28.10.2019 | 
Հասարակություն
ՍԱՄՎԵԼ ԴԻԼԲԱՆԴՅԱՆԸ ԶԵԿՈՒՑՄԱՄԲ ՀԱՆԴԵՍ Է ԵԿԵԼ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆՈՒՄ ՏԵՂԻ ՈՒՆԵՑԱԾ ԳԻՏԱԺՈՂՈՎԻՆ
ՍԱՄՎԵԼ ԴԻԼԲԱՆԴՅԱՆԸ ԶԵԿՈՒՑՄԱՄԲ ՀԱՆԴԵՍ Է ԵԿԵԼ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆՈՒՄ ՏԵՂԻ ՈՒՆԵՑԱԾ ԳԻՏԱԺՈՂՈՎԻՆ
Մոսկվայի պետական համալսարանի իրավագիտության ֆակուլտետում հոկտեմբերի 25-26-ն անցկացվել է «Ռուսական քրեական դատավարության բնույթը և մրցակցության սկզբունքը» խորագրով գիտաժողով, որին զեկուցմամբ հանդես է եկել ԵՊՀ քրեական դատավարության և կրիմինալիստիկայի ամբիոնի վարիչ Սամվել Դիլբանդյանը:

Հանրաճանաչ դատավարագետ, պրոֆեսոր Մ. Ստրոգովիչի 125-ամյակին նվիրված գիտաժողովին Սամվել Դիլբանդյանը ներկայացրել է «Հայաստանի Հանրապետության քրեական դատավարության մինչդատական վարույթի բարեփոխումները» խորագրով զեկուցում:

 

Մեզ հետ զրույցում ԵՊՀ քրեական դատավարության և կրիմինալիստիկայի ամբիոնի վարիչն ասաց, որ գիտաժողովին մասնակցել են ՌԴ քրեական դատավարության իրավունքի հայտնի տեսաբաններ, ինչպես նաև մեծաթիվ օտարերկրյա գիտնականներ:

 

 

«Գիտաժողովի ընթացքում քննարկվել են ժամանակակից քրեական դատավարության իրավունքի առավել արդիական հարցերը, որոնք կարևոր են նաև մեր հայրենական քրեական դատավարության իրավունքի զարգացման համար»,- ասաց Սամվել Դիլբանդյանը:

 

Նրա փոխանցմամբ, իր ներկայացրած զեկուցումն առանձնակի ուշադրության է արժանացել գիտաժողովին, քանի որ մասնակիցները մեծապես հետաքրքրված են եղել ՀՀ քրեական դատավարության նոր օրենսգրքի նախագծի իրավական կարգավորման առանձնահատկություններով:

 

Պատրաստեց Քնար Միսակյանը

Այլ նորություններ
«ՄԱՅՐԵՆԻՆ ՄԵՐ ԱԶԳԱՅԻՆ ԻՆՔՆՈՒԹՅՈՒՆՆ Է, ՄԵՐ ԱՆՁՆԱԳԻՐԸ». ՀԱՄԱԼՍԱՐԱՆԱԿԱՆՆԵՐԸ  ԵՎ «ՇԻՐԱԿԱՑՈՒ ՃԵՄԱՐԱՆԻ» ՍԱՆԵՐԸ  ՏՈՆՈՒՄ ԵՆ ՄԱՅՐԵՆԻԻ  ՕՐԸ
ԵՊՀ մշակույթի կենտրոնի և «Շիրակացու ճեմարան» միջազգային գիտակրթական համալիրի համատեղ ջանքերով այսօր տեղի է ունեցել Մայրենի լեզվի օրվան նվիրված «Մայրենի լեզու, Մայր ճեմարան, Մայր Հայաստան» խորագիրը կրող միջոցառումը:
«ԱՅՍ ՕՐԸ ՀՐԱՇԱԼԻ ԱՌԻԹ ՊԵՏՔ Է ԴԱՌՆԱ, ՈՐ ՄԵՐ ԵՐԻՏԱՍԱՐԴՈՒԹՅՈՒՆԸ ՀԱՍԿԱՆԱ՝ ԳՐԱԿԱՆ  ՀԱՅԵՐԵՆՈՎ, ԳԵՂԵՑԻԿ ՀԱՅԵՐԵՆՈՎ ՈՒ ՀԱՅԿԱԿԱՆ ՀԱՅԵՐԵՆՈՎ ԽՈՍԵԼԸ ՆՈՐԱՈՃ Է». ԱՅՍՕՐ ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐՆ Է
Մայրենի լեզվի միջազգային օրն ընդունվել է ՅՈՒՆԵՍԿՕ-ի գլխավոր համաժողովի 30-րդ նստաշրջանի որոշումով 1999 թվականի նոյեմբերին, և 2000 թվականից սկսած՝ փետրվարի 21-ը նշվում է որպես մայրենի լեզուների իրավունքների ճանաչման և գործածության աջակցման օր։ Մայրենի լեզվի միջազգային օրը 2005 թվականից նշվում է նաև Հայաստանում: