12.02.2018 | 
Հասարակություն
ԵՊՀ-Ի ԳՈՐԾԸՆԿԵՐ ԹԲԻԼԻՍԻԻ ՊԵՏԱԿԱՆ ՀԱՄԱԼՍԱՐԱՆԸ 100 ՏԱՐԵԿԱՆ Է
ԵՊՀ-Ի ԳՈՐԾԸՆԿԵՐ ԹԲԻԼԻՍԻԻ ՊԵՏԱԿԱՆ ՀԱՄԱԼՍԱՐԱՆԸ 100 ՏԱՐԵԿԱՆ Է
Համալսարանի 100-ամյակին նվիրված տոնակատարություններին մասնակցել է նաև ԵՊՀ պատվիրակությունը՝ ի դեմս ռեկտոր Արամ Սիմոնյանի:

ԵՊՀ պատվիրակության կազմում էին ուսումնական աշխատանքների գծով պրոռեկտոր Ալեքսանդր Գրիգորյանը, Միջազգային համագործակցության վարչության պետ Ալեքսանդր Մարգարովը:

 

Թբիլիսիի պետական համալսարանը (ԹՊՀ) հիմնադրվել է 1918 թվականին վրացի պատմաբան Իվանե Ջավախիշվիլու և նրա հետևորդների ջանքերով։

 

ԹՊՀ-ի 100-ամյակին նվիրված միջոցառումների շարքը մեկնարկել է փետրվարի 7-ին: Այդ օրը՝ առավոտյան, Վրաստանի նախագահ Գիորգիո Մարգվելաշվիլին հյուրընկալել է հոբելյանական տոնակատարությունների մասնակից բոլոր հյուրերին: Երեկոյան տեղի է ունեցել ԹՊՀ «ART»-ի և պետական կոնսերվատորիայի միասնական տոնական համերգը:

 

Փետրվարի 8-ին անցկացվել է տոնական հանդիպում, որին մասնակցել են ոչ միայն երկրի կարևոր դեմքերը, այլև պատվիրակություններ ավելի քան 50 առաջատար համալսարաններից: Այդ օրը հյուրերին ընդունել է նաև Վրաստանի Ազգային ժողովի ողջ կազմը՝ նախագահ Իրակլի Կոբախիձեի գլխավորությամբ: Նույն օրը մատուցվել է պատարագ Թբիլիսիի գլխավոր Սուրբ Երրորդություն մայր տաճարում: Փետրվարի 8-ի երեկոյան ընդունելություն-ընթրիք է կազմակերպել երկրի վարչապետ Գիորգի Կվիրիկաշվիլին:

 

Փետրվարի 9-ին տեղի է ունեցել «Բարձրագույն կրթության հեռանկար` անցյալի վերարժևորում և մտքեր ապագայի վերաբերյալ» խորագրով համաժողով, ինչպես նաև ԹՊՀ պատվարժան դոկտորի կոչման հանձնման և համալսարանի մեդալով պարգևատրելու արարողություն: Այդ օրը երեկոյան պատվիրակություններին ընդունել է նաև Թբիլիսիի քաղաքապետ Կախա Կալաձեն:

 

«Իր պատմության ընթացքում Թբիլիսիի պետական համալսարանը դարձել է գիտական կարևոր կենտրոն, որն ահռելի ազդեցություն ունի երկրի գիտական կյանքի վրա: Այժմ ԹՊՀ-ն նշանակալի և ժամանակակից համալսարան է, որտեղ բազմակողմանի զարգացման գործընթացը, ինչպես նաև որակյալ մասնագետների վերապատրաստումը նպաստում են կրթության ընդլայնմանն ու գիտության ինտեգրմանը: ԹՊՀ-ն հայտնի, հեղինակավոր և դինամիկ զարգացող համալսարաններից մեկն է»,- իր ելույթում նշել է ԵՊՀ ռեկտոր Արամ Սիմոնյանը:

Այլ նորություններ
ԵՊՀ-ՈՒՄ ՆԵՐԿԱՅԱՑՎԵՑ «ՀԱՅԱՍՏԱՆԻ «ԿԱՆԱՉ» ԱՇԽԱՏԱՇՈՒԿԱՅԻ ԳՆԱՀԱՏՄԱՆ» ՀԱՇՎԵՏՎՈՒԹՅՈՒՆԸ
ԵՊՀ-ում այսօր ծավալվեց քննարկում «Ջի Այ Զեթ» ընկերություն կողմից ներկայացված «Հայաստանի «կանաչ» աշխատաշուկայի» հաշվետվության շուրջ։
ՍՈՑՑԱՆՑԵՐՈՒՄ ԿԵՂԾ ՆՈՐՈՒԹՅՈՒՆՆԵՐԻ ՏԱՐԱԾՈՒՄՆ ՈՒՍՈՒՄՆԱՍԻՐՈՒՄ ԵՆ ՄԱՍԱՉՈՒՍԵԹՍԻ ՏԵԽՆՈԼՈԳԻԱԿԱՆ ԻՆՍՏԻՏՈՒՏՈՒՄ
Մասաչուսեթսի տեխնոլոգիական ինստիտուտի (MIT) հետազոտողները փորձել են հասկանալ կեղծ լուրերի տարածման ծավալները և դրդապատճառները: Ավարտից հետո մարտին հանրայնացվել է նրանց հետազոտությունը: