12.06.2019 | 
Մշակույթ
ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ «ԱՆԿԱԽՈՒԹՅԱՆ ՍԵՐՆԴԻ ՁԱՅՆԸ» ԽՈՐԱԳՐՈՎ ՄՐՑՈՒՅԹ-ՓԱՌԱՏՈՆԸ ՇԱՐՈՒՆԱԿՎՈՒՄ Է
ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ «ԱՆԿԱԽՈՒԹՅԱՆ ՍԵՐՆԴԻ ՁԱՅՆԸ» ԽՈՐԱԳՐՈՎ ՄՐՑՈՒՅԹ-ՓԱՌԱՏՈՆԸ  ՇԱՐՈՒՆԱԿՎՈՒՄ Է
ԵՊՀ մշակույթի կենտրոնում շարունակվում է երիտասարդ ստեղծագործողների մշակութային մրցույթ-փառատոնը՝ նվիրված ԵՊՀ հիմնադրման 100-ամյակին:

Հունիսի 10-ից 14-ը ԵՊՀ մշակույթի կենտրոնում անցկացվող «Անկախության սերնդի ձայնը» խորագրով մրցույթ-փառատոնը կազմակերպվել է ԵՊՀ մշակույթի կենտրոնի կողմից և ընդգրկում է մի շարք միջոցառումներ, այդ թվում՝ դասախոսություններ:

 

Մրցույթի երկրորդ օրը՝ հունիսի 11-ին, փառատոնի մասնակիցները հանդես եկան պարային կատարումներով, իսկ այսօր՝ հունիսի 12-ին, ԵՊՀ մշակույթի կենտրոնի բեմում հնչեցին հայ գրականության մեծերի արձակ և չափածո ստեղծագործություններից հատվածներ:

 

Ժյուրիի կազմում էին ՀՀ վաստակավոր արտիստուհի Լալա Մնացականյանը և Սիլվա Յուզբաշյանը, ՀՀ վաստակավոր արտիստ Սամվել Բաղինյանը, ԵՊՀ մշակույթի կենտրոնի տնօրեն Կարինե Դավթյանը:

 

Մրցույթ-փառատոնի ավարտին մասնակիցները ստացան հավաստագրեր, ինչպես նաև ժյուրիի որոշմամբ հայտարարվեցին ասմունքի մրցույթում հաղթած ուսանողների անունները: 

Հիշեցնենք, որ այս տարի մրցույթին մասնակցում են ոչ միայն համալսարանականները, այլև ՀՀ 12 բուհերի, այդ թվում՝ Արցախի ու Վանաձորի պետական համալսարանների ուսանողները:

Այլ նորություններ
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը:
ՀԱՅ-ՂԱԶԱԽԱԿԱՆ ՄՇԱԿՈՒԹԱՅԻՆ ՀԱՄԱԳՈՐԾԱԿՑՈՒԹՅԱՆ ՈՒՇԱԳՐԱՎ ՆՈՐ ԷՋ
2020 թ. Ղազախստանում, Հայաստանում և այլ երկրներում մեծ շուքով նշվում է ղազախական նոր գրականության հիմնադիր Աբայ Կունանբաևի 175-ամյակը: