12.11.2019 | 
Հասարակություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՊԱՏՎԻՐԱԿՈՒԹՅՈՒՆՆ ԱՐՑԱԽՈՒՄ ՄԱՍՆԱԿՑԵԼ Է ՄԻ ՇԱՐՔ ՄԻՋՈՑԱՌՈՒՄՆԵՐԻ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՊԱՏՎԻՐԱԿՈՒԹՅՈՒՆՆ ԱՐՑԱԽՈՒՄ ՄԱՍՆԱԿՑԵԼ Է ՄԻ ՇԱՐՔ ՄԻՋՈՑԱՌՈՒՄՆԵՐԻ
Արցախի պետական համալսարանի հրավերով նոյեմբերի 4-8-ը ԵՊՀ իրավագիտության ֆակուլտետի պրոֆեսորադասախոսական կազմի ներկայացուցիչներից կազմված պատվիրակությունն այցելել է Ստեփանակերտ:

Իրավագիտության ֆակուլտետի պատվիրակության կազմում ընդգրկված էին ֆակուլտետի դեկան Գագիկ Ղազինյանը, Պետության և իրավունքի տեսության և պատմության ամբիոնի վարիչ Արթուր Վաղարշյանը, Քրեական դատավարության և կրիմինալիստիկայի ամբիոնի վարիչ Սամվել Դիլբանդյանը, Քրեական իրավունքի ամբիոնի վարիչ Արա Գաբուզյանը, Եվրոպական և միջազգային իրավունքի ամբիոնի դոցենտ, Եվրոպական ուսումնասիրությունների կենտրոնի տնօրեն Արթուր Ղազինյանն ու Քաղաքացիական դատավարության ամբիոնի ասիստենտ Տիգրան Խաչիկյանը:

 

Այցի ընթացքում ֆակուլտետի դասախոսներն Արցախի պետական համալսարանում հանդես են եկել դասախոսություններով՝ ներկայացնելով պետության և իրավունքի տեսության, քրեական ու քրեադատավարական հիմնախնդիրները, քաղաքացիական և վարչական դատավարության արդի իրավակարգավորումները, ինչպես նաև եվրոպական և միջազգային իրավունքի զարգացման ժամանակակից միտումներին առնչվող հրատապ հիմնահարցերը, ներառյալ`դրանց վերաբերող իրավակիրառ պրակտիկայում առկա միտումները և հեռանկարները:

 

 

Ի դեպ, Արցախի պետական համալսարանի իրավունքի ամբիոնի կազմավորման տասնամյակի կապակցությամբ Գագիկ Ղազինյանն ամբիոնի վարիչ Ռիտա Առուստամյանին պատվոգիր է հանձնել:

 

 

Իրավագիտության ֆակուլտետի պատվիրակության այցի նպատակներից մեկն էլ նոյեմբերի 3-5-ն Արցախի պետական համալսարանի 50-ամյակին նվիրված ուսանողական միջազգային գիտաժողովի անցկացումն էր, որի ընթացքում Գագիկ Ղազինյանը հանդես է եկել ողջույնի խոսքով:

 

 

Արցախի պետական համալսարանի ուսանողների և դասախոսների ցանկությամբ ու առաջարկով այցելության ընթացքում Արթուր Ղազինյանը հանդես է եկել Արցախյան հիմնահարցի կարգավորման իրավաքաղաքական ասպեկտներին վերաբերող զեկուցմամբ՝ ներկայացնելով նշված հիմնսախնդրի առնչությամբ առկա այժմեական իրավիճակը և նախանշելով հնարավոր հեռանկարների իրավական ու քաղաքական բաղադրիչները:

 

 

 

Պատրաստեց Քնար Միսակյանը

Այլ նորություններ
«ՀԱՅԱՍՏԱՆԸ, ԸՆԴԱՄԵՆԸ ՄԻ ՔԱՆԻ ՏԱՐԻ ԱՌԱՋ ՉԸՆԿԱԼՎԵԼՈՎ ԺՈՂՈՎՐԴԱՎԱՐ ՊԵՏՈՒԹՅՈՒՆ, ԱՅԺՄ ԸՆԿԱԼՎՈՒՄ Է». ՀԱՆԴԻՊՈՒՄ-ՔՆՆԱՐԿՈՒՄ ԵՊՀ-ՈՒՄ
ԱԺ պատգամավոր, ԵՊՀ հոգաբարձուների խորհրդի անդամ Համազասպ Դանիելյանի նախաձեռնությամբ ԵՊՀ-ում այսօր հյուրընկալվել են «International IDEA» կազմակերպության ներկայացուցիչներ Փիթեր Վոլֆը և Նանա Կալանդաձեն, որոնք ներկայացրել են «The global state of democracy 2019» զեկույցի հիմնական դրույթները և դրանում Հայաստանին վերաբերող անդրադարձները:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ի ՀԱՅՏԱՐԱՐՈՒԹՅՈՒՆԸ՝ ԱԱԾ ԱՅՍՕՐՎԱ ՀԱՂՈՐԴԱԳՐՈՒԹՅԱՆ ՎԵՐԱԲԵՐՅԱԼ
ԵՊՀ իրավագիտության ֆակուլտետի ուսանողական խորհուրդն իր մտահոգությունն է հայտնում այսօր ԱԱԾ-ի կողմից տարածված հաղորդագրության վերաբերյալ։