներին դիմավորեց ֆակուլտետի դեկան Ռաֆիկ Հակոբյանը:

 

Վերջինս ներկայացրեց ֆակուլտետի կառուցվածքը, հակիրճ նկարագրությամբ անդրադարձավ ֆակուլտետի գործունեությանը, ինչպես նաև մանրամասն պատմեց ֆիզիկայի ոլորտում ակնառու նորությունների մասին. «Չկա որևէ բան, որ կապված չլինի ֆիզիկայի հետ, և չկա որևէ տեխնոլոգիա, որի հիմքում ֆիզիկան չլինի,- նշեց դեկանն ու հավելեց,- ֆիզիկոսները կարողանում են հեշտությամբ վերամասնագիտանալ: Ֆիզիկոսն ունենում է լայն աշխարհայացք և երևույթները խորազնին նկատելու մտահորիզոն»:


 

Ֆիզիկայի ֆակուլտետի դեկանն աշակերտներին ներկայացրեց նաև հայկական զրահաբաճկոնների արտադրության մասին, որի նախագիծը մշակվել է ԵՊՀ ֆիզիկայի ֆակուլտետում:

 

Թիվ 198-րդ դպրոցի ֆիզիկայի ուսուցչուհի Լյուսյա Թորոսյանն էլ փաստեց, որ այս այցերն ունեն ճանաչողական մեծ նշանակություն և կարևոր են մասնագիտության կողմնորոշման հարցում:

 

Կենսաբանության ֆակուլտետում աշակերտները ծանոթացան Բուսաբանության և սնկաբանության ամբիոնի պատմությանը, ուսումնասիրեցին ջրիմուռների բջջի և բուսաբանական բջջի կառուցվածքները, որոշեցին օդի աղտոտվածության աստիճանը:


 

Բուսաբանության և սնկաբանության ամբիոնի դասախոսներ Ռուզաննա Ադամյանը և Ինեսսա Էլոյանը ներկայացրին ամբիոնի գործունեությունը, իսկ աշակերտների տեսական գիտելիքներն ամրապնդվեցին գործնական փորձերով:


 

Աշակերտներին ուղեկցող ուսուցիչներից մեկի՝ Լուսինե Բալայանի խոսքով, ԵՊՀ-ն դարձել է իրենց դպրոցի լավագույն բարեկամը. «ԵՊՀ-ն մեր լավագույն բարեկամն է դարձել: Շնորհակալ ենք համագործակցության համար: Մեր այցերը շարունակական են լինելու և նպաստելու են աշակերտների գիտելիքների ամրապնդմանը և մասնագիտական կողմնորոշմանը»:

 

Քիմիայի ֆակուլտետում Անօրգանական և անալիտիկ քիմիայի ամբիոն դոցենտ Ռոբերտ Ադամյանը աշակերտների հետ իրականացրին գիտափորձեր:


 

 

 Անգին Խաչատրյան

 

Այլ նորություններ
ԿԵՆՍԱԲԱՆՈՒԹՅՈՒՆԸ ԴԱՐՁՆԵԼ ՇՈՇԱՓԵԼԻ. ԴՊՐՈՑԱԿԱՆՆԵՐԻ ԱՅՑԵԼՈՒԹՅՈՒՆԸ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏ
ԵՊՀ կենսաբանության ֆակուլտետն այսօր հյուրընկալել էր Արգավանդի միջնակարգ դպրոցի 8-11-րդ դասարանների աշակերտներին:
ԵՊՀ ԸՆԴՀԱՆՈՒՐ ՀԱՐՑԵՐԻ ԳԾՈՎ ՊՐՈՌԵԿՏՈՐ Է ՆՇԱՆԱԿՎԵԼ ԱՐՄԱՆ ՄԱԼԽԱՍՅԱՆԸ
ԵՊՀ ռեկտորի ժամանակավոր պաշտոնակատար Գեղամ Գևորգյանի հրամանով ԵՊՀ գնումների պլանավորման վարչության պետ Արման Մալխասյանը նշանակվել է «Երևանի պետական համալսարան» հիմնադրամի ընդհանուր հարցերի գծով պրոռեկտոր: