13.12.2016 | 
Գիտություն
ԵՐԻՏԱՍԱՐԴ ԳԻՏՆԱԿԱՆՆԵՐԸ ՆԵՐԿԱՅԱՑՐԻՆ ԻՐԵՆՑ ԱՇԽԱՏԱՆՔՆԵՐԸ
ԵՐԻՏԱՍԱՐԴ ԳԻՏՆԱԿԱՆՆԵՐԸ ՆԵՐԿԱՅԱՑՐԻՆ ԻՐԵՆՑ ԱՇԽԱՏԱՆՔՆԵՐԸ
Այսօր մեկնարկեց իրավագետ ասպիրանտների և հայցորդների տարեկան գիտական նստաշրջանը:

ԵՊՀ իրավագիտության ֆակուլտետի դատական նիստերի դահլիճում ֆակուլտետի դեկան Գագիկ Ղազինյանը ողջունեց նստաշրջանի մասնակիցներին և ընդգծեց, որ ամենամյա բնույթ կրող միջոցառումը, որը յուրօրինակ հաշվետվություն է իրականացրած գիտական հետազոտությունների վերաբերյալ, կարևոր է երիտասարդ գիտնականների համար:

 

«Նմանաբնույթ միջոցառումները ոչ միայն ավանդական բնույթ են կրում, այլև, կարծես, ամփոփում են ուսումնական տարին: Գիտական նստաշրջանի ընթացքում երիտասարդ հետազոտողը լսարանի առջև ելույթ ունենալու և իր խոսքը ճիշտ կառուցելու հնարավորություն է ստանում, ինչը լավ փորձառություն է ատենախոսությունը պաշտպանելուց առաջ»,- նշեց Գագիկ Ղազինյանը և հավելեց, որ ամփոփիչ գիտական նստաշրջաններ են կազմակերպվում նաև ուսանողների և պրոֆեսորադասախոսական կազմի ներկայացուցիչների համար:

 

Դեկանը նշեց նաև, որ ֆակուտետի ղեկավարությունը շուրջ 42 հայտ է ստացել ասպիրանտներից ու հայցորդներից, սակայն լսարանի առջև ելույթ ունենալու հնարավորություն ստացել են միայն 22-ը:

 

«Բնականաբար, բոլորը չէին կարող ելույթ ունենալ մեկ գիտական նստաշրջանի ընթացքում, սակայն գիտական բոլոր զեկուցումները, որոնք հետագայում հոդվածների տեսք են ստանալու, կտպագրվեն ԵՊՀ գիտխորհրդի միջնորդությամբ ԲՈՀ-ում որպես գիտական նյութերի ժողովածու գրանցված գրքում»,- ասաց Գագիկ Ղազինյանը:

 

Ներֆակուլտետային բնույթ կրող երկօրյա նստաշրջանի ընթացքում իրենց ուսումնասիրությունները կներկայացնեն շուրջ 22 ասպիրանտներ ու հայցորդներ:  

Այլ նորություններ
ՀԱՅՈՑ ԼԵԶՎԻՆ ՆՎԻՐՎԱԾ ՄԻՋՈՑԱՌՈՒՄ՝ ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ
Այսօր ԵՊՀ հայ բանասիրության ֆակուլտետում տեղի ունեցավ «Հայոց լեզու. Մաշտոցից մինչև մեր օրերը» խորագրով միջոցառում, որի ընթացքում Համազգային հայ կրթական և մշակութային միության (ՀՀԿՄՄ) նախաձեռնությամբ լավագույն ուսանողներին Հակոբ Կարապենցի անվան կրթաթոշակ հանձնվեց:
ԵՊՀ ՊՐՈՌԵԿՏՈՐ ԳԵՂԱՄ ԳԵՎՈՐԳՅԱՆԸ ԵՎ ԴԱՍԱԽՈՍ ԿԱՐԵՆ ՔԵՌՅԱՆՆ ԱՐԺԱՆԱՑԵԼ ԵՆ ՆԱԽԱԳԱՀԻ ՄՐՑԱՆԱԿԻ
ԵՊՀ գիտական քաղաքականության գծով պրոռեկտոր Գեղամ Գևորգյանը և Մաթեմատիկայի և մեխանիկայի ֆակուլտետի դասախոս Կարեն Քեռյանը «Որոշ օրթոգոնալ շարքերի զուգամիտության և միակության հարցեր» գիտական հոդվածների շարքի համար արժանացել են ՀՀ նախագահի մրցանակի: