10.01.2022 | 
Կրթություն
ԵՊՀ-ՈՒՄ ՄԵԿՆԱՐԿԵԼ Է «ՀՀ ԱՆՎՏԱՆԳՈՒԹՅԱՆ ՀԻՄՆԱԽՆԴԻՐՆԵՐԸ» ԽՈՐԱԳՐՈՎ ԳԻՏԱԿԱՆ ԴԱՍԱԽՈՍՈՒԹՅՈՒՆՆԵՐԻ ՇԱՐՔ
ԵՊՀ-ՈՒՄ ՄԵԿՆԱՐԿԵԼ Է «ՀՀ ԱՆՎՏԱՆԳՈՒԹՅԱՆ ՀԻՄՆԱԽՆԴԻՐՆԵՐԸ» ԽՈՐԱԳՐՈՎ ԳԻՏԱԿԱՆ ԴԱՍԱԽՈՍՈՒԹՅՈՒՆՆԵՐԻ ՇԱՐՔ
ԵՊՀ տնտեսագիտության և կառավարման ֆակուլտետի սահմանադրական տնտեսագիտության գիտավերլուծական կենտրոնը սկսում է «ՀՀ անվտանգության հիմնախնդիրները» խորագրով գիտական դասախոսությունների շարք:

ԵՊՀ 6-րդ մասնաշենքի դահլիճում Տնտեսագիտության և կառավարման ֆակուլտետի նախաձեռնությամբ տեղի է ունեցել «ՀՀ անվտանգության հիմնախնդրի ձևակերպման սկզբունքները» խորագրով առաջին դասախոսությունը։

 

Գիտական դասախոսության հիմնական զեկուցողը ԵՊՀ տնտեսագիտության և կառավարման ֆակուլտետի դեկան, պրոֆեսոր Հայկ Սարգսյանն էր, որի կողմից զեկուցվող թեմայի շրջանակում քննարկվելիք թեզերն ու հարցերը վերաբերում էին անվտանգության կոորդինատների համակարգին, միջգիտակարգային բնույթին, «կարմիր գծեր» հասկացությանը, անվտանգության հիմնախնդրի ուսումնասիրվածության աստիճանին ու գոյություն ունեցող ցուցիչներին, անվտանգության մոդելավորման մեթոդաբանությանը, անվտանգության երաշխավորման ու գործարկման հայեցակարգային դրույթների վերաբերյալ առաջարկությունների մշակմանը և այլն։

 

 

«Այսօր ազգային անվտանգության հիմնախնդիրների շուրջ ծավալվող քննարկումներն առավել քան արդիական են: Տվյալ հարցերի վերաբերյալ քննարկումներ կազմակերպելը պահանջում է և՛ քաղաքացիական, և՛ գիտական քաջություն: Կարծում եմ, որ հիմնախնդիրը միջգիտակարգային բնույթ ունի, քանի որ ազգային անվտանգությունը շոշափում է բոլոր ոլորտները: Այդ իսկ պատճառով այսօրինակ սեմինարները համախմբում են տարբեր ոլորտների փորձագետների, որոնք փորձելու են բարձրացնել մի շարք մոդուլային խնդիրներ»,- ողջույնի խոսքում նշեց Հայկ Սարգսյանը և հավելեց, որ նմանաբնույթ դասախոսությունները շարունակական բնույթ են կրելու:

 

Բանախոսն ասաց նաև, որ գիտական բանավեճերի միջոցով հնարավոր է դրական արդյունք ունենալ․ «Այսօրվա զեկուցման առանցքը լինելու է պաշտպանական և դիվանագիտական անվտանգությունը, քանի որ մոդելավորման հարցն առաջնային է մեզ համար»:

 

Զեկուցումից հետո դեկանը պատասխանեց միջոցառման մասնակիցների հարցերին, այնուհետև մասնակիցների միջև քննարկում ծավալվեց:

 

Հավելենք, որ դասախոսությանը մասնակցում էին Տնտեսագիտության և կառավարման ֆակուլտետի պրոֆեսորադասախոսական կազմի ներկայացուցիչներ, ոլորտի փորձագետներ, ուսանողներ, հրավիրված հյուրեր:

Այլ նորություններ
ՄԵՏԱՂ ՊԱՐՈՒՆԱԿՈՂ ՄԻԱՑՈՒԹՅՈՒՆՆԵՐԻ ԱԶԴԵՑՈՒԹՅՈՒՆԸ ԴՆԹ-Ի ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐԻ ՎՐԱ ԷԼԵԿՐՈՆԱՅԻՆ ՓՆՋՈՎ ՃԱՌԱՅԹԱՀԱՐՄԱՆ ԴԵՊՔՈՒՄ. ԳԻՏԱԿԱՆ ԹԵՄԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Մետաղ պարունակող միացությունների ազդեցությունը ԴՆԹ-ի կառուցվածքային փոփոխությունների վրա էլեկտրոնային փնջով ճառայթահարման դեպքում» գիտական թեման: Այն ներկայացրել է ԵՊՀ ֆիզիկայի ֆակուլտետի՝ մոլեկուլային ֆիզիկայի ամբիոնը: Թեմայի մասին զրուցել ենք աշխատանքային խմբի ղեկավար, ֆիզմաթ. գիտ. թեկն․ Լուսինե Ալոյանի հետ:
ԵՊՀ ՊԱՏՄՈՒԹՅԱՆ ՖԱԿՈՒԼՏԵՏՈՒՄ ԱՆՑԿԱՑՎԵՑ ՄԻՋԱԶԳԱՅԻՆ ԳԻՏԱԺՈՂՈՎ
ԵՊՀ պատմության և աստվածաբանության ֆակուլտետների կազմակերպած «Մեծ հաղթանակը և պատմության նենգափոխումները» խորագրով միջազգային գիտաժողովին մասնակցում էին դիվանագիտական ոլորտի բազում աշխատակիցներ, ինչպես նաև գիտական հանրույթի այլ ներկայացուցիչներ ինչպես ՀՀ-ից, այնպես էլ արտերկրից: