01.10.2021 | 
Հասարակություն
«ՄԱՆԿԱՎԱՐԺԸ ՄԱՐԴԿԱՅԻՆ ՀՈԳՈՒ ՃԱՐՏԱՐԱՊԵՏՆ Է». ՀՈԿՏԵՄԲԵՐԻ 2-ԻՆ ՆՇՎՈՒՄ Է ՍՈՑԻԱԼԱԿԱՆ ՄԱՆԿԱՎԱՐԺԻ ՄԻՋԱԶԳԱՅԻՆ ՕՐԸ
«ՄԱՆԿԱՎԱՐԺԸ ՄԱՐԴԿԱՅԻՆ ՀՈԳՈՒ ՃԱՐՏԱՐԱՊԵՏՆ Է». ՀՈԿՏԵՄԲԵՐԻ 2-ԻՆ ՆՇՎՈՒՄ Է ՍՈՑԻԱԼԱԿԱՆ ՄԱՆԿԱՎԱՐԺԻ ՄԻՋԱԶԳԱՅԻՆ ՕՐԸ
Ամեն տարի՝ հոկտեմբերի 2-ին, ԵՊՀ մանկավարժության և կրթության զարգացման կենտրոնը նշում է Սոցիալական մանկավարժի միջազգային օրը, որն աշխարհում նշվում է 2009 թվականից՝ համաձայն Կոպենհագենում տեղի ունեցած սոցիալական մանկավարժների 17-րդ համագումարում մասնակից 44 երկրների կողմից միաձայն ընդունված որոշման: Այս տարի մասնագիտական տոնը կենտրոնում նշել են այսօր:

Աշխարհի գրեթե բոլոր անկյուններում ամեն տարի այս օրն իրականացվում են բազմապիսի միջոցառումներ՝ նվիրված սոցիալական մանկավարժության արդի հիմնախնդիրներին:

 

2010-11 թթ. ուստարվանից ԵՊՀ մանկավարժության ամբիոնի նախաձեռնությամբ բացված «Սոցիալական մանկավարժություն» բակալավրիատի կրթական ծրագրի ուսանողները ևս անմասն չեն մնում մասնագիտական օրը նշելուց: Ուսանողները կազմակերպում և իրականացնում են հանդիսավոր միջոցառումներ, հանդես գալիս սոցիալական մանկավարժի մասնագիտությանը վերաբերող զեկուցումներով:  Խորհրդանշական օրը տեղի է ունենում «Սոցիալական մանկավարժություն» կրթական ծրագրի առաջինկուրսեցիների երդման արարողությունը:

 

Այսօր տեղի ունեցած միջոցառմանը ողջույնի խոսքով հանդես եկավ Մանկավարժության և կրթության զարգացման կենտրոնի տնօրեն Նազիկ Հարությունյանը: Նրա խոսքով, հանրակրթական դպրոցներում, ընտանիքներում երեխաների առջև ծառացած են տարաբնույթ խնդիրներ, որոնց լուծման համար անհրաժեշտ են նվիրյալ սոցիալական մանկավարժներ: Նա բացատրեց ապագա մասնագետներին, թե որոնք են լինելու նրանց մասնագիտական առաքելությունն ու կոչումը:

 

 

Այնուհետև տեղի ունեցավ առաջինկուրսեցիների երդման արարողությունը: Ապագա մասնագետները երդվեցին լինել արհեստավարժ մանկավարժներ, նվիրյալ, աջակցող և սրտացավ մասնագետներ, օգտակար լինել երեխաների տարաբնույթ խնդիրների լուծման գործում, լինել համբերատար, հանդուրժող և պաշտպանել երեխաների իրավունքները:

 

Երդման արարողությունից հետո չորրորդ կուրսի ուսանողներն առաջինկուրսեցիներին նվիրեցին խորհրդանշական կրծքանշաններ և վզկապներ:

 

Միջոցառման երկրորդ մասում արդեն ուսանողները 3 խմբային ելույթներով ներկայացրին սոցիալական մանկավարժի մասնագիտության առանձնահատկությունները՝ ցույց տալով տեսանյութեր, որոնք ավելի պատկերավոր դարձրին սոցիալական մանկավարժի առաքելությունը:

 

Քնար Միսակյան

Այլ նորություններ
ԵՊՀ-ԳՈՐԾԱՐԱՐ ԱՇԽԱՐՀ ԿԱՊՆ ԱՄՐԱՊՆԴՎՈՒՄ Է․ ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ԵՊՀ ռեկտոր Հովհաննես Հովհաննիսյանն այսօր «Երեմյան Փրոջեքթս» ընկերության գլխավոր տնօրեն Դավիթ Երեմյանին հանձնել է շնորհակալագիր՝ ԵՊՀ-ում տեղի ունեցած «Կիրառական քիմիա. էքսպո 2022» միջոցառումը կազմակերպելու գործում ունեցած ներդրման և աջակցության համար։ Հ. Հովհաննիսյանը և Դ. Երեմյանն այսօր նաև ստորագրել են համագործակցության հուշագիր՝ իրավաբանորեն ամրագրելով երկու կառույցների միջև առկա համագործակցությունը։
ԵՊՀ-Ն ԼԱՎԱԳՈՒՅՆ ԱՐԺԵՔՆԵՐԻ ԵՎ ԱՎԱՆԴՈՒՅԹՆԵՐԻ ՍՏԵՂԾՈՂ Է․ ՏԵՂԻ ՈՒՆԵՑԱՎ ԵՊՀ ՇՐՋԱՆԱՎԱՐՏՆԵՐԻ ԱՎԱՐՏԱԿԱՆ ՀԱՆԴԻՍԱՎՈՐ ՄԻՋՈՑԱՌՈՒՄԸ
Մայր բուհի պատմության մեջ առաջին անգամ Ա. Սպենդիարյանի անվան օպերայի և բալետի ազգային ակադեմիական թատրոնի համերգասրահում տեղի ունեցավ ԵՊՀ շրջանավարտների ավարտական հանդիսավոր միջոցառումը, որի ընթացքում գիտական աստիճան ստացած շրջանավարտներին հանձնվեցին վկայագրեր։