15.06.2020 | 
Քաղաքականություն
ԱՄՓՈՓՎԵԼ ԵՆ ՀՈԳԱԲԱՐՁՈՒՆԵՐԻ ԽՈՐՀՐԴԻ՝ ՀԱՄԱԼՍԱՐԱՆԱԿԱՆ ԱՆԴԱՄՆԵՐԻ ՔՎԵԱՐԿՈՒԹՅԱՆ ԱՐԴՅՈՒՆՔՆԵՐԸ. ՏԵՂԻ ԿՈՒՆԵՆԱ ԵՐԿՐՈՐԴ ՓՈՒԼ
ԱՄՓՈՓՎԵԼ ԵՆ ՀՈԳԱԲԱՐՁՈՒՆԵՐԻ ԽՈՐՀՐԴԻ՝ ՀԱՄԱԼՍԱՐԱՆԱԿԱՆ ԱՆԴԱՄՆԵՐԻ ՔՎԵԱՐԿՈՒԹՅԱՆ ԱՐԴՅՈՒՆՔՆԵՐԸ. ՏԵՂԻ ԿՈՒՆԵՆԱ ԵՐԿՐՈՐԴ ՓՈՒԼ
Հաշվիչ հանձնաժողովը հրապարակել է ԵՊՀ հոգաբարձուների խորհրդի՝ համալսարանի ստորաբաժանումներից առաջադրված պրոֆեսորադասախոսական կազմի թեկնածուների ընտրության արդյունքները:

ԵՊՀ գիտական խորհուրդն այսօր փակ գաղտնի քվեարկությամբ ընտրել է ԵՊՀ հոգաբարձուների խորհրդի՝ համալսարանի ստորաբաժանումներից առաջադրված պրոֆեսորադասախոսական կազմի թեկնածուներին:

 

Հիշեցնենք, որ «Երևանի պետական համալսարան» հիմնադրամի՝ հոգաբարձուների խորհրդի անդամության համար համալսարանական ստորաբաժանումների կողմից առաջադրված էին պրոֆեսորադասախոսական կազմի 20 թեկնածու:

 

Քվեարկության հաշվիչ հանձնաժողովի նախագահ Արմեն Ավետիսյանը «Zoom» հարթակի միջոցով ներկայացրել է արդյունքները, ըստ որի՝ քվեարկությանը մասնակցել է գիտխորհրդի 85 անդամ: Անվավեր է ճանաչվել 2 քվեաթերթիկ:

 

 

Ըստ քվեարկության արդյունքների՝ առավել շատ ձայներ են հավաքել Կառավարման և գործարարության ամբիոնի վարիչ Կառլեն Խաչատրյանը, Իրանագիտության ամբիոնի վարիչ Վարդան Ոսկանյանը, Հեռահաղորդակցության և ազդանշանների մշակման ամբիոնի պրոֆեսոր Արսեն Հախումյանը, Հայոց պատմության ամբիոնի դոցենտ Միքայել Մալխասյանը, Քաղաքական ինստիտուտների և գործընթացների ամբիոնի դոցենտ Մենուա Սողոմոնյանը, Անձի հոգեբանության ամբիոնի վարիչ Նարինե Խաչատրյանը, Դիսկրետ մաթեմատիկայի և տեսական ինֆորմատիկայի ամբիոնի պրոֆեսոր Անահիտ Չուբարյանը:

 

ԵՊՀ պրակտիկայի ղեկավար Արա Աթայանը, Քրեական իրավունքի ամբիոնի վարիչ Արա Գաբուզյանը և Աշխարհագրության և երկրաբանության ֆակուլտետի դեկանի տեղակալ Սարգիս Քելյանը, ըստ քվեարկության արդյունքների, հավաքել են հավասար միավորներ, ինչի համար, ըստ նախապես սահմանված կարգի, կանցկացվի քվեարկության երկրորդ փուլը, որը տեղի կունենա նույն ընթացակարգով հունիսի 16-ին՝ ժամը 10:00-ին, ԵՊՀ մեծ դահլիճում:

 


Քնար Միսակյան

Այլ նորություններ
ԵՊՀ-ՈՒՄ ԲԱՑՎԵՑ ՂԱԶԱԽԱԿԱՆ ԳՐԱԿԱՆՈՒԹՅԱՆ ՀԻՄՆԱԴԻՐ ԱԲԱՅ ԿՈՒՆԱՆԲԱԵՎԻ ԱՆՎԱՆ ԼՍԱՐԱՆ
ԵՊՀ արևելագիտության ֆակուլտետում այսօր տեղի է ունեցել ղազախ բանաստեղծ, ղազախական գրականության հիմնադիր Աբայ Կունանբաևի անվան լսարանի բացումը:
ԿՈՉ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԻՇԽԱՆՈՒԹՅՈՒՆՆԵՐԻՆ՝ ԿՐԹՈՒԹՅԱՆ ԵՎ ԳԻՏՈՒԹՅԱՆ ՈԼՈՐՏԻ ԶԱՐԳԱՑՄԱՆԸ ՄԻՏՎԱԾ ՔԱՂԱՔԱԿԱՆՈՒԹՅՈՒՆ ՈՐԴԵԳՐԵԼՈՒ ՎԵՐԱԲԵՐՅԱԼ
Տասնամյակներ շարունակ գիտության և գիտատեխնիկական կրթության նկատմամբ Հայաստանի Հանրապետության իշխանությունների քաղաքականությունն ըստ էության չի ընկալվել գիտական համայնքի և հասարակության կողմից։ Այդ քաղաքականությունն արտահայտվել է անորոշ կարգավորումներով և ոչինչ չասող ձևակերպումներով։