06.06.2019 | 
Կրթություն
ՄԵԿՆԱՐԿԵՑԻՆ ՌՈՒՍԱԿԱՆ ԿԵՆՏՐՈՆԻ՝ ՀԱՄԱԼՍԱՐԱՆԱԿԱՆՆԵՐԻ ԵՐԵԽԱՆԵՐԻ ՀԱՄԱՐ ՆԱԽԱՏԵՍՎԱԾ ՌՈՒՍԵՐԵՆԻ ԴԱՍԸՆԹԱՑՆԵՐԸ
ՄԵԿՆԱՐԿԵՑԻՆ ՌՈՒՍԱԿԱՆ ԿԵՆՏՐՈՆԻ՝ ՀԱՄԱԼՍԱՐԱՆԱԿԱՆՆԵՐԻ ԵՐԵԽԱՆԵՐԻ ՀԱՄԱՐ ՆԱԽԱՏԵՍՎԱԾ ՌՈՒՍԵՐԵՆԻ ԴԱՍԸՆԹԱՑՆԵՐԸ
Արդեն 11 տարի է, ինչ ԵՊՀ ռուսական կենտրոնը համալսարանականների 7-ից 9-ը տարեկան երեխաների համար կազմակերպում է «Ռուսերենը՝ երեխաների համար» խորագրով ամառային դասընթացներ՝ նախապես մշակած և պատրաստած ծրագրով, որը հիմնված է խաղային մեթոդաբանության վրա:

ԵՊՀ ռուսական կենտրոնի տնօրեն Արուսյակ Ներսիսյանի խոսքով, այս դասընթացների շնորհիվ երեխաների մոտ ձևավորվում է սեր ռուսերենի,  ռուսական մշակույթի և գրականության հանդեպ:

 

«Փաստ է, որ այս կարճ ժամանակահատվածում երեխաները ռուսերենին գերազանց չեն տիրապետելու, բայց սա հնարավորություն է  հաղթահարելու այդ լեզվով հաղորդակցվելու բարդույթը»,- նշեց Ա. Ներսիսյանը:

 

Դասընթացը մեկնարկեց երեխաների հետ ծանոթությամբ, որից հետո Ռուսական կենտրոնի տնօրենը տեսապատկերի միջոցով երեխաներին ներկայացրեց ռուս բանաստեղծ և գրող Ալեքսանդր Պուշկինի կյանքը, ստեղծագործությունները և գործունեությունը:

 

Տեղեկացնենք, որ ՄԱԿ-ի որոշմամբ, հունիսի 6-ը ճանաչվել է Ռուսաց լեզվի միջազգային օր, քանի որ հենց այդ օրն է ծնվել ռուս մեծ բանաստեղծ Ալեքսանդր Պուշկինը:

 

Առաջին դասն անցկացվեց հետաքրքիր ձևաչափով, քանի որ այն նվիրված էր Ալ. Պուշկինի ծննդյան 220-ամյակին, նախօրոք պատրաստված էին մեծ գրողի հեքիաթների վերաբերյալ հարցեր, որոնց երեխաները պատասխանեցին: 



Նշենք, որ դասընթացը տևելու է մեկ ամիս՝ մինչև հուլիսի 6-ը:

 

Ավելացնենք, որ ծրագրում որպես կամավորներ ընդգրկված էին նաև դասընթացի նախորդ տարիների մասնակիցները:

 

 

 

 

 

 

 

 

 

 

 

 

 

Այլ նորություններ
ՔՆՆԱՐԿԵԼ ՓԱԽՍՏԱԿԱՆՆԵՐԻ ԻՐԱՎՈՒՆՔՆԵՐԸ ԵՎ ԽԹԱՆԵԼ ԴՐԱՆՑ ՊԱՇՏՊԱՆՈՒԹՅԱՆ ՈԼՈՐՏՈՒՄ ԻՐԱՎԱԿԱՆ ԿՐԹՈՒԹՅԱՆ ԶԱՐԳԱՑՈՒՄԸ. ԵՌՕՐՅԱ ԴՊՐՈՑ՝ ԴԻԼԻՋԱՆՈՒՄ
ԵՊՀ իրավագիտության ֆակուլտետի, ՄԱԿ-ի փախստականների գծով գերագույն հանձնակատարի հայաստանյան գրասենյակի և «Առաքելություն Հայաստան» ՀԿ-ի համատեղ նախաձեռնությամբ հոկտեմբերի 11-13-ը Դիլիջան քաղաքում կազմակերպվել է արդեն ավանդական դարձած «Փախստականների իրավունք» խորագրով 9-րդ դպրոցը:
«ՆՊԱՏԱԿԸ ՏԵՍԱԿԱՆ ԳԻՏԵԼԻՔՆԵՐԸ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ ՎԵՐԱԾԵԼՆ Է»․ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ԱՅՑԸ ԵՐԵՎԱՆԻ «ԱՐԱՐԱՏ» ԿՈՆՅԱԿԻ-ԳԻՆՈՒ-ՕՂՈՒ ԿՈՄԲԻՆԱՏ
Արդեն չորրորդ տարին է, ինչ ԵՊՀ տնտեսագիտության և կառավարման ֆակուլտետի կառավարման և գործարարության ամբիոնը նախաձեռնում է արտալսարանային դասեր, որոնք, տեսական գիտելիքներից բացի, նաև գործնական հմտություններ ձեռքբերելու հնարավորություն են տալիս: Տնտեսագիտության և կառավարման ֆակուլտետի 4-րդ կուրսի ուսանողներն այսօր նմանօրինակ դաս են ունեցել Երևանի «Արարատ» կոնյակի-գինու-օղու կոմբինատում: