20.06.2019 | 
Կրթություն
ՔՆՆԱՐԿՈՒՄՆԵՐ՝ ԿՐԹՈՒԹՅԱՆ ԵՎ ՈՒՍՈՒՑԻՉՆԵՐԻ ԿԱՏԱՐԵԼԱԳՈՐԾՄԱՆ ՎԵՐԱԲԵՐՅԱԼ. ԳԻՏԱԳՈՐԾՆԱԿԱՆ ԿՈՆՖԵՐԱՆՍ ԵՊՀ-ՈՒՄ
ՔՆՆԱՐԿՈՒՄՆԵՐ՝ ԿՐԹՈՒԹՅԱՆ ԵՎ ՈՒՍՈՒՑԻՉՆԵՐԻ ԿԱՏԱՐԵԼԱԳՈՐԾՄԱՆ ՎԵՐԱԲԵՐՅԱԼ. ԳԻՏԱԳՈՐԾՆԱԿԱՆ ԿՈՆՖԵՐԱՆՍ ԵՊՀ-ՈՒՄ
ԵՊՀ ֆիզիկայի ֆակուլտետում այսօր տեղի ունեցան «Սովորող ուսուցիչ» առցանց վերապատրաստումների ծրագրի ամփոփումը և «Սովորող ուսուցիչ-1» խորագրով գիտագործնական հանրապետական առաջին կոնֆերանսը:

Առցանց վերապատրաստումների ծրագիրն իրականացվում է ԵՊՀ ֆիզիկայի ֆակուլտետի ասիստենտ Մերուժան Հարությունյանի և Հայ-ռուսական (Սլավոնական) համալսարանի դասախոս Գագիկ Աղեկյանի կողմից սոցիալական կայքերի միջոցով:



Մեզ հետ զրույցում Մերուժան Հարությունյանը պատմեց, որ ուսուցիչների առցանց վերապատրաստումներ կազմակերպելու մտահղացումը ծնվել է այն ժամանակ, երբ դեռ ամիսներ առաջ ինքը միացել է ֆեյսբուքյան խմբերից մեկին, տեղադրել տարբեր բնագավառների վերաբերյալ հոդվածներ, որոնք միանշանակ չեն ընդունվել ու տարբեր մեկնաբանությունների պատճառ դարձել. «Մենք որոշեցինք նոր խումբ ստեղծել և հրավիրել մեր համակիրներին՝ միասին քննարկելու տարբեր հոդվածներ»:




Մերուժան Հարությունյանի փոխանցմամբ, խումբն այսօր ունի ավելի քան հազար հարյուր անդամ. «Խմբում թույլատրելի են տարբեր ելույթներ, որոնք չեն պարունակում գռեհկություն, խավարամոլություն, մոլեռանդություն ու հայհոյանք: Թույլատրվում է բարբառներով գրելը: Յուրաքանչյուր անդամ իրավունք ունի գրելու իր ուզած ոճով և նախընտրած լեզվով: Խմբում քննարկվում են թեմաներ տնտեսագիտությունից, բարոյագիտությունից, երբեմն էլ իրավագիտությունից ու մաթեմատիկայից, բնագիտության բոլոր ճյուղերից և այլն»:

«Սովորող ուսուցիչ-1» խորագրով գիտագործնական հանրապետական առաջին կոնֆերանսին մասնակցում էին խմբի անդամ ուսուցիչներ, որոնք աշխատում են Երևանի և ՀՀ մարզերի տարբեր դպրոցներում:




Հանդիպման ընթացքում մասնակիցները խոսեցին, թե ինչպիսին պետք է լինի ուսուցիչը, ինչ քայլեր պետք է իրականացնի՝ կատարելագործվելու և գիտելիքն առավել արդյունավետ մատուցելու համար, խոսեցին նաև վերապատրաստման ծրագրերի և իրենց գործունեությունն առավել հետաքրքիր դարձնելու քայլերի մասին:

Ի դեպ, հանդիպմանը մասնակիցները ստացան հավաստագրեր՝ ԵՊՀ ֆիզիկայի ֆակուլտետի կազմակերպած «Սովորող ուսուցիչ» առցանց վերապատրաստումների ծրագրին (մարտ-մայիս) և «Սովորող ուսուցիչ-1» խորագրով գիտագործնական հանրապետական առաջին կոնֆերանսին մասնակցելու համար:

 

Քնար Միսակյան

Այլ նորություններ
«ՄԱՐԴՈՒ ԻՐԱՎՈՒՆՔՆԵՐԻ ԱԶԳԱՅԻՆ ՀԱՍՏԱՏՈՒԹՅՈՒՆՆԵՐԻ ՀԶՈՐՈՒԹՅԱՆ ԱՍՏԻՃԱՆԸ ԽՈՍՈՒՄ Է ԱՅԴ ԵՐԿՐՈՒՄ ԺՈՂՈՎՐԴԱՎԱՐՈՒԹՅԱՆ ԵՎ ՕՐԵՆՔԻ ԳԵՐԱԿԱՅՈՒԹՅԱՆ ՄԱԿԱՐԴԱԿԻ ՄԱՍԻՆ»․ ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԵՊՀ-ՈՒՄ
Երևանի պետական համալսարանի գիտխորհրդի նիստերի դահլիճում այսօր տեղի է ունեցել «Մարդու իրավունքներ և սոցիալական աշխատանք» թեմայով դասախոսություն-քննարկում, որը կազմակերպել էր Սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնը՝ ի դեմս Լիանա Մկրտչյանի։
ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՈՒՀԻՆ ԱՐԱԲԵՐԵՆԻ ՀԱՄԱՌՈՒՍԱՍՏԱՆՅԱՆ 3-ՐԴ ՄԻՋԱԶԳԱՅԻՆ ՕԼԻՄՊԻԱԴԱՅՈՒՄ ԶԲԱՂԵՑՐԵԼ Է 2-ՐԴ ՏԵՂԸ
Հոկտեմբերի 31-ից նոյեմբերի 1-ն ընկած ժամանակահատվածում Կազանի դաշնային համալսարանի կողմից կազմակերպվել է արաբերենի համառուսաստանյան 3-րդ միջազգային օլիմպիադան, որին մասնակցել են ավելի քան 120 ուսանողներ Ռուսաստանի տարբեր քաղաքների համալսարաններից (Մոսկվա, Սանկտ Պետերբուրգ, Կազան, Սիմֆերոպոլ, Ուֆա), ինչպես նաև ներկայացուցիչներ Բելառուսից, Հայաստանից, Ուկրաինայից, Տաջիկստանից, Ղրղզստանից և Ղազախստանից։