07.02.2018 | 
Քաղաքականություն
ԲԱՑ ԴՌՆԵՐԻ ՕՐ ՊԱՏՄՈՒԹՅԱՆ ՖԱԿՈՒԼՏԵՏՈՒՄ
ԲԱՑ ԴՌՆԵՐԻ ՕՐ ՊԱՏՄՈՒԹՅԱՆ ՖԱԿՈՒԼՏԵՏՈՒՄ
Այսօր ԵՊՀ-ում բաց դռների օր էր, որի շրջանակում ավելի քան 150 ապագա դիմորդներ հյուրընկալվել էին Պատմության ֆակուլտետում:

Երևանի ու հարակից մարզերի ավագ և միջնակարգ դպրոցների պատմաիրավական հոսքի ավարտական դասարանների աշակերտների համար կազմակերպված բաց դռների օրը իրականացվում էր ԵՊՀ մինչհամալսարանական կրթության վարչության կողմից:

 

Միջոցառման նպատակն էր օգնել ապագա ուսանողներին մասնագիտական կողմնորոշման և բուհի ընտրության հարցում:

 

 

Աշակերտներին դիմավորեցին ԵՊՀ պատմության ֆակուլտետի դեկան Էդիկ Մինասյանը և Սփյուռքագիտության ամբիոնի վարիչ Արման Եղիազարյանը: Վերջիններս հյուրերին ներկայացրին ֆակուլտետի պատմությունը, կառուցվածքը, ներկայիս գործունեությունը և պատասխանեցին նրանց հարցերին:

 

 

Մեզ հետ զրույցում «Քվանտ» վարժարանի աշակերտուհի Թամարա Հովհաննիսյանն ասաց, որ արդեն հաստատապես ընտրել է ապագա մասնագիտությունը. «Ուզում եմ իրավագիտության ոլորտում մեծ հաջողությունների հասնել և համոզված եմ, որ հենց Մայր բուհի կրթությունն ինձ կօգնի հասնել նպատակներիս: Միշտ էլ ցանկացել եմ ընդունվել ԵՊՀ, սպասելիքներս այնքա՜ն շատ են»:

 

Հանդիպումից հետո ավագ դպրոցների աշակերտները եղան նաև Հայագիտական հետազոտությունների ինստիտուտի հնագիտական հետազոտությունների լաբորատորիայում: Պատմության ֆակուլտետի դասախոս Միքայել Մալխասյանը նրանց ծանոթացրեց լաբորատորիայում կազմակերպվող գործնական աշխատանքներին: 

 

Այլ նորություններ
ԵՐԵՎԱՆԻ ՊԵՏԱԿԱՆ ԵՎ ԿԻՊՐՈՍԻ ՀԱՄԱԼՍԱՐԱՆՆԵՐՆ ՈՒՍՈՒՄՆԱԳԻՏԱԿԱՆ ՆՈՐ ԾՐԱԳՐԵՐ ԿԻՐԱԿԱՆԱՑՆԵՆ
ԵՊՀ ռեկտոր Արամ Սիմոնյանը հյուրընկալեց Կիպրոսի համալսարանի ռեկտոր Կոստանդինոս Խրիստոֆիդեսին:
ԴԱՍԱԽՈՍՈՒԹՅՈՒՆ՝ ՎՐԱՑ-ՕՍԱԿԱՆ ԵՎ ՎՐԱՑ-ԱԲԽԱԶԱԿԱՆ ԿՈՆՖԼԻԿՏՆԵՐԻ ՄԱՍԻՆ
Այսօր ԵՊՀ միջազգային հարաբերությունների ֆակուլտետում ուսանողների համար «Մերօրյա հակամարտություններ. վրաց-օսական և վրաց-աբխազական կոնֆլիկտներ» թեմայով դասախոսությամբ հանդես եկավ Միջազգային հարաբերությունների ֆակուլտետի «Տարածաշրջանային քաղաքականություն» մագիստրոսական ծրագրի շրջանավարտ Լենա Զաքարյանը: