25.02.2015 | 
Հասարակություն
ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ ԸՆԴԱՌԱՋ
ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ ԸՆԴԱՌԱՋ
Փետրվարի 24-ին ԵՊՀ «Վարդանանք» ռազմահայրենասիրական դաստիարակության ակումբի անդամներն իրականացրին ծիծեռնակաբերդյան հերթական ընթերցումները:

Արդեն երկար տարիներ է, ինչ «Վարդանանք» ակումբը յուրաքանչյուր ամսվա 24-ին «Երիտասարդությունն ընդդեմ ցեղասպանության» ծրագրի շրջանակում այցելում է Ծիծեռնակաբերդի բարձունք ու այնտեղ անցկացնում ընթերցումներ: Սովորաբար դրանք նվիրված են լինում հայ այն գրողների ստեղծագործություններին, ովքեր անդրադարձել են նաև Հայոց ցեղասպանությանը:

 

Փետրվարյան ըներցումներն էլ նվիրված էին «Նեմեսիս» գործողությանը, որի նպատակն է եղել պատժել Հայոց ցեղասպանությունը կազմակերպող և իրականացնող երիտթուրք պարագլուխներին, 1918 թ-ի Բաքվի հայկական ջարդերի կազմակերպիչներին և թուրքերի հետ համագործակցած հայ դավաճաններին: Հարկ է արձանագրել, որ բացի վարդանանքցիներից` ընթերցումներին միացել էին նաև ՊՆ Վազգեն Սարգսյանի անվան ռազմական ինտիտուտի կուրսանտները:

 

«Վարդանանք» ակումբի նախագահ Սաթենիկ Աբրահամյանը նշեց, որ «Նեմեսիս» գործողությանը նվիրված ընթերցումները պատահական չեն ընտրված. «Քանի որ Հայոց ցեղասպանության 100-րդ տարելիցին մնացել են հաշված օրեր, մենք որոշեցինք անդրադառնալ մի լուրջ գործողության, որն էական նշանակություն է ունեցել հայերիս համար: Բացի այդ՝ հասարակությունն էլ հասկացավ, որ այդ մարդկանց միջոցով կարող են պատժվել հանցագործները: Ցեղասպանությունից մազապուրծ եղած մարդկանցից շատերի զավակներն էլ, ինտեգրվելով այդ գործողություններում, որոշեցին փրկել աշխարհը՝ վնասազերծելով հանցագործներին»:

 

«Նեմեսիս» գործողությանն անդրադարձել է լրագրող, հրապարակախոս, թարգմանիչ «Վարդանանք» ակումբի լավագույն բարեկամ Գրիգոր Ջանիկյանը: Հենց նրա ուսումնասիրություններից էլ Ծիծեռնակաբերդի հուշահամալիրում ընթերցեցին վարդանանքցիները:

 

Ռազմահայրենասիրական դաստիարակության ակումբի անդամ, Ժուռնալիստիկայի ֆակուլտետի մագիստրատուրայի 2-րդ կուրսի ուսանողուհի Անուշ Ամիրբեկյանը նշեց, որ անկախ զբաղվածությունից` ինքն ամեն ամսվա 24-ին մասնակցում է ընթերցումներին: ԵՊՀ ուսանողուհին ոգևորությամբ փաստեց, որ այդ ընթերցումները ուսանողներին մոտեցնում են ոչ միայն հեղինակներին, այլև Մեծ եղեռնից տուժած մեր զոհերի հոգիներին:

 

Տեղեկացնենք նաև, որ «Երիտասարդությունն ընդդեմ ցեղասպանության» ծրագիրը շարունակական է: «Վարդանանք» ակումբը մեծ միջոցառումներ է նախատեսում ոչ միայն ապրիլի 24-ին, այլև դրանից հետո:

Այլ նորություններ
«ԳԻՏՈՒԹՅՈՒՆԸ ՇԱՏ ԽԱՆԴՈՏ Է ԵՎ ՉԻ ՀԱՆԴՈՒՐԺՈՒՄ ՈՒՇԱԴՐՈՒԹՅԱՆ ՊԱԿԱՍ ԿԱՄ ԱՆՏԱՐԲԵՐՈՒԹՅՈՒՆ». ՀՈՎՀԱՆՆԵՍ ՀԱՐՈՅԱՆ
«Երևանի պետական համալսարանում դասավանդման գերազանցության մրցանակ» ամենամյա մրցույթի 2020 թ. ֆիզիկամաթեմատիկական անվանակարգում հաղթող է ճանաչվել Հեռահաղորդակցության և ազդանշանների մշակման ամբիոնի վարիչ Հովհաննես Հարոյանը: Պարոն Հարոյանի հետ զրուցել ենք մասնագիտության ընտրության, գիտական գործունեության, ինչպես նաև բնագավառի մարտահրավերների և դրանք հաղթահարելու ուղիների մասին:
ԵՊՀ ՀՈԳԵԲԱՆՈՒԹՅԱՆ ՄԱՍՆԱԳԻՏԱԿԱՆ ԽՈՐՀՈՒՐԴՆ ԱՆՑԿԱՑՆԵԼՈՒ Է ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅՈՒՆՆԵՐԻ ՊԱՇՏՊԱՆՈՒԹՅՈՒՆՆԵՐ
Այս տարի Երևանի պետական համալսարանի փիլիսոփայության և հոգեբանության ֆակուլտետը դիմել է ՀՀ բարձրագույն որակավորման կոմիտե և ստացել թույլտվություն հոգեբանության մասնագիտական խորհուրդ ձևավորել և անցկացնել թեկնածուական ատենախոսությունների պաշտպանություններ ԺԹ.00.01 մասնագիտությամբ: