22.02.2018 | 
Քաղաքականություն
ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԸ ՀՅՈՒՐԸՆԿԱԼԵԼ ԷՐ ԱՊԱԳԱ ՍԱՆԵՐԻՆ
ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԸ ՀՅՈՒՐԸՆԿԱԼԵԼ ԷՐ ԱՊԱԳԱ ՍԱՆԵՐԻՆ
Այսօր մասնագիտական կողմնորոշման նպատակով ԵՊՀ արևելագիտության ֆակուլտետ էին այցելել Երևանի հ. 114, հ. 148, հ. 198, հ. 94, հ. 195, հ. 118 և հ. 29 ավագ դպրոցների աշակերտները:

Այցելությունը կազմակերպվել էր ԵՊՀ մինչհամալսարանական կրթության վարչության կողմից:

 

Ապագա ուսանողներին դիմավորեցին ֆակուլտետի դեկան Ռուբեն Մելքոնյանը և Արաբագիտության ամբիոնի վարիչ Հայկ Քոչարյանը:

 

Ռուբեն Մելքոնյանն աշակերտներին ներկայացրեց ֆակուլտետի կառուցվածքը, գործունեությունը. «Արևելագիտությունը երիտասարդ գիտություն է: Այն ձևավորվել է 18-րդ դարում: Անվանումն արդեն հուշում է, որ սա գիտություն է Արևելքի մասին: Այս մասնագիտությունը համարվում է «կայսերական» կամ «էլիտար», քանի որ այն ձևավորվել է տարբեր գերտերությունների կայսրերի անմիջական նախաձեռնությամբ, հրամանով և ցանկությամբ. Արևելքի հետ տարատեսակ խնդիրնելը լուծելու համար անհրաժեշտ էին կադրեր, գիտելիք»:

 

 

Մեզ հետ զրույցում հ. 195 ավագ դպրոցի 12-րդ դասարանի աշակերտ Իշխան Թումասյանը փաստեց, որ արդեն հստակ որոշել է՝ դպրոցն ավարտելուց հետո ընդունվելու է ԵՊՀ արևելագիտության ֆակուլտետի թյուրքագիտության բաժին. «Հետաքրքրությունս շատ մեծ է ուսումնասիրելու և բացահայտելու Արևելքը: Բուհի ընտրությունը միանշանակ է եղել»:

 

Խոսելով կազմակերպված հանդիպման մասին՝ ապագա թուրքագետը նշեց, որ նմանօրինակ նախաձեռնությունները շատ կարևոր են հասկանալու՝ ընտրությունը ճիշտ է կատարվել, թե ոչ:

 

Հանդիպման ընթացքում ֆակուլտետի դեկան Ռուբեն Մելքոնյանը և Արաբագիտության ամբիոնի վարիչ Հայկ Քոչարյանը պատասխանեցին ապագա ուսանողների հարցերին և առաջարկեցին փոքր խմբերով այցելել ամբիոններ և տեղում ծանոթանալ աշխատանքներին:

 

Այլ նորություններ
ԵՊՀ ՀԽ-Ն ՀԱՍՏԱՏԵԼ Է 2019-2020 ՈՒՍՏԱՐՈՒՄ ՆԱԽԱՏԵՍՎԱԾ ԱՇԽԱՏԱՆՔՆԵՐԻ ԿԱՏԱՐՈՂԱԿԱՆԸ
Գիտական խորհրդի նիստերի դահլիճում այսօր տեղի է ունեցել Հոգաբարձուների խորհրդի նիստը, որի օրակարգային երկու հարցերի քննարկումից հետո որոշվել է այն ընդմիջել և շարունակել վաղը՝ ժամը 17:00-ին:
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ ՏԵՂԻ ՉԻ ՈՒՆԵՑԵԼ. ՆԵՐԿԱ ԵՆ ԵՂԵԼ ՄԻԱՅՆ ՀԱՄԱԼՍԱՐԱՆԱԿԱՆ ԱՆԴԱՄՆԵՐԸ
ԵՊՀ հոգաբարձուների խորհրդի այսօր հրավիրված նիստը չի կայացել՝ քվեակազմի բացակայության պատճառով. 32 անդամներից ներկա էին 14-ը: