13.11.2018 | 
Ուսանողական, Հասարակություն
ՍՈՑԻՈԼՈԳԻԱՅԻ ՖԱԿՈՒԼՏԵՏԸ ՆՇԵՑ ՀԻՄՆԱԴՐՄԱՆ 14-ԱՄՅԱԿԸ ԵՐԻՏԱՍԱՐԴԱԿԱՆ ԳԻՏԱԺՈՂՈՎՈՎ
ՍՈՑԻՈԼՈԳԻԱՅԻ ՖԱԿՈՒԼՏԵՏԸ ՆՇԵՑ ՀԻՄՆԱԴՐՄԱՆ 14-ԱՄՅԱԿԸ ԵՐԻՏԱՍԱՐԴԱԿԱՆ ԳԻՏԱԺՈՂՈՎՈՎ
ԵՊՀ սոցիոլոգիայի ֆակուլտետի ուսանողական գիտական ընկերությունը «ISTC - Innovative Solutions and Technologies Center»-ում այսօր կազմակերպել էր ամենամյա երիտասարդական գիտաժողով՝ նվիրված ֆակուլտետի հիմնադրման 14-ամյակին:

Գիտաժողովի մեկնարկը հայտարարեց ֆակուլտետի ՈՒԳԸ նախագահ Շուշաննա Հարությունյանը՝ շնորհավորելով ֆակուլտետի 14-ամյակն ու հույս հայտնելով, որ գիտաժողովը դառնալու է մասնագիտական քննարկման ու համագործակցության հարթակ երիտասարդ հետազոտողների համար:

Նա նշեց, որ գիտաժողովը երիտասարդ հետազոտողներին հնարավորություն է տալիս ակադեմիական լսարանին ներկայացնելու իրենց հետազոտական աշխատանքի արդյունքները, զարգացնելու գիտական աշխատանք կատարելու հմտությունները:

Շուշաննա Հարությունյանը նշեց նաև, որ այս տարի գրանցվել է 32 զեկուցող: Այս տարի նախատեսվում են մի շարք մրցանակներ ամբիոնների և Սոցիալական աշխատանքի ասոցիացիայի կողմից, ինչպես նաև սահմանվում է ֆակուլտետի մրցանակ, որին արժանանալու է մասնագիտական հանձնաժողովի կողմից ընտրված զեկուցողը:

Ներկաներին ողջունեց և արգասաբեր աշխատանք մաղթեց Սոցիոլոգիայի ֆակուլտետի դեկան Արթուր Մկրտիչյանը՝ նշելով, որ որոշվել է ֆակուլտետի 14-ամյակը ավելի համեստ նշել՝ նախապատրաստվելով հաջորդ տարի ԵՊՀ 100-ամյակի շրջանակում Սոցիոլոգիայի ֆակուլտետի հիմնադրման 15-ամյակը նշելուն:

Գիտաժողովին զեկուցումներ ներկայացրին ուսանողներ ԵՊՀ-ից, ՎՊՀ-ից, ԿՈՒ Լյովեն համալսարանից, Բելգիայից: Ներկաների թվում էին ֆակուլտետի պրոֆեսորադասախոսական կազմի ներկայացուցիչներ, ուսանողներ, ասպիրանտներ, սոցիոլոգիայով հետաքրքրված երիտասարդներ:

Գիտաժողովի հիմնական ուղղություններն են սոցիոլոգիան, սոցիալական աշխատանքը, կոնֆլիկտաբանությունը, հասարակայնության հետ կապերը, մարդկային ռեսուրսների կառավարումը:

Ֆակուլտետի մրցանակին արժանացած զեկուցողի անունը հայտարարվելու է վաղը:

Մարի Ռաֆյան

Այլ նորություններ
ԵՊՀ ՀՈԳԵԲԱՆՈՒԹՅԱՆ ՄԱՍՆԱԳԻՏԱԿԱՆ ԽՈՐՀՈՒՐԴՆ ԱՆՑԿԱՑՆԵԼՈՒ Է ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅՈՒՆՆԵՐԻ ՊԱՇՏՊԱՆՈՒԹՅՈՒՆՆԵՐ
Այս տարի Երևանի պետական համալսարանի փիլիսոփայության և հոգեբանության ֆակուլտետը դիմել է ՀՀ բարձրագույն որակավորման կոմիտե և ստացել թույլտվություն հոգեբանության մասնագիտական խորհուրդ ձևավորել և անցկացնել թեկնածուական ատենախոսությունների պաշտպանություններ ԺԹ.00.01 մասնագիտությամբ:
«#ԱՐԻ՛ PR». «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳԻՐՆ ԱՅՍ ՏԱՐԻ ՆԵՐԿԱՅԱՑՎԵԼ Է «ZOOM» ՀԱՐԹԱԿՈՒՄ
Տեղի է ունեցել «#Արի՛ PR». «Հասարակայնության հետ կապեր (PR)» մագիստրոսական ծրագիրը ներկայացնելու նպատակով կազմակերպված ամենամյա հանդիպումը: Այս տարի «արտակարգ» հանդիպման շրջանակում «Zoom» հարթակում հավաքվել են ծրագրի դասախոսները, շրջանավարտները, ուսանողներն ու ծրագրով հետաքրքրվող ապագա դիմորդներն ինչպես ԵՊՀ սոցիոլոգիայի, այնպես էլ այլ ֆակուլտետներից և բուհերից: