18.12.2006 | 
Հասարակություն
ԳՈՒՐԳԵՆ ՄԵԼԻՔՅԱՆԸ 70 ՏԱՐԵԿԱՆ Է
ԳՈՒՐԳԵՆ ՄԵԼԻՔՅԱՆԸ 70 ՏԱՐԵԿԱՆ Է
«Այսօր մտավորական կոչվելու իրավունք ունեն միայն այն մարդիկ, ովքեր տալիս են շատ, ստանում քիչ եւ բավարարվում են այդ քչով: Երջանիկ է նա, ով գիտե այդպես նվիրվել գործին»,- ասում է իր կյանքի 70 տարիներից 50-ը ԵՊՀ-ին նվիրած մտավորականը:

Դեկտեմբերի 18-ին ԵՊՀ Չարենցի դահլիճում նշվեց արեւելագիտության ֆակուլտետի դեկան, հասարակական-քաղաքական գործիչ, մտավորական Գուրգեն Մելիքյանի 70 ամյակը:

Հոբելյարին շնորհավորեցին ոչ միայն հանրապետության տարբեր կրթօջախների ներկայացուցիչներ, այլեւ պաշտոնական անձինք: Հնչեցին ՀՀ նախագահի աշխատակազմի, ՀՀ Արտաքին գործերի նախարարի եւ ԼՂՀ նախագահի պաշտոնական ուղերձները: Իրանում ծնված պարսկագետին շնորհավորական ուղերձն էր հղել նաեւ Հայաստանում Իրանի Իսլամական Հանրապետության դեսպանատունը:

Հյուրերի թվում էր ՀՀ պաշտպանության նախարար, ԵՊՀ Խորհրդի նախագահ Սերժ Սարգսյանը: Արցախյան գոյամարտում եւ հայոց բանակի ձեւավորման գործում իր զգալի ներդրումն ունեցած մտավորականին Սերժ Սարգսյանը փոխանցեց վարչապետի հուշամեդալը, ապա նաեւ պարգեւատրեց Գարեգին Նժդեհի անվան մեդալով:

Գուրգեն Մելիքյանին շնորհավորեց նաեւ Արցախի թեմի առաջնորդ Պարգեւ Սրբազանը: «Երբ ասում ենք Գուրգեն Մելիքյան, անմիջապես մեր աչքի առաջ հայտնվում է նրա ժպտերես, գեղեցիկ դեմքն իր փառահեղ բեղերով, ու մենք ակամայից ժպտում ենք»:

Գուրգեն Մելիքյանը 15 տարի եղել է Արցախի թեմի ատենապետը: Պարգեւ Սրբազանը տեղեկացրեց, որ Արցախի թեմի խորհուրդն որոշում է ընդունել Գուրգեն Մելիքյանին հռչակել թեմի պատվո ատենապետ:

«Մահը բազում անգամ անցել է իմ կողքով, բայց չի դիպել: Երեւի դեռ անելիքներ ունեմ այս կյանքում»,- ասում է երիտասարդի նման առույգ ու կայտառ, 70-ամյա Գուրգեն Մելիքյանը:

Այլ նորություններ
ԵՊՀ ՄԻԱԿ ԿԻՆ ԱԿԱԴԵՄԻԿՈՍԸ 90 ՏԱՐԵԿԱՆ Է
Այսօր լրանում է Հայաստանի գիտության վաստակավոր գործիչ, ՀՀ ԳԱԱ ակադեմիկոս, կենս. գիտ. դոկտոր, պրոֆեսոր, ԵՊՀ կենսաբանության ֆակուլտետի բուսաբանության ամբիոնի պատվավոր վարիչ Լիա Օսիպյանի ծննդյան 90-ամյակը:
«ԵՍ ԻՆՁ ԵՐՋԱՆԻԿ ԵՄ ՀԱՄԱՐՈՒՄ ՆՄԱՆ ԽԵԼԱՑԻ, ՍԹԱՓ ՄՏԱԾՈՂ ՈՒ ՏՐԱՄԱԲԱՆՈՂ, ԾԱՅՐԱՀԵՂ ՀՈԳԱԾՈՒ ԿԻՆ ՈՒՆԵՆԱԼՈՒ ՀԱՄԱՐ». ՀԱՄԱԼՍԱՐԱՆԱԿԱՆ ՊԱՏՄՈՒԹՅՈՒՆՆԵՐ. ԱԼԲԵՐՏ ՄԱԿԱՐՅԱՆ, ՀԱՅԿԱՆՈՒՇ ՇԱՐՈՒՐՅԱՆ
ԵՊՀ հայ բանասիրության ֆակուլտետի ակադեմիկոս Հրանտ Թամրազյանի անվան հայ գրականության պատմության ամբիոնի պրոֆեսոր Ալբերտ Մակարյանի ու կնոջ՝ Եվրոպական լեզուների և հաղորդակցության ֆակուլտետի անգլերենի N 2 ամբիոնի դոցենտ Հայկանուշ Շարուրյանի հանդիպման ճակատագրական վայրը եղել է ԵՊՀ-ն: