17.11.2017 | 
Ուսանողական
ՏՈՆԱԿԱՆ ՀԱՄԵՐԳԸ` ԲԱՐՁՐ ՏՐԱՄԱԴՐՈՒԹՅԱՆ ԵՐԱՇԽԻՔ
ՏՈՆԱԿԱՆ ՀԱՄԵՐԳԸ` ԲԱՐՁՐ ՏՐԱՄԱԴՐՈՒԹՅԱՆ ԵՐԱՇԽԻՔ
Ուսանողների միջազգային օրը Մայր բուհում ամփոփվեց երգչուհի Սոնա Ռուբենյանի և հաղորդավար, հումորիստ, երաժիշտ Գարիկ Պապոյանի համերգային ծրագրով:

Ինչպես ամեն տարի, այս տարի նույնպես ԵՊՀ-ում մեծ ոգևորությամբ նշվեց Ուսանողների միջազգային օրը: Դեռևս առավոտյան Մայր բուհում իրականացվեց «Համալսարանը ղեկավարում են ուսանողները» կամ «Ուսանողական ռեկտորատ» ծրագիրը, որի ժամանակ մի խումբ ուսանողներ զբաղեցրել էին ԵՊՀ ռեկտորի, պրոռեկտորների, ֆակուլտետի դեկանների և վարչության պետերի դերերը:



Իսկ արդեն երեկոյան ԵՊՀ ՈՒԽ մշակույթի հանձնաժողովի կողմից կազմակերպվել էր տոնական համերգ, որի ընթացքում Սոնա Ռուբենյանը և Գարիկ Պապոյանն արդեն ճանաչված և սիրված երգերով ապահովեցին ուսանողների տոնական ու բարձր տրամադրությունը:

Միջոցառման սկզբում ԵՊՀ ՈՒԽ նախագահ Արմեն Խաչիկյանը, շնորհավորելով բոլոր ուսանողներին, նշեց որ ուսանողական տարիներն անփոխարինելի են. «Սա լավագույն ժամանակաշրջանն է զարգանալու, ձևավորելու քաղաքացիական գիտակցություն և հասարակության մեջ գտնելու ձեր արժանի տեղը»:




Գևորգ Արշակյանն էլ, ով այսօր ժամանակավորապես ստանձնել էր ԵՊՀ ռեկտորի պարտականությունները, ասաց, որ այսօր ամենակարևոր տոներից մեկն է. «Ուսանող լինելը պարտականություն է, ուսանողը կոչում է, որն իրենից ենթադրում է խիզախություն, պատասխանատվություն և, ինչու չէ, արկածախնդրություն: Ուսանողական տարիներից քաղե՛ք առավելագույնը»:

Այլ նորություններ
ԵՊՀ ՄԱՐԶԱՀԱՄԱԼԻՐԻ ՎԵՐԱՆՈՐՈԳՈՒՄՆ ԱՎԵԼԱՑՐԵԼ Է ՈՒՍԱՆՈՂՆԵՐԻ ՆԵՐԳՐԱՎՎԱԾՈՒԹՅՈՒՆԸ ՖԻԶԴԱՍՏԻԱՐԱԿՈՒԹՅԱՆ ԴԱՍԱԺԱՄԵՐԻՆ
ԵՊՀ ֆիզիկական դաստիարակության և սպորտի ամբիոնի վերակառուցված մարզահամալիրը շահագործման հանձնվեց 2016 թ.-ի դեկտեմբերին: Շահագործումից հետո այն հանդես եկավ նոր որակով, նոր չափորոշիչներով: Մարզահամալիրի բաղկացուցիչ մասն է ժայռամագլցման հատուկ պատը, որը եզակի է տարածաշրջանում: ԵՊՀ ֆիզդաստիարակության ամբիոնի և «Ապառաժ» ակումբի հիմնադիր նախագահ Սուրեն Սեպանյանի ջանքերի շնորհիվ ավելի քան հիսուն տարվա ընդմիջումից հետո անցկացվեց Հայաստանի ժայռամագլցման առաջնությունը, որին մասնակցեցին նաև համալասարանականները: Բոլորովին վերջերս մարզահամալիրը դարձավ սուսերամարտի եվրոպական առաջնության «թատերաբեմ»:
ԵՊՀ ՈՒՍԱՆՈՂՈՒՀԻՆ «PETRI SOFIA» ԱՄԵՆԱՄՅԱ ՄԻՋԱԶԳԱՅԻՆ ԴՊՐՈՑՈՒՄ ՆԵՐԿԱՅԱՑՐԵԼ Է ՀԱՅԱՍՏԱՆԸ
ԵՊՀ իրավագիտության ֆակուլտետի ուսանողուհի Մարիա Պետրոսյանը մասնակցել է «PETRI Sofia»-ի կողմից կազմակերպված ամենամյա միջազգային դպրոցին, որն անցկացվել է ապրիլի 18-24-ը Բուլղարիայի մայրաքաղաք Սոֆիայում: Մարիան մեզ հետ զրույցում պատմեց իր տպավորությունների և ձեռքբերումների մասին: